ອະນາຄົດທີ່ມືດມົນຂອງຄົນຮັກກາເຟ

-             2 - ອະນາຄົດທີ່ມືດມົນຂອງຄົນຮັກກາເຟ
- Untitled design - ອະນາຄົດທີ່ມືດມົນຂອງຄົນຮັກກາເຟ

ການວິໄຈຫລ້າສຸດຈາກທີມນັກວິທະຍາສາດແຫ່ງສວນພຶກສາສາດ​ດິວ ໃນນະຄອນຫລວງລອນດອນ ຂອງອັງກິດ ພົບຂໍ້ມູນທີ່ບົ່ງບອກວ່າ: ບັນດາຄົນທີ່ຮັກກາເຟອາດຜະເຊີນກັບກາເຟທີ່ມີລົດຊາດບໍ່ແຊບ ແລະ ລາຄາ​ແພງຂຶ້ນ ເນື່ອງຈາກບັນຫາໂລກຮ້ອນສົ່ງຜົນຕໍ່ຄຸນນະພາບ ແລະ ເຮັດໃຫ້ພື້ນທີ່ທີ່ເໝາະສົມຕໍ່ການປູກກາເຟຫຼຸດລົງ.

-             3 1024x674 - ອະນາຄົດທີ່ມືດມົນຂອງຄົນຮັກກາເຟ

            ການວິໄຈລະບຸວ່າ: ການຜະລິດກາເຟຢູ່ເອທິໂອປີ ​ເຊິງເປັນແຫລ່ງກໍາເນີດກາເຟພັນອາຣາບິກາຄຸນນະພາບສູງຂອງໂລກ ແລະ ເປັນຜູ້ສົ່ງອອກກາເຟລາຍໃຫຍ່ທີ່ສຸດຂອງທະວີບອາຟຣິກາ ອາດໄດ້ຮັບຄວາມເສຍຫາຍໜັກ ພາຍໃນ​ໄລຍະໜຶ່ງຮ້ອຍປີຂ້າງໜ້າ ຖ້າເຮົາບໍ່ດໍາເນີນການໃດໆ ໃນການແກ້ໄຂບັນຫາການປ່ຽນແປງສະພາບອາກາດ.

ຜົນການສຶກສາຜູ້ຊ່ຽວຊານຈາກສວນແຫ່ງດັ່ງກ່າວ ແລະ ທີມງານ ພົບວ່າ: ຖ້າອຸນຫະພູມໂລກເພີ່ມຂຶ້ນ 4 ອົງສາ ພາຍໃນ​ໄລຍະທ້າຍສະຕະວັດນີ້ ຈະເຮັດໃຫ້ພື້ນທີ່ປູກກາເຟຄຸນນະພາບດີຂອງເອທິໂອປີຫຼຸດລົງ 60% ຈາກເນື້ອທີ່ໃນປັດຈຸບັນ.

ທ່ານ ແອຮອນ ເດວີສ໌ ນັກວິໄຈອາວຸໂສຂອງສວນດັ່ງກ່າວບອກກັບບີບີຊີວ່າ: ຖ້າເຮົາ​ເມີນເສີຍບໍ່ແກ້ໄຂບັນຫານີ້ ຜົນຜະລິດກາເຟຢູ່ເອທິໂອປີແລະ ທົ່ວໂລກຈະຫຼຸດລົງ, ລົດຊາດຂອງກາເຟອາດຫຼຸດລົງ ແລະ ມີລາຄາແພງຂຶ້ນ.

- Wave100S AD to Website 2020 0 - ອະນາຄົດທີ່ມືດມົນຂອງຄົນຮັກກາເຟ

-             4 - ອະນາຄົດທີ່ມືດມົນຂອງຄົນຮັກກາເຟ

            ການວິໄຈນີ້ສອດຄ່ອງກັບຄວາເຫັນຂອງທ່ານ ທິມ ຊິລລິງ ຜູ້ອໍານວຍການສະຖາບັນວິໄຈກາເຟໂລກ ທີ່ລະບຸວ່າ: ປະລິມານກາເຟຄຸນນະພາບສູງໃນຕະຫຼາດໂລກໄດ້ຮັບຜົນກະທົບຢ່າງໜັກຈາກບັນຫາການປ່ຽນແປງສະພາບອາກາດ, ບັນຫາເລື່ອງທີ່ດິນປູກ ແລະ ຄ່າແຮງງານ ລວມທັງຄວາມຕ້ອງການກາເຟທີ່ເພີ່ມຂຶ້ນທຸກປີ. ນອກຈາກນີ້ ແຫລ່ງປູກກາເຟໃນບາງພື້ນທີ່ຂອງໂລກກໍໄດ້ຮັບຜົນກະທົບຈາກອຸນຫະພູມທີ່ສູງຂຶ້ນ ​ແລະ ສົ່ງຜົນເສຍຫາຍຕໍ່ຄຸນນະພາບຂອງກາເຟທີ່ຜະລິດໄດ້ ແລະ ທ່ານຍັງຊີ້ວ່າ: ປັດໄຈເຫຼົ່ານີ້ເຮັດໃຫ້ລາຄາກາເຟ​ແພງຂຶ້ນຢ່າງບໍ່ຕ້ອງສົງໄສ ໂດຍສະເພາະກາເຟຄຸນນະພາບສູງ ​ເຊິ່ງມີທ່າ​ອ່ຽງຈະໄດ້ຮັບຜົນກະທົບຫຼາຍທີ່ສຸດ.

 

- WhatsApp Image 2020 05 27 at 5 - ອະນາຄົດທີ່ມືດມົນຂອງຄົນຮັກກາເຟ
- WhatsApp Image 2020 05 27 at 5 - ອະນາຄົດທີ່ມືດມົນຂອງຄົນຮັກກາເຟ
error: Alert: ເນື້ອຫາຂ່າວມີລິຂະສິດ !!