ເສັ້ນທາງໃນຕົວເມືອງຫລວງຫລາຍຈຸດຍັງມືດ

- advert banner 728 90 728x90 - ເສັ້ນທາງໃນຕົວເມືອງຫລວງຫລາຍຈຸດຍັງມືດ

- 17407773 438611889824600 1879870827 o 300x225 - ເສັ້ນທາງໃນຕົວເມືອງຫລວງຫລາຍຈຸດຍັງມືດ     ປັດຈຸບັນ ເຖິງວ່າຕົວເມືອງຫລວງເຮົາມີຫລາຍອັນໄດ້ຮັບການພັດທະນາດີຂຶ້ນ ບໍ່ວ່າຖະໜົນຫົນທາງ, ອາຄານບ້ານ ເຮືອນ, ຮ້ານຄ້າຮ້ານຂາຍ ໄປທາງໃດກໍສະດວກສະບາຍ, ຊີວິດການເປັນຢູ່ຂອງປະຊາຊົນໄດ້ຮັບການຍົກສູງ, ຄວາມ ທຸກຄວາມຍາກນັບມື້ຖືກຕີຖອຍ, ໂສມໜ້າຂອງນະຄອນຫລວງເຮົານັບມື້ພົ້ນເດັ່ນເປັນຕາຍົກຍ້ອງສັນລະເສີນ. ແຕ່ຄຽງ ຄູ່ກັນນັ້ນ ກໍມີບາງອັນທີ່ເຮົາຈະຕ້ອງໄດ້ເອົາໃຈໃສ່ ແລະ ປັບປຸງ ໂດຍສະເພາະແມ່ນ ສ.ສະຫວ່າງ ຍັງສັງເກດເຫັນວ່າ ມີຫລາຍສາຍທາງໃນຕົວເມືອງແທ້ໆກໍຍັງມືດມົນຢູ່ ຄືບໍລິເວນເສັ້ນທາງຕະຫລາດແລງໜອງດ້ວງ, ເສັ້ນທາງເຂດບ້ານ ຮ່ອງຄ້າຕັດອອກໃສດອນແດງ ແລະ ເສັ້ນທາງຊອຍຫລາຍແຫ່ງກໍມີປາກົດການເຊັ່ນດຽວກັນ ອັນເປັນຈຸດບອດພາໃຫ້ ເກີດອຸປະຕິເຫດ ແລະ ການສວຍໂອກາດຕ່າງໆຂອງພວກນັກເລງອັນຕະພານ ແລະ ຕໍ່ປາກົດການດັ່ງກ່າວ ກໍບໍ່ຮູ້ວ່າ ດ້ວຍເຫດຜົນໃດບາງເສັ້ນທາງເຫລົ່ານັ້ນກໍມີດອກໄຟເຍືອງທາງຢູ່, ແຕ່ບໍ່ເຫັນໃຕ້ປະຢັດບໍ ? ຫລືວ່າ ມີແຕ່ດອກແຕ່ບໍ່ມີ ໄຟ ຖ້າເປັນແນວໃດກໍດີ ກໍຂໍໃຫ້ພາກສ່ວນກ່ຽວຂ້ອງຮີບຮ້ອນລົງກວດກາ ແລະ ແກ້ໄຂແດ່ ໃຫ້ສົມຊື່ກັບວ່າເປັນຕົວ ເມືອງນະຄອນຫລວງ ແລະ ໃຫ້ສົມຊື່ເປັນປະເທດທີ່ມີການພັດທະນາພະລັງງານໄຟຟ້າຢ່າງຫລວງຫລາຍຢູ່ແລ້ວ ແລະ ອີກອັນສຳຄັນແມ່ນຊ່ວຍໃຫ້ການສັນຈອນໄປມາຂອງຜູ້ຢູ່ອາໄສໃນເຂດດັ່ງກ່າວມີຄວາມສະດວກສະບາຍ, ເຮັດໃຫ້ ການປະຕິບັດນະໂຍບາຍ ສ.ສະຫວ່າງ, ສ.ສີວິໄລ ຂອງນະຄອນຫລວງວຽງຈັນປາກົດຜົນເປັນຈິງເທື່ອລະກ້າວ ແລະ ໃຫ້ບັນລຸຄຳຂວັນການພັດທະນາປະເທດໃຫ້ມີ “ນ້ຳໄຫລ, ໄຟສະຫວ່າງ ແລະ ຫົນທາງດີ” ຕະຫລອດໄປ.

- new3 - ເສັ້ນທາງໃນຕົວເມືອງຫລວງຫລາຍຈຸດຍັງມືດ
error: Content is protected !!