ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ

ທຣຳ ເຊັນຄຳສັ່ງຫ້າມ tiktok, wechat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ - 71 - ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ
ທຣຳ ເຊັນຄຳສັ່ງຫ້າມ tiktok, wechat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ - Untitled design - ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ

ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ລົງ​ນາມ​ຄຳ​ສັ່ງ​ປະທານາທິບໍດີ ​ໃນ​ວັນ​ທີ 6 ສິງຫາ ​ໂດຍ​ຫ້າມ​ຄົນ​ອາ​ເມ​ລິ​ກາ​ເຮັດ​ທຸລະ​ກິດ​ກັບ ByteDance ບໍລິສັດ​ແມ່​ຂອງ TikTok ​ເຊິ່ງ​ເປັນ​ແອັບ​ພລິ​ເຄຊັນ​ວິ​ດີ​ໂອ​ສັ້ນຍອດ​ນິຍົມ​ຂອງ​ຈີນ ລວມທັງ​ຫ້າມ​ເຮັດ​ທຸລະ​ກຳກັບ WeChat ​ແອັບ​ພລິ​ເຄຊັນ​ຮັບ​ສົ່ງ​ຂໍ້ຄວາມ​ຊື່​ດັງ​ຂອງ TenCent ນັບ​ແຕ່​ວັນ​ທີ 20 ກັນຍາ​ນີ້ ​ໂດຍ​ໃຫ້​ເຫດຜົນ​ດ້ານ​ຄວາມ​ໝັ້ນຄົງ​ແຫ່ງ​ຊາດ.

Forbes ລາຍ​ງານ​ວ່າ: ຄຳ​ສັ່ງ​ດັ່ງກ່າວ​ຈະ​ມີ​ຜົນ​ໃນ 45 ວັນ​ຕໍ່ໜ້າ ​ແຕ່​ລະຫວ່າງ​ນີ້​ຄາດ​ວ່າ​ຈະ​ມີ​ການ​ຕໍ່ສູ້​ໃນ​ຊັ້ນສານ ​ເພື່ອ​ຂໍ​ໃຫ້​ປ່ຽນ​ແປງ​ຄຳ​ສັ່ງ ​ໂດຍ​ກຳນົດ​ການ​ດັ່ງກ່າວ​ເປັນ​ໄລຍະ​ເວລາ​ໄລ່​ລ່ຽງກັບ​ທີ່​ທ່ານ ທຣຳ ຂີດ​ເສັ້ນຕາຍ​ໃຫ້ Microsoft ​ແລະ ByteDance ​ເລັ່ງ​ເຈລະຈາ​ກັນ ​ເພື່ອ​ຂາຍ TikTok ​ໃຫ້​ແກ່​ບໍລິສັດ​ເຕັກ​ໂນ​ໂລ​ຊີ​ອາ​ເມ​ລິ​ກາ​ພາຍ​ໃນ​ວັນ​ທີ 15 ກັນຍາ ​ເພື່ອ​ແລກ​ກັບ​ໂອກາດ​ທີ່​ແອັບ​ດັ່ງກ່າວ​ຈະ​ບໍ່​ຖືກ​ສັ່ງ​ຫ້າມ​ຢູ່​ອາ​ເມ​ລິ​ກາ. ຂະນະ​ທີ່​ວຸດ​ທິສະພາ​ອາ​ເມ​ລິ​ກາ ​ໄດ້​ລົງ​ຄະ​ແນນ​ອະນຸມັດ​ກົດໝາຍ​ຫ້າມ​ເຈົ້າໜ້າ​ທີ່​ທີ່​ໂຫລ​ດ​ແອັບ TikTok ​ໃນ​ອຸປະກອນ​ຂອງ​ລັດຖະບານ.

ນອກຈາກ TikTok ​ແລ້ວ, ທ່ານ ທຣຳ ຍັງ​ສັ່ງ​ຫ້າມ​ແອັບ WeChat ລວມທັງ​ບໍລິສັດ​ແມ່ TenCent ນຳ. ​ເຖິງ​ຢ່າງ​ໃດ​ກໍ​ຕາມ, ​ເວລາ​ນີ້​ຍັງ​ບໍ່​ແນ່ນອນ​ວ່າການ​ສັ່ງ​ຫ້າມ​ດັ່ງກ່າວ​ມີ​ຜົນ​ຕໍ່​ຜູ້​ໃຊ້ WeChat ຢູ່​ອາ​ເມ​ລິ​ກາ​ນຳ ຫລື ບໍ່. ຂະນະ​ທີ່ TenCent ມີ​ການ​ລົງທຶນ​ໃນ​ບໍລິສັດ​ຂອງ​ອາ​ເມ​ລິ​ກາ​ຫລາຍ​ແຫ່ງ ​ໂດຍ​ນອກຈາກ​ແອັບ​ຮັບ​ສົ່ງ​ຂໍ້ຄວາມ​ແລ້ວ TenCent ຍັງ​ມີ​ທຸລະ​ກິດ​ເກ​ມມື​ຖື​ເຊັ່ນ: PUBG Mobile ​ແລະ League of Legends.

ທຣຳ ເຊັນຄຳສັ່ງຫ້າມ tiktok, wechat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ - Wave100S AD to Website 2020 0 - ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ

​ໃນ​ຄຳ​ສັ່ງ​ປະທານາທິບໍດີ​ລະບຸ​ວ່າ: ​ເຫດຜົນ​ທີ່​ສັ່ງ​ຫ້າມ​ແອັບ​ຈາກ​ຈີນ​ເປັນ​ເພາະ​ເກີດ​ເຫດ​ສຸກ​ເສີນ​ແຫ່ງ​ຊາດ​ທີ່​ກ່ຽວຂ້ອງ​ກັບ​ຊັບ​ພາຍ​ເຊ​ນບໍລິການ ​ແລະ ​ເຕັກ​ໂນ​ໂລ​ຊີ​ຂໍ້​ມູນ​ຂ່າວສານ ​ແລະ ການ​ສື່ສານ ​ໂດຍ​ທ່ານ ທຣຳ ກ່າວ​ວ່າ: ​ແອັບ​ເຫລົ່າ​ນີ້​ອາດ​ຖືກ​ໃຊ້​ໃນ​ການ​ສົ່ງ​ຕໍ່​ຂໍ້​ມູນ​ຜິດໆ​ທີ່​ເປັນ​ປະ​ໂຫຍດຕໍ່​ພັກ​ກອມ​ມູນິດ​ຈີນ. ຂະນະ​ທີ່​ລັດຖະບານ​ກັງວົນ​ວ່າ: TikTok ສາມາດ​ເກັບ​ຂໍ້​ມູນ​ຈາກ​ຜູ້​ໃຊ້​ໄດ້​ອັດຕະ​ໂນ​ມັດ ທັງ​ຂໍ້​ມູນ​ອິນ​​ເຕີ​​ເນັດ ລວມທັງ​ຂໍ້​ມູນ​ໂລ​ເຄຊັນ ​ແລະ ປະຫວັດ​ການຄົ້ນຫາ.

ທຣຳ ເຊັນຄຳສັ່ງຫ້າມ tiktok, wechat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ - WhatsApp Image 2020 05 27 at 5 - ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ
ທຣຳ ເຊັນຄຳສັ່ງຫ້າມ tiktok, wechat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ - WhatsApp Image 2020 05 27 at 5 - ທຣຳ ເຊັນຄຳສັ່ງຫ້າມ TikTok, WeChat ມີຜົນ 20 ກັນຍາ ອ້າງເຫດຜົນຄວາມໝັ້ນຄົງອາເມລິກາ
error: Alert: ເນື້ອຫາຂ່າວມີລິຂະສິດ !!