ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020

ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020 - 174233 - ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020
  1. Emmanuel Macron ປະທານາທິບໍດີ​ຂອງຝຣັ່ງ ​ໄດ້​ເດີນທາງ​ໄປ​ເມືອງ​ເບຣຸດ ປະ​ເທດ​ເລ​ບາ​ນອນ ຫລັງ​ເກີດ​ເຫດ​ລະ​ເບີດ ​ເຊິ່ງມີ​ຜູ້​ເສຍ​ຊີວິດ​ຢ່າງ​ໜ້ອຍ 135 ຄົນ.

​ໂດຍ​ທ່ານ​ສັນຍາ​ວ່າ​ຈະ​ຊ່ວຍ​ເຫລືອ​ເລ​ບາ​ນອນ​ດ້ວຍ​ມາດ​ຕະການ​ໃນ​ລະດັບ​ສາກົນ ​ແຕ່​ໄດ້​ເຕືອນ​ວ່າ: ​ເລ​ບາ​ນອນ​ຈະ​ຈົມ​ລົງ​ຕໍ່​ໄປ​ຖ້າ​ບໍ່​ດຳ​ເນີນ​ການ​ປະຕິ​ຮູບທາງ​ການ​ເມືອງ ​ແລະ ​ເສດຖະກິດ​ພາຍ​ໃນ​ປະ​ເທດ.

ຫລັງ​ຈາກ​ເຫດ​ລະ​ເບີດ​ຄັ້ງນີ້​ເກີດ​ຂຶ້ນ ຊາວ​ເລ​ບາ​ນອນ​ຈຳນວນ​ຫລາຍ​ໄດ້​ກ່າວ​ໂທດ​ລັດຖະບານ​ຂອງ​ພວກ​ເຂົາ ສຳລັບ​ການ​ອະນຸຍາດ​ໃຫ້​ເອົາ​ສານ​ແອ​ມ​ໂມ​ເນຍ​ໄນ​​ເຕຣດ 2.750 ​ໂຕນ​ມາ​ເກັບ​ໄວ້​ຢູ່​ທ່າ​ເຮືອ​ຂອງ​ເມືອງ​ເບຣຸດ.

  1. ​ໂຄສົກ​ກະຊວງ​ການ​ຕ່າງປະ​ເທດ​ຂອງ​ຈີນ​ເຕືອນ​ວ່າ ພວກ​ເຂົາ​ຈະ​ໃຊ້​ມາດ​ຕະການ​ຕອບ​ໂຕ້​ຢ່າງ​ຮຸນ​ແຮງ ສຳລັບ​ການ​ທີ່​ອາ​ເມ​ລິ​ກາ​ສົ່ງ​ເຈົ້າໜ້າ​ທີ່​ລະດັບ​ສູງ Alex Azar ​ເຊິ່ງ​ເປັນ​ລັດຖະມົນຕີ​ກະຊວງ​ສາທາລະນະ​ສຸກ​ຂອງ​ອາ​ເມ​ລິ​ກາ ​ໄປ​ປະ​ເທດ​ໄຕ້​ຫວັນ.

​ໃນ​ວັນ​ທີ 9 ສິງຫາ​ນີ້ Alex Azar ຈະ​ກາຍ​ເປັນ​ເຈົ້າໜ້າ​ທີ່​ລະດັບ​ສູງ​ຂອງ​ອາ​ເມ​ລິ​ກາ ທີ່​ເດີນທາງ​ໄປ​ໄຕ້​ຫວັນ​ນັບ​ແຕ່​ມີ​ການ​ບັນທຶກ​ປະຫວັດສາດ​ເກີດ​ຂຶ້ນ.

  1. ວຸດ​ທິສະພາ​ຂອງ​ອາ​ເມ​ລິ​ກາ ​ໄດ້​ລົງ​ຄະ​ແນນ​ສຽງ​ທີ່​ເປັນ​ເອກະ​ພາບ​ໃຫ້​ມີ​ການ​ສັ່ງ​ຫ້າມ TikTok ອອກ​ຈາກ​ອຸປະກອນ​​ເອ​ເລັກ​ໂຕຣນິກພາຍ​ໃນ​ອາ​ເມ​ລິ​ກາ ​ໂດຍ​ກົດໝາຍ​ດັ່ງກ່າວ​ຜ່ານ​ການ​ອະນຸມັດ​ຈາກ​ສະພາ​ຜູ້​ແທນ​ລາຊະ​ດອນ​ນັບ​ແຕ່​ເດືອນ​ກໍລະກົດ​ຜ່ານ​ມາ ​ແລະ ກຳລັງ​ຖືກ​ຄາດ​ຫວັງ​ວ່າ​ຈະ​ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ (ຖ້າ​ບໍ່​ຍອມ​ຂາຍ​ໃຫ້​ບໍລິສັດ​ຂອງ​ອາ​ເມ​ລິ​ກາ).

ການ​ເຄື່ອນ​ໄຫວ​ຄັ້ງນີ້​ເກີດ​ຂຶ້ນຫລັງ​ຈາກ Mike Pompeo ລັດຖະມົນຕີ​ຕ່າງປະ​ເທດ​ຂອງ​ອາ​ເມ​ລິ​ກາ ​ໄດ້​ເປີດ​ເຜີຍ​ມຸມ​ມອງ​ຂອງ​ທ່ານ​ໃນ​ການ​ປ້ອງ​ກັນ​ວິ​ກິດ​ທາງດ້ານ​ໂທລະ​ຄົມ ​ແລະ ​ໂຄງ​ສ້າງ​ພື້ນຖານ​ຂອງ​ເຕັກ​ໂນ​ໂລ​ຊີ​ຢູ່​ອາ​ເມ​ລິ​ກາ.

​ແຜນ​ຂອງ​ທ່ານ​ໄດ້​ກຳນົດ​ເປົ້າໝາຍ​​ໃສ່ Software ຂອງ​ຈີນ ລວມທັງ​ເຄືອ​ຂ່າຍ​ມື​ຖື ລະບົບ Cloud ​ແລະ ​ໂຄງ​ສ້າງ​ພື້ນຖານ​ອື່ນໆ. ນອກຈາກ​ນີ້ ຍັງ​ກະ​ຕຸ້ນ​ໃຫ້​ບໍລິສັດ​ທີ່​ບໍ່​ແມ່ນ​ສັນຊາດ​ຈີນ​ຖອນ​ຕົວ​ອອກ​ຈາກ App Store ພາຍ​ໃນ​ປະ​ເທດ​ຈີນ.

  1. ທະນາຄານ​ກາງ​ແຫ່ງ​ອັງກິດ (Bank of England) ​ໄດ້​ຮັກສາ​ອັດຕາ​ດອກ​ເບ້ຍ​ໄວ້​ໃນ​ລະດັບ 0,1% ​ແລະ ​ໄດ້​ສະ​ເໜີ​ມຸມ​ມອງ​ໃນ​ພາບ​ລວມທີ່​ຫລາກ​ຫລາຍ​ຕໍ່​ເສດຖະກິດ​ຂອງ​ສະຫະຣາຊະ​ອານາຈັກ.

​ເຖິງ​ວ່າ​ກ່ອນ​ໜ້າ​ນີ້​ພວກ​ທ່ານ​ຈະ​ຄາດ​ຄະ​ເນ​ໄວ້​ວ່າ ການ​ຟື້ນຕົວ​ຂອງ​ເສດຖະກິດຈະ​ເກີດ​ຂຶ້ນຢ່າງ​ວ່ອງ​ໄວ ​ແຕ່​ປັດຈຸບັນ​ທະນາຄານ​ໄດ້​ຄາດ​ວ່າ GDP ຈະ​ຍັງ​ຢູ່​ຕໍ່າ​ກວ່າ​ລະດັບ​ກ່ອນ​ເກີດ​ການລະບາດ​ໄປ​ຈົນ​ຮອດ​ປີ 2021.

ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020

​ເຖິງ​ຢ່າງ​ໃດ​ກໍ​ຕາມ, ການ​ຄຳນວນ​ຫລ້າ​ສຸດ​ຂອງ​ພວກ​ທ່ານ​ໄດ້​ຄາດ​ຫວັງ​ວ່າ GDP ຈະ​ຫລຸດ​ລົງ 9,5% ​ໃນ​ປີ​ນີ້ ​ເຊິ່ງ​ເປັນ​ຕົວ​ເລກ​ທີ່​ຮຸນ​ແຮງ​ໜ້ອຍ​ກວ່າ​ເມື່ອ​ທຽບ​ໃສ່​ການ​ຄາດ​ຄະ​ເນ​ເກົ່າ​ທີ່​ພວກ​ທ່ານ​ຄາດ​ໄວ້​ວ່າ GDP ຈະ​ຫລຸດ​ລົງ​ເຖິງ 14%.

  1. ປະ​ເທດ​ເອຢິບ ​ແລະ ​ກຣີກ ​ໄດ້​ບັນລຸ​ຂໍ້​ຕົກລົງ​ເພື່ອ​ກຳນົດ​ເຂດ​ເສດຖະກິດ​ພິ​ເສດ​ລະຫວ່າງ​ທັງ 2 ປະ​ເທດ​ໃນ​ເຂດ​ທະ​ເລ​ເມ​ຕິ​ເຕີ​ເຣນຽນຕາ​ເວັນ​ອອກ ​ເຊິ່ງກ່ອນ​ໜ້າ​ນີ້​ໄດ້​ມີ​ຂໍ້​ຂັດ​ແຍ່ງ​ກັນ​ໃນ​ເລື່ອງ​ສິດທິ​ການ​ຂຸດ​ເຈາະ​ຊັບພະຍາກອນ​ທຳ​ມະ​ຊາດ ​ໂດຍ​ສະ​ເພາະ​ນ້ຳມັນ ​ແລະ ​ແກັສ.

ຂໍ້​ຕົກລົງ​ຄັ້ງນີ້​ຈະ​ເຮັດ​ໃຫ້​ປະ​ເທດ​ຕວກກີ​ບໍ່ພໍ​ໃຈ​ຢ່າງ​ແນ່ນອນ ​ເນື່ອງ​ຈາກ​ພວກ​ເຂົາ​ຫາ​ກໍ​ບັນລຸ​ຂໍ້​ຕົກລົງ​ໃນ​ສິດທິ​ພາຍ​ໃຕ້​ເຂດ​ທະ​ເລ​ເມ​ດິ​ເຕ​ເຣຕຽນ​ຕາ​ເວັນ​ອອກ​ກັບປະ​ເທດ​ລິບ​ຍາ​ໄປ​ເມື່ອ​ປີ​ກ່ອນ ​ແລະ ການ​ບັນລຸ​ຂໍ້​ຕົກລົງ​ຂອງ​ເອຢິບ ​ແລະ ກຣີກ ຈະ​ເຮັດ​ໃຫ້​ພວກ​ເຂົາ​ຕ້ອງ​ສະ​ເລ່ຍຊັບພະຍາກອນ​ກັນ​ຫລາຍ​ຂຶ້ນ.

  1. Letitita James ​ໄອ​ຍະ​ການ​ສູງ​ສຸດ​ແຫ່ງ New York ​ໄດ້​ຍື່ນ​ຟ້ອງ​ເພື່ອ​ຍຸບ​ສະມາຄົມ​ປືນ​ໄຣ​ເຟິລ​ແຫ່ງ​ຊາດ (National Rifle Association) ​ເຊິ່ງ​ເປັນ​ກຸ່ມ​ນັກ​ຍິງ​ປືນ​ມື​ອາຊີບ​ພາຍ​ໃນ​ປະ​ເທດ ​ໂດຍ​ໃຫ້​ເຫດຜົນ​ວ່າ ຜູ້​ບໍລິຫານ​ຂອງ​ສະມາຄົມ​ມີ​ການ​ນຳ​ເອົາ​ເງິນ​ຫລາຍ​ລ້ານ​ໂດ​ລາ​ເຂົ້າກະ​ເປົາ​ຂອງ​ຕົນ​ເອງ.

ນອກຈາກ​ນີ້ ຍັງ​ມີ​ພຶດຕິ​ກຳ​ອື່ນໆ​ທີ່​ບໍ່​ເໝາະ​ສົມ ​ແລະ ຜິດ​ກົດໝາຍ​​ ​ເຊັ່ນ​ການ​ຫລີກ​ລ່ຽງພາສີ​ຂອງ​ລັດຖະບານ​ກາງ. ຂະນະ​ທີ່ Letitia James ຄື​ບຸກຄົນ​ທີ່​ມີ​ອຳນາດ​ເໜືອ​ອົງ​ກອນ​ອື່ນໆ ​ເນື່ອງ​ຈາກ​ເປັນ​ອົງການ​ບໍ່​ສະ​ແຫວ​ງຫາ​ຜົນ​ກຳ​ໄລ​ທີ່​ຈົດ​ທະບຽນ​ໃນ​ລັດ​ນິວຢອກ.

  1. GlenCore ບໍລິສັດ​ຍັກ​ໃຫຍ່​ດ້ານ​ການ​ຂຸດ​ເຈາະ​ບໍ່​ແຮ່ ​ແລະ ການຈຳໜ່າຍ​ສິນຄ້າ​ອຸປະ​ໂພ​ກ-ບໍລິ​ໂພ​ກ ​ໄດ້​ຍົກ​ເລີກ​ແຜນການ​ຈ່າຍ​ເງິນ​ປັນ​ຜົນ​​ແຕ່ລະ​ປີ​ຂອງ​ພວກ​ເຂົາ ​ເຊິ່ງມີ​ມູນ​ຄ່າ 2,6 ພັນ​ລ້ານ​ໂດ​ລາ ​ເນື່ອງ​ຈາກ​ຄວາມ​ບໍ່​ແນ່ນອນ​ຂອງ​ເສດຖະກິດ​ທ່າມກາງ​ການລະບາດ​ຂອງ COVID-19.

​ເຖິງ​ຢ່າງ​ໃດ​ກໍ​ຕາມ, ບໍລິສັດ​ໄດ້​ໃຫ້​ຄຳ​ໝັ້ນຈະ​ດຳ​ເນີນ​ການ​ຫລຸດ​ໜີ້​ສິນ​ຂອງ​ພວກ​ເຂົາ​ແທນ ຫລັງ​ຈາກ​ມີ​ການ​ລາຍ​ງານ​ຜົນ​ຂາດທຶນ​ເຖິງ 2,6 ພັນ​ລ້ານ​ໂດ​ລາ ​ໃນ 6 ​ເດືອນ​ຕົ້ນປີ 2020.

ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 7 ສິງຫາ 2020
error: Alert: Content is protected !!