ປະຊາຊົນອາເມລິກາ ປະສັນຊາດຕົນເອງນັບມື້ນັບຫຼາຍຂຶ້ນ

ຂ່າວຈາກ cand ຫວຽດນາມໃຫ້ຮູ້ ມື້ວັນທີ 10 ສິງຫານີ້ວ່າ: ຜົນງານການຄົ້ນຄວ້າສະບັບໜຶ່ງປະກາດອອກໃນວັນທີ 10 ສິງຫານີ້ວ່າ: ປະຊາຊົນຊາວອາເມລິກາປະສັນຊາດຕົນເອງນັບມື້ນັບຫຼາຍຂຶ້ນ. ໃນ 6 ເດືອນຕົ້ນປີ 2020 ຜ່ານມາ ມີຫຼາຍກວ່າ 5.800 ຄົນຊາວອາເມລິກາໄດ້ປະສັນຊາດຂອງຕົນເອງ, ສູງກວ່າຫຼາຍເມື່ອທຽບໃສ່ຕົວເລກ 2.072 ໃນໄລຍະດຽວກັນຂອງປີກາຍ( ຜົນງານຄົ້ນຄວ້າຂອງ ບໍລິສັດ Bambridge Accountants). ຜູ້ທີ່ປະສັນຊາດຕົນເອງ, ສ່ວນຫຼາຍແມ່ນຜູ້ທີ່ໄດ້ອອກຈາກສະຫະລັດໄປແລ້ວ ແລະ ໄດ້ຕັດສິນໃຈປະສັນຊາດຕົນເອງດ້ວຍຫຼາຍເຫດຜົນເຊັ່ນ: ການລະບາດຂອງພະຍາດໂຄວິດ-19 ນັບທັງນະໂຍບາຍຂອງສະຫະລັດໃນຂະນະນີ້ອີກດ້ວຍ.

Bambridge ໃຫ້ຮູ້ວ່າ: ເຫດຜົນ ຄົນຈຳນວນຫຼາຍທີ່ປະສັນຊາດຂອງຕົນເອງແມ່ນເນື່ອງມາຈາກ ຄວາມບໍ່ພໍໃຈຕໍ່ນະໂຍບາຍທາງການເມືອງຂອງສະຫະລັດ ໃນຫວ່າງມໍ່ໆມານີ້ ແລະ ຫຼາຍໆຄົນໃຫ້ເຫດຜົນວ່າອັນເນື່ອງມາຈາກການເສຍພາສີສູງ.

ຊາວອາເມລິກາທີ່ດຳລົງຊີວິດຢູ່ຕ່າງປະເທດ ຈະຕ້ອງລາຍງານລາຍຮັບໃນແຕ່ລະປີ, ບັນຊີເງິນຝາກຢູ່ທະນາຄານຕ່າງປະເທດ, ງົບປະມານການລົງທຶນ ແລະ ເງິນເດືອນບຳນານຂອງພວກເຂົາ. ເຖິງຢ່າງໃດກໍດີ, ພວກເຂົາເຫຼົ່ານັ້ນຮຽກຮ້ອງໃຫ້ໃຫ້ເພີ່ມເງິນຊ່ວຍເຫຼືອຂຶ້ນເປັນ 1.200 ໂດລາ ແລະ ເງິນອູດໜູນລູກຜູ້ໜຶ່ງ 500 ໂດລາ, ຊຶ່ງຫຼາຍຄົນບໍ່ສາມາດຈະທົນໄດ້ຕໍ່ການເສຍພາສີທີ່ສູງ.

ຊາວສະຫະລັດຢາກປະສັນຊາດຂອງຕົນເອງຕ້ອງໄດ້ເສຍ 2.350 ໂດລາ ແລະ ໄປຫາສະຖານທູດສະຫະລັດຢູ່ໃນປະເທດນັ້ນໆໂດຍກົງຖ້າບໍ່ຢາກຢູ່ໃນສະຫະລັດ.

Bambridge ຍັງພະຍາກອນວ່າ: ທ່າອ່ຽງໃນການປະສັນຊາດຍັງຈະສືບຕໍ່ເພີ່ມທະວີຂຶ້ນເລື້ອຍໆ.

ຂ່າວ: ລູກເມືອງພວນ.

error: Alert: Content is protected !!