ພິດຢາບ້າ ຂ້າລູກຂ້າເມຍ

ພິດຢາບ້າ ຂ້າລູກຂ້າເມຍ - 67 - ພິດຢາບ້າ ຂ້າລູກຂ້າເມຍ
ພິດຢາບ້າ ຂ້າລູກຂ້າເມຍ - AGL banner - ພິດຢາບ້າ ຂ້າລູກຂ້າເມຍ

ຜົວໂຫດໃຊ້ມີດແທງເມຍ ແລະ ລູກສາວ ອາຍຸ 1 ປີ 8ເດືອນ ຫຼາຍຈຸດຈົນເສຍຊີວິດຄາເຮືອນ ແລ້ວອົມປາຍປືນດັບ​ຊີວິດຕົວເອງ. ເຫດການໜ້າ​ເສົ້າເກີດຂຶ້ນໃນເວລາ 21:00 ໂມງ ຂອງວັນທີ 4 ສິງຫານີ້ ຢູ່ບ້ານເມືອງຫານ ເມືອງຫົງສາ ແຂວງໄຊຍະບູລີ.

ກອງບັນຊາການ ປກສ ເມືອງຫົງສາ ໃຫ້ຮູ້ວ່າ: ຜູ້​ເປັນ​ຜົວຊື່ທ້າວ ສົນ ອາຍຸ 36 ປີ ພ້ອມ​ດ້ວຍ​ລູກ​ເມຍ​ດຳລົງ​ຊີວິດ​ຢູ່​ບ້ານ​ເມືອງ​ຫານ ​ເຊິ່ງຜ່ານ​ມາ ຜົວ​ເມຍ​ເຄີຍຜິດຖຽງກັນ​ເລື້ອຍໆ, ມີຄັ້ງໜຶ່ງ ຜູ້​ເປັນ​ຫົວ​ໄດ້ຂັງເມຍ ແລະ ລູກນ້ອຍໄວ້ໃນເຮືອນ​ ​ແລ້ວ​ລົງມື​ຄາດ​ຕະກຳ​ໂຫດ​ດັ່ງກ່າວ ຈົນເຈົ້າໜ້າທີ່ ປກສ ເມືອງຫົງສາ ໄດ້ໄປງັດປະຕູເຮືອນຂອງຜູ້ກ່ຽວເຂົ້າໄປພົບເຫັນສົບ​ທັງ 3 ນອນ​ຈົມ​ຢູ່​ໃນ​ກອງ​ເລືອດ ​ແລະ ພົບປືນແກັບ 1 ກະບອກ, ມີດ 1 ດວງ ຢູ່​ທີ່​ເກີດ​ເຫດ.

ຍາດພີ່ນ້ອງຄອບຄົວຜູ້ເສຍຊີວິດ ​ໃຫ້ຮູ້ວ່າ: ໃນເວລາປະມານ 12 ໂມງຂອງ​ມື້ນັ້ນ ທັງ​ຜົວ​ເມຍ ​ແລະ ລູກນ້ອຍ​ໄດ້ພາກັນໄປດື່ມເບຍຢູ່ເຮືອນຂອງປະຊາຊົນບ້ານດຽວກັນ ໝົດເບຍ 10 ປ່ອງ ຈຶ່ງພາກັນກັບ​ເມືອ​ເຮືອນ​ຕົນ​ເອງ, ພໍຮອດເວລາປະມານ 15 ໂມງຂອງມື້ດຽວກັນ ທັງ​ສອງໄດ້ຜິດຖຽງກັນຢ່າງແຮງຢູ່ໃນເຮືອນ. ຈົນຮອດເວລາ 21 ໂມງ ມີປະຊາຊົນຢູ່ໃກ້ເຮືອນຂອງຜູ້ກ່ຽວໄດ້ຍິນສຽງປືນດັງຂຶ້ນ ​ແລະ ​ໄດ້​ລາຍ​ງານ​ເຈົ້າໜ້າ​ທີ່​ເຂົ້າ​ໄປ​ກວດກາ​ຈຶ່ງ​ພົບ​ເຫັນ​ເຫດ​ຮ້າຍ​ດັ່ງກ່າວ.

ພິດຢາບ້າ ຂ້າລູກຂ້າເມຍ - Wave100S AD to Website 2020 0 - ພິດຢາບ້າ ຂ້າລູກຂ້າເມຍ

​ເຈົ້າໜ້າ​ທີ່​ໃຫ້​ຮູ້​ວ່າ: ຜ່ານ​ມາ​ໃນ​ປີ 2003 ທ້າວ ສົນ ​ໄດ້​ພະຍາຍາມ​ຄາດ​ຕະກຳທ້າວ ຈັນແພງ ຢູ່ບ້ານເມືອງຫານມາແລ້ວ 1 ຄັ້ງ ​ໂດຍໃຊ້ປືນແກັບຍິງຖືກແຄມປາກທ້າວ ຈັນແພງ ໄດ້ຮັບບາດເຈັບສາຫັດ ແລະ ຖືກສານປະຊາຊົນແຂວງໄຊຍະບູລີ ຕັດສີນຈໍາຄຸກ 7 ປີ ແລະ ພາຍຫຼັງພົ້ນໂທດອອກມາ​ໄດ້ໄປຢູ່ນໍາຄອບຄົວມາໄລຍະໜຶ່ງ ​ເມື່ອປີ 2015 ຖືກເຈົ້າໜ້າທີ່ ປກສ ເມືອງຫົງສາ ກັກຕົວໄປດັດສ້າງຢູ່ໂຮງຮຽນສຶກສາພົນລະເມືອງ 1 ຄັ້ງ, ຍ້ອນພົວພັນຢາເສບຕິດ.

ພິດຢາບ້າ ຂ້າລູກຂ້າເມຍ - lattana banner - ພິດຢາບ້າ ຂ້າລູກຂ້າເມຍ
ພິດຢາບ້າ ຂ້າລູກຂ້າເມຍ -    AD conten website - ພິດຢາບ້າ ຂ້າລູກຂ້າເມຍ
ພິດຢາບ້າ ຂ້າລູກຂ້າເມຍ - lattana banner 1 - ພິດຢາບ້າ ຂ້າລູກຂ້າເມຍ
error: Alert: ເນື້ອຫາຂ່າວມີລິຂະສິດ !!