ເບິ່ງເພິ່ນໃສ່ເຮົາ

ເບິ່ງເພິ່ນໃສ່ເຮົາ - 555 12 - ເບິ່ງເພິ່ນໃສ່ເຮົາ
ເບິ່ງເພິ່ນໃສ່ເຮົາ - Untitled design - ເບິ່ງເພິ່ນໃສ່ເຮົາ

(ກ້າວສູ່ກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ)

ໂດຍ: ລູກເມືອງພວນ

ການເລືອກບຸກຄະລາກອນເຂົ້າໃນຄະນະບໍລິຫານງານພັກແຕ່ລະຂັ້ນ ແມ່ນມີຄວາມສຳຄັນຫຼາຍ ໂດຍສະເພາະແມ່ນໃນຄະນະບໍລິຫານງານສູນກາງພັກ ຊຶ່ງພວກເພິ່ນແມ່ນຫົວຈັກ ຂັບເຄື່ອນປະເທດຊາດບ້ານເມືອງ. ດັ່ງນັ້ນຈຶ່ງຕ້ອງພິຖີພິຖັນໃນທຸກຂັ້ນຕອນຂອງການຄັດເລືອກ ເພື່ອໃຫ້ໄດ້ຄົນດີ ຄົນເດັ່ນ ຄົນທີ່ມີຄວາມຮູ້ຄວາມສາມາດທີ່ແທ້ຈິງ.

ເພື່ອເປັນການຖອດຖອນບົດຮຽນໃຫ້ແກ່ພວກເຮົາ. ຈົ່ງມາເບິ່ງປະເທດເພື່ອມິດ ສສ ຫວຽດນາມກັນ ນຳກັນ ເຊິ່ງເພິ່ນມີວິທີການຄັດເລືອກ, ມີມາດຖານເງື່ອນໄຂທີ່ຈະຖືກຄັດເລືອກເຂົ້າໃນຄະນະບໍລິຫານງານສູນກາງພັກ, ເຂົ້າຢູ່ໃນກົມການເມືອງສູນກາງພັກ ໃນສະໄໝກອງປະຊຸມໃຫ່ຍຂອງພັກຄອມມຸຍນິດຫວຽດນາມຄັ້ງທີ່ 13 ທີ່ຈະມາເຖິງ.

ກອງປະຊຸມໃຫ່ຍຄັ້ງທີ 11 ຂອງພັກຄອມມຸນນິດຫວຽດນາມ ເພິ່ນໄດ້ວາງເງື່ອນໄຂທາງອາຍຸກະສຽນໄວ້ວ່າ ຜູ້ທີ່ຈະສະໝັກເຂົ້າໃນຄະນະບໍລິຫານງານສູນກາງພັກ ມີອາຍຸບໍ່ໃຫ້ເກີນ 60 ປີ ແຕ່ມີ 11 ຄົນທີ່ມີອາຍຸເກີນ 60 ປີ ຊຶ່ງເປັນກໍລະນີພິເສດ ຈຶ່ງໄດ້ສະເໜີເຂົ້າໃນຄະນະບໍລິຫານງານສູນກາງພັກ ແລະ ມີ 1 ຄົນ ອາຍຸ 65 ປີ ຖືກສະເໜີຊື່ເຂົ້າຢູ່ໃນກົມການເມືອງສູນກາງພັກ ແລະ ຄະນະເລຂາທີການສູນກາງພັກ.

ກອງປະຊຸມໃຫ່ຍຄັ້ງທີ 13 ຂອງພັກຄອມມຸຍນິດຫວຽດນາມທີ່ຈະມາເຖິງນີ້. ທ່ານເລຂາທິການໃຫຍ່ ຫງວຽນຟູຈ໊ອງ ປະກາດວ່າ: ຄະນະບໍລິຫານງານສະໄໝ 13 ທີ່ຈະມາເຖິງນີ້ ຕ້ອງມີ 3 ຮຸ່ນອາຍຸ ຫຼື 3 ຮຸ່ນຄົນຄື: ອາຍຸຕໍ່າກວ່າ 50 ປີ, 50-60 ປີ ແລະ 60 ປີຂຶ້ນໄປ, ແຕ່ເວົ້າແບບນີ້ບໍ່ໝາຍຄວາມວ່າ ຜູ້ທີ່ຖືກສະເໜີເຂົ້າຢູ່ໃນຄະນະບໍລິຫານສູນກາງພັກ ບໍ່ແມ່ນແຕ່ຜູ້ທີ່ມີອາຍຸເກີນ 61 ປີຂຶ້ນໄປເທົ່ານັ້ນ.

ຕໍ່ບັນຫາດັ່ງກ່າວ ໄລຍະທີ່ຜ່ານມາ ທ້ອງຖິ່ນຕ່າງໆບໍ່ສາມາດປະຕິບັດດ້ານອາຍຸໄດ້. ຍ້ອນແນວນັ້ນເມື່ອໃກ້ຈະຮອດກອງປະຊຸມໃຫ່ຍແຕ່ລະຄັ້ງຈຶ່ງເກີດມີປາກົດການ “ກ້ວຍສຸກທັງຫວີ” ເຮັດໃຫ້ເກີດຄວາມຫຍຸ້ງຍາກໃນການຊັບຊ້ອນບຸກຄະລາກອນ.

ຖ້າຜູ້ໃດມີຄວາມເໝາະສົມທີ່ສຸດຈຶ່ງສະເໜີເຂົ້າເປັນກໍລະນີພິເສດ, ສ່ວນທີ່ຍັງເຫຼືອ ແມ່ນ ໃຫ້ເປັນແບບວ່າ “ໜໍ່ແທນລຳ” (ສືບທອດ).

ມີບາງຄົນ ເຖິງແມ່ນອາຍຸຈະເຖິງ 60 ແລ້ວກໍຕາມ ແຕ່ຍັງມີຄວາມຮູ້ຄວາມສາມາດ ສຸຂະພາບຍັງແຂງແຮງດີ ກໍສາມາດໃຫ້ສືບຕໍ່ເຮັດວຽກງານເພື່ອປະເທດຊາດໄດ້ ຍັງດີກວ່າທີ່ຈະປະຖິ້ມຄົນພວກນີ້ໄປໂດຍໄຮ້ຜົນປະໂຫຍດ ມັນຈະເປັນການສິ້ນເປືອງ ແລະ ໃຊ້ຄົນບໍ່ໝົດຄຸນນະພາບ. ສ່ວນຜູ້ທີ່ບໍ່ມີຄວາມຮູ້ຄວາມສາມາ ບໍ່ເປັນແບບຢ່າງ ບໍ່ສ້າງຜົງານໃຫ້ປະເທດຊາດ ແມ່ນໃຫ້ພັກຜ່ອນ.

ເບິ່ງເພິ່ນໃສ່ເຮົາ - Wave100S AD to Website 2020 0 - ເບິ່ງເພິ່ນໃສ່ເຮົາ

ເລຂາທິການໃຫຍ່ຂອງພັກ ຄອມມູນິດ ຫວຽດນາມ ປະທານປະເທດ ຫງວຽນຟູຈ໊ອງ ເວົ້າວ່າ: “ກໍລະນີພິເສດ ກ່ອນອື່ນໝົດ ມັນບໍ່ແມ່ນບໍ່ມີຄົນ ບໍ່ແມ່ນຊອກຄົນບໍ່ໄດ້ ຊຶ່ງບັນຫາຂອງມັນຢູ່ບ່ອນວ່າ: ຖ້າໃຫ້ໃຜຜູ້ໜຶ່ງຍັງສືບຕໍ່ເຮັດວຽກຕໍ່ໄປນັ້ນ ມັນມີຜົນປະໂຫຍດຫຍັງແດ່ໃຫ້ພັກ, ໃຫ້ປະຊາຊົນ”.

1.ໂຄງສ້າງບຸກຄະລາກອນກອງປະຊຸມໃຫ່ຍຄັ້ງທີ 13 ຂອງພັກຄອມມູນິດຫວຽດນາມວາງໄວ້ດັ່ງນີ້: ຄະນະບໍລິຫານງານສູນກາງພັກ 200 ທ່ານ, ກຳມະການກົມການເມືອງສູນກາງພັກ 17-19 ທ່ານ, ຄະນະເລຂາທິການສູນກາງພັກ 11-13 ທ່ານ.

2.ໂຄງສ້າງດ້ານອາຍຸ: ຕໍ່າກວ່າ 50ປີ ກວມ 10-15%, ແຕ່ 51-60ປີ ກວມ 75-80 ປີ, ແຕ່ 61 ປີຂຶ້ນເມືອ ເທົ່າກັບ 10%.

3.ຜູ້ທີ່ໃຫ້ສະໝັກຄືໃໜ່: ຕໍ່າກວ່າ 60 ປີ ສາມາດສະໝັກໃນຄະນະບໍລິຫານງານສູນກາງພັກ, ຕໍ່າກວ່າ 65 ປີ ສາມາດສະໝັກເຂົ້າໃນກົມການເມືອງສູນກາງພັກໄດ້.

ຂໍ້ມູນຈາກ: vietnamnet

 

ເບິ່ງເພິ່ນໃສ່ເຮົາ - WhatsApp Image 2020 05 27 at 5 - ເບິ່ງເພິ່ນໃສ່ເຮົາ
ເບິ່ງເພິ່ນໃສ່ເຮົາ - WhatsApp Image 2020 05 27 at 5 - ເບິ່ງເພິ່ນໃສ່ເຮົາ
error: Alert: ເນື້ອຫາຂ່າວມີລິຂະສິດ !!