ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ

ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ - 622 - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ
ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ - AGL banner - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ

ແຫ​ລ່ງຂ່າວ​ຈາກ​ແຂວງ​ໄຊ​ຍະ​ບູລີ ແຈ້ງ​ໃຫ້​ຮູ້​ວ່າ ​ແຂວງ​ໄຊ​ຍະ​ບູລີ ​ໄດ້​ຮັບ​ຜົນເສຍຫາຍໃນເບື້ອງຕົ້ນ ຈາກໄພພິບັດນໍ້າຖ້ວມທີ່​ເກີດ​ຂຶ້ນໃນລະຫວ່າງ ວັນທີ 2-3 ສິງຫາ 2020 ນີ້, ລວມມີ 8 ເມືອງ, 64 ບ້ານ, 2.629 ຄອບຄົວ ໄດ້ຮັບຜົນກະທົບ, ລວມມູນຄ່າເສຍຫາຍ 26,5 ຕື້ກວ່າກີບ.

ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ໄດ້ລາຍ​ງານ​ໃຫ້​ຮູ້​ ໃນ​ໂອກາດຕ້ອນຮັບ ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງ ​ແຮງ​ງານ ​ແລະ ສະຫວັດດີ​ການ​ສັງຄົມ, ພ້ອມດ້ວຍຄະນະ ​ໃນ​ວັນ​ທີ 6 ສິງຫາ 2020 ນີ້​ວ່າ: ແຂວງໄຊຍະບູລີ ​ໄດ້​ຮັບຄວາມເສຍຫາຍໃນເບື້ອງຕົ້ນຈາກໄພພິບັດນໍ້າຖ້ວມ ​ໃນ​ຄັ້ງ​ນີ້ ມີ​ທັງ​ໝົດມີ 8 ເມືອງ, 64 ບ້ານ, 2.629 ຄອບຄົວ, ລວມມູນຄ່າເສຍຫາຍ 26,5 ຕື້ກວ່າກີບ. ​ໃນ​ນັ້ນ, ເມືອງແກ່ນທ້າວ ຂົວຂາດ 2 ຈຸດ, ເມືອງໄຊຊະຖານ ດິນເຈື່ອນຖົມທາງ, ທາງເຈື່ອນ 17 ຈຸດ, ນໍ້າຖ້ວມນາ 2 ບ້ານ, ມີ 20 ຄອບຄົວ, ເມືອງຄອບ ນໍ້າຖ້ວມເນື້ອທີ່ທໍາການຜະລິດເສຍຫາຍ 34,40 ເຮັກຕາ, ມີ 10 ບ້ານ, ມີ 141 ຄອບຄົວ, ເມືອງພຽງ ນໍ້າຖ້ວມນາ 325,41 ເຮັກຕາ, ໃນນີ້ເສຍຫາຍ 186,14 ເຮັກຕາ, ມີ 18 ບ້ານ, 581 ຄອບຄົວ, ເມືອງທົ່ງມີໄຊ ນໍ້າຖ້ວມເຮືອນ ແລະ ທີ່ທໍາການຜະລິດ ມີ 10 ບ້ານ, 189 ຄອບຄົວ, ມີ 931 ຄົນ, ເມືອງເງິນ ນໍ້າຖ້ວມເຮືອນ ແລະ ທີ່ທໍາການຜະລິດ 3 ບ້ານ, ມີ 52 ຄອບຄົວ, ມີ 260 ຄົນ, ເມືອງບໍ່ແຕນ ນໍ້າຖ້ວມບ້ານ ແລະ ເນື້ອທີ່ທໍາການຜະລິດ ມີ 11 ບ້ານ, 757 ຄອບຄົວ, ມີ 3.785 ຄົນ ແລະ ເມືອງໄຊຍະບູລີ ນໍ້າຖ້ວມບ້ານເຮືອນ ແລະ ເນື້ອທີ່ທໍາການຜະລິດເສຍຫາຍ 187,34 ເຮັກຕາ, ມີ 30 ບ້ານ, ມີ 889 ຄອບຄົວ, ມີເຮືອນເສຍຫາຍໜັກ 11 ຫລັງ, ມີໜອງປາ ແລະ ໜອງລ້ຽງກົບ ຖືກນໍ້າຖ້ວມ 42 ໜອງ, ໃນນັ້ນມີປາເສຍຫາຍ 92 ລ້ານໂຕ, ກົບ 7.650 ໂຕ, ມີງົວ ແລະ ໝູຕາຍໄຫລນໍ້າ 4 ໂຕ, ສັດປີກ 4 ແສນກວ່າໂຕ, ຊົນລະປະທານ 3 ແຫ່ງ, ເສັ້ນທາງ 6 ເສັ້ນ, ຕ້ານເຈື່ອນ 1 ແຫ່ງ.

ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ - Wave100S AD to Website 2020 0 - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ

​ໃນ​ໂອກາດ​ນີ້, ກໍໄດ້ປຶກສາຫາລືກັນ ກ່ຽວກັບການຟື້ນຟູ ແລະ ປົວແປງຈິດໃຈຂອງປະຊາຊົນ ທີ່ໄດ້ຮັບຜົນກະທົບ ຈາກໄພພິບັດນໍ້າຖ້ວມໃນຄັ້ງນີ້ ໃຫ້ກັບສູ່ສະພາບປົກກະຕິ. ພ້ອມ​ນີ້, ທ່ານ ຄໍາແພງ ໄຊສົມແພງ ໄດ້ມອບເຄື່ອງອຸປະໂພກ-ບໍລິໂພກ ແລະ ເຄື່ອງໃຊ້ທີ່ຈໍາເປັນຈໍານວນໜຶ່ງ ໃຫ້ການ​ນຳແຂວງ​ໄຊ​ຍະ​ບູລີ ເພື່ອນຳມອບຕໍ່ໃຫ້ປະຊາຊົນ ຜູ້ທີ່ໄດ້ຮັບຜົນເສຍຫາຍຈາກໄພພິບັດນໍ້າຖ້ວມ.

ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ - lattana banner 1 - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ
ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ - lattana banner - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ
ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ -    AD conten website - ແຂວງໄຊຍະບູລີເສຍຫາຍເກືອບ 30 ຕື້ກີບ ຈາກໄພນໍ້າຖ້ວມ
error: Alert: ເນື້ອຫາຂ່າວມີລິຂະສິດ !!