ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19

ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19 - 66 - ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19
ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19 - Untitled design - ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19

ເຊົ້າຂອງວັນທີ 5 ສິງຫານີ້ ທີ່ສຳນັກງານນາຍົກລັດຖະມົນຕີ ໄດ້ມີກອງປະຊຸມປຶກສາຫາລືກ່ຽວກັບວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ລະຫວ່າງທ່ານ ທອງລຸນ ສີສຸລິດ ນາຍົກລັດຖະມົນຕີ ​ແລະ ຄະນະສະເພາະກິດຕ້ານ​ການລະບາດ​ຂອງ​ພະຍາດ​ໂຄ​ວິດ-19 ​ເພື່ອຮັບຟັງການລາຍງານກ່ຽວກັບການຈັດຕັ້ງປະຕິບັດບັນດາມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດດັ່ງກ່າວໃນໄລຍະເດືອນກໍລະກົດ ແລະ ຕົ້ນເດືອນສິງຫານີ້ ​ໂດຍທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ຮອງຫົວໜ້າຄະນະສະເພາະກິດ; ຫຼັງຈາກນັ້ນ ກອງປະຊຸມໄດ້ພ້ອມທັງຕີລາຄາປະເມີນຄືນການຈັດຕັ້ງປະຕິບັດວຽກງານສະກັດ​ກັ້ນດັ່ງກ່າວ ແລະ ສະເໜີ​ໃຫ້​ມີ​ການປັບປຸງບາງວຽກງານທີ່ເຫັນວ່າບໍ່ທັນຈະແຈ້ງ, ການຈັດຕັ້ງປະຕິບັດບໍ່ທັນໄດ້ດີ ຍັງມີຊ່ອງຫວ່າງທີ່ອາດເຮັດໃຫ້ເກີດຄວາມສ່ຽງຕໍ່ວຽກງານປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ປະເທດເຮົາ.

ໃນຕອນທ້າຍ, ທ່ານນາຍົກລັດຖະມົນຕີ ໄດ້ມີຄຳເຫັນສັງລວມ ແລະ ​ໃຫ້ທິດຊີ້ນຳຂະແໜງການທີ່ກ່ຽວຂ້ອງເອົາໃຈໃສ່ຕື່ມຄື: ສືບຕໍ່ເຂັ້ມງວດຕໍ່ການຈັດຕັ້ງປະຕິບັດບັນດາມາດຕະການທີ່ລັດຖະບານ ແລະ ຄະນະສະເພາະກິດວາງອອກ; ເພີ່ມທະວີຄວາມເຂັ້ມງວດໃນການຄຸ້ມຄອງການເຂົ້າ-ອອກເມືອງໃຫ້ຖືກຕ້ອງຕາມກົດໝາຍ ແລະ ລະບຽບການ, ກໍລະນີພົບເຫັນຜູ້ລັກລອບເຂົ້າເມືອງແບບບໍ່ຖືກຕ້ອງແມ່ນໃຫ້ນຳໂຕໄປກວດຫາເຊື້ອ ແລ້ວກັກບໍລິເວນຢູ່ໂຮງແຮມ ຫຼື ສູນທີ່ລັດຈັດສັນໄວ້, ທັງໃຫ້ດໍາເນີນມາດຕະການຕາມກົດໝາຍ ແລະ ລະບຽບການທີ່ກ່ຽວຂ້ອງກຳນົດ; ປັບປຸງເງື່ອນໄຂ, ມາດຕະການ, ກົນໄກການປະສານງານການເຂົ້າມາ ສປປ ລາວ ໃຫ້ມີຄວາມຮັດກຸມ ແລະ ຈັດຕັ້ງປະຕິບັດຢ່າງເຂັ້ມງວດ ໂດຍສະເພາະການສະໜອງຂໍ້ມູນຜູ້ໂດຍສານກ່ອນການເດີນທາງເຂົ້າມາ, ການເກັບຕົວຢ່າງກວດຫາເຊື້ອພະຍາດຢູ່ສະໜາມບິນ, ການຈັດສົ່ງໄປຈຳກັດບໍລິເວນຢູ່ໂຮງແຮມ, ພ້ອມທັງມີການຕິດຕາມກວດກາຢ່າງເປັນປົກກະຕິ ແລະ ມີປະສິດທິຜົນ; ເຂັ້ມງວດຕິດຕາມ ກວດກາ ແລະ ຄຸ້ມຄອງຮ້ານບັນເທິງ, ຮ້ານຄາລະໂອເກະ, ຮ້ານເຫຼົ້າ-ເບຍ ທີ່ລັດຖະບານໄດ້ສັ່ງໃຫ້ປິດຊົ່ວຄາວແລ້ວນັ້ນ, ຖ້າກວດພົບເຫັນຮ້ານໃດຍັງລະເມີດ ແລະ ບໍ່ປະຕິບັດຕາມຄຳສັ່ງຂອງລັດຖະບານແມ່ນໃຫ້ດຳເນີນການຕັກເຕືອນ, ປັບໄໝ, ຫາກຍັງຝ່າຝືນຢູ່ແມ່ນໃຫ້ດຳເນີນມາດຕະການລົບລ້າງໃບອະນຸຍາດການດຳເນີນທຸລະກິດ ແລະ ລົບລ້າງໃບທະບຽນວິສາຫະກິດຕາມຂັ້ນຕອນ; ເອົາໃຈໃສ່ຄຸ້ມຄອງນັກສຶກສາລາວຢູ່ຕ່າງປະເທດໃຫ້ດີ, ຫາກມີຈຸດປະສົງຈະກັບເຂົ້າມາປະ​ເທດກໍຕ້ອງປະຕິບັດຕາມລະບຽບການຢ່າງເຂັ້ມງວດ, ກໍລະນີມີການລະເມີດກໍຕ້ອງໄດ້ປະຕິບັດມາດຕະການທີ່ເໝາະສົມ; ໃຫ້ສືບຕໍ່ເພີ່ມທະວີການໂຄສະນາເຜີຍແຜ່, ປະຊາສຳພັນ ແລະ ເຜີຍແຜ່ໃຫ້ປະຊາຊົນໄດ້ຮັບຮູ້ເຖິງຄວາມອັນຕະລາຍ ແລະ ຄວາມສ່ຽງທີ່ຈະເກີດມີການລະບາດຂອງພະຍາດ COVID-19 ອີກຮອບໃໝ່, ພ້ອມທັງ ເປັນເຈົ້າການ ແລະ ມີສະຕິໃນການປະຕິບັດມາດຕະການປ້ອງກັນ ແລະ ຄວບຄຸມການລະບາດຂອງພະຍາດດັ່ງກ່າວ ຕາມຄຳແນະນໍາຂອງຄະນະສະເພາະກິດວາງອອກໃນແຕ່ລະໄລຍະ ເພື່ອປ້ອງກັນຕົນເອງ, ຄອບຄົວ, ສັງຄົມ ແລະ ປະເທດຊາດໃຫ້ປອດຈາກການຕິດເຊື້ອຂອງພະຍາດ COVID-19 ຮອບ​ໃໝ່, ພ້ອມກັນນັ້ນ ກໍໃຫ້ໂຄສະນາ ແລະ ເຜີຍແຜ່ການປະຕິບັດໜ້າທີ່ຂອງຄະນະສະເພາະກິດ ເພື່ອໃຫ້ສັງຄົມຮັບຮູ້ ແລະ ເຂົ້າໃຈຢ່າງທົ່ວເຖິງ.

ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19 - Wave100S AD to Website 2020 0 - ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19
ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19 - WhatsApp Image 2020 05 27 at 5 - ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19
ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19 - WhatsApp Image 2020 05 27 at 5 - ຜົນກອງປະຊຸມຮ່ວມທ່ານນາຍົກ ແລະ ຄະນະສະເພາະກິດ ຕ້ານການລະບາດຂອງພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!