ຍີ່ປຸ່ນລະນຶກ 75 ປີ ລະເບີດປະລະມານູ Nagasaki

- Time fo an Adventure 2020 08 10T105928 - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki
- AGL banner - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki

ແຫຼ່ງຂ່າວຈາກ VOV. VN ໃຫ້ຮູ້ວັນທີ່ 10 ສິງຫານີ້ວ່າ: ນະຄອນ ໂຕກຽວ ແລະ ຫຼາຍຕົວເມືອງໃນທົ່ວຍີ່ປຸ່ນ ໄດ້ຈັດພິທີລໍ້ານຶກ 75 ປີທີ່ຖືກສະຫະລັດອາເມລິກາ ຖິ້ມລະເບີດປະລະມະນູໃສ່ Nagasaki ໃນມື້ວານນີ້, ວັນທີ 9 ສິງຫາ. ພິທີລະນຶກຈັດຂຶ້ນຢູ່ທີ່ ສວນສາທາລະນະ ສັນຕິພາບ ຢູ່ທີ່ໃຈກາງເມືອງ Nagasaki, ໂດຍການເຂົ້າຮ່ວມຂອງຕົວແທນລັດຖະບານ, ອຳນາດການປົກຄອງທ້ອງຖິ່ນ ແລະ ແຂກຕ່າງປະເທດທີ່ປະຈຳຢູ່ຍີ່ປຸ່ນເຂົ້າຮ່ວມ ແຕ່ມີຈຳນວນຄົນທີ່ຈຳກັດ ເພື່ອປ້ອງກັນໂຄວິດ-19.

ໃນບົດປະໄສຂອງເຈົ້າຄອງນະຄອນ Nagasaki ໄດ້ສະແດງເຖິງຄວາມເປັນຫ່ວງໃນສະພາບປັດຈຸບັນ, ການພັດທະນາອາວຸກນິວເຄຣຍຂະໜາດນ້ອຍກຳລັງໄດ້ຮັບການພັດທະນາຂຶ້ນເລື້ອຍໆ ແລະ ມີການຂົ່ມຂູ່ໃນການຈະນຳໃຊ້ພວກມັນ. ສະນັ້ນ, ທົ່ວທັງໂລກຕ້ອງເປັນຈິດໜຶ່ງໃນດຽວລົບລ້າງອາວຸດນິວເຄຣຍ ແລະ ຫວັງວ່າລະເບີດນິວເຄຣຍທີ່ຖິ້ມໃສ່ Nagasaki ນັ້ນ ຈະເປັນລະເບີດໜ່ວຍສຸດທ້າຍຢູ່ໃນໂລກ. ພ້ອມດຽວກັນນັ້ນ, ທ່ານໄດ້ຮຽກຮ້ອງມາຍັງຄົນຮຸ່ນໜຸ່ມນ້ອຍຂອງຍີ່ປຸ່ນ ຈະຢຶດໝັ້ນແນວຄວາມຄິດສັນຕິພາບ ຕາມລັດຖະທຳມະນູນຂອງຍີ່ປຸ່ນ.

ກ່ອນໜ້ານີ້ 75 ປີ, ທະຫານສະຫະລັດໄດ້ຖິ້ມລະເບີດປະລະມະນູລົງໃສ່ Hiroshima ແລະ Nagasaki , ມີປະຊາຊົນ Hiroshima ປະມານ200.000 ຄົນ ເສຍຊີວິດໃນຄັ້ງນັ້ນ ແລະ ຜູ້ເສຍຊີວິດຢູ່ Nagasaki 74.000 ຄົນ. ຄົນທີ່ຕາຍຢູ່ໃນສອງຕົວເມືອງນັ້ນ ສ່ວນຫຼາຍແມ່ນປະຊາຊົນສາມັນທຳມະດາ.

- Wave100S AD to Website 2020 0 - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki

ຂ່າວ: ລູກເມືອງພວນ

- lattana banner - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki
- lattana banner 1 - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki
-    AD conten website - ຍີ່ປຸ່ນລະນຶກ 75 ປີ ລະເບີດປະລະມານູ Nagasaki
error: Alert: ເນື້ອຫາຂ່າວມີລິຂະສິດ !!