ຕາຝັ່ງເຊບັ້ງໄຟເຈື່ອນ ສົ່ງຜົນກະທົບຕໍ່ບ້ານທ່າຂາມ ເມືອງໄຊບູລີ

- 110 - ຕາຝັ່ງເຊບັ້ງໄຟເຈື່ອນ ສົ່ງຜົນກະທົບຕໍ່ບ້ານທ່າຂາມ ເມືອງໄຊບູລີ
- 174233 - ຕາຝັ່ງເຊບັ້ງໄຟເຈື່ອນ ສົ່ງຜົນກະທົບຕໍ່ບ້ານທ່າຂາມ ເມືອງໄຊບູລີ

​ໃນ​ວັນ​ທີ 10 ສິງຫາ​ນີ້, ທ່ານ ອ່ອນ​ລຳ​ພັນ ບົວ​ສີ​ແກ້ວ ​ເຈົ້າ​ເມືອງ​ໄຊ​ບູລີ ​ແຂວງ​ສະຫວັນ​ນະ​ເຂດ ​ໄດ້​ລົງ​ຕິດຕາມ​ກວດກາ​ຜົນ​ກະທົບ​ທີ່​ເກີດ​ຈາກ​ຕາ​ຝັ່ງ​ແມ່ນ້ຳ​ເຊບັ້ງ​ໄຟ​ເຊາະ​ເຈື່ອນ​ເປັນ​ວົງ​ກວ້າງ ທີ່​ບ້ານ​ທ່າ​ຂາມ ​ເມືອງ​ດັ່ງກ່າວ ມີ 4 ຄອບຄົວ​ໄດ້​ຮັບ​ຜົນ​ກະທົບ ​ເນື່ອງ​ຈາກ​ຝົນຕົກ​ລົງ​ມາ​ເຮັດ​ໃຫ້​ລະດັບ​ນ້ຳ​ເຊບັ້ງ​ໄຟ​ສູງ​ຂຶ້ນ ​ແລະ ບໍລິ​ເວນ​ນັ້ນກໍ​ເປັນ​ຈຸດ​ໂຄ້ງ ​ແລະ ສູງ​ຊັນ ຈຶ່ງ​ເຮັດ​ໃຫ້​ໜ້າດິນ​ຍຸບ​ຕົວ​ລົງ​ກວ້າງ​ປະມານ 10 ​ແມັດ ​ແລະ ຍາວ 30 ກວ່າ​ແມັດ, ​ໃນ​ນັ້ນ ມີ​ເຫລົ້າ​ເຂົ້າ 1 ຫລັງ, ຫ້ອງ​ນ້ຳ 1 ຫ້ອງ ​ແລະ ຕົ້ນ​ໄມ້​ໃຫ້​ໝາກ ພ້ອມ​ດ້ວຍ​ຜົນລະປູກ​ຂອງ​ປະຊາຊົນ​ຈຳນວນ​ໜຶ່ງ​ໄດ້​ຮັບ​ຄວາມ​ເສຍ​ຫາຍ. ປັດຈຸບັນ ໜ່ວຍ​ງານ​ກ່ຽວຂ້ອງ ກໍ​ຄື​ອຳນາດ​ການ​ປົກຄອງ​ບ້ານ​ທ່າ​ຂາມ​ໄດ້​ລະດົມ​ກັນ​ຊ່ວຍ​ເຫລືອ​ຄອບຄົວ​ທີ່​ໄດ້​ຮັບ​ຜົນ​ກະທົບ​ຢ່າງ​ຮີບ​ດ່ວນ ​ເປັນຕົ້ນຊ່ວຍ​ຂົນ​ສິ່ງ​ຂອງ​ອອກ​ຈາກ​ບໍລິ​ເວນນັ້ນ​ໄປ​ຢູ່​ຈຸດ​ປອດ​ໄພ ​ແລະ ຍັງ​ມີ​ເຮືອນ​ຂອງ​ປະຊາຊົນ​ອີກ 4 ຫລັງ ທີ່​ມີ​ຄວາມ​ສຸ່ມ​ສ່ຽງ ​ໂດຍ​ຈະ​ຕ້ອງ​ໄດ້​ມ້າງ ​ແລະ ຍ້າຍ​ອອກ​ໄປ​ຢູ່​ບ່ອນ​ອື່ນ.

- Wave100S AD to Website 2020 0 - ຕາຝັ່ງເຊບັ້ງໄຟເຈື່ອນ ສົ່ງຜົນກະທົບຕໍ່ບ້ານທ່າຂາມ ເມືອງໄຊບູລີ
- WhatsApp Image 2020 05 27 at 5 - ຕາຝັ່ງເຊບັ້ງໄຟເຈື່ອນ ສົ່ງຜົນກະທົບຕໍ່ບ້ານທ່າຂາມ ເມືອງໄຊບູລີ
error: Alert: Content is protected !!