ທຣຳ ເລື່ອນກອງປະຊຸມສຸດຍອດ G7 ອອກໄປຫຼັງການເລືອກຕັ້ງປະທານາທິບໍດີ ສະຫະລັດ.

ວັນທີ 10 ສິງຫາ, ສຳນັກຂ່າວ VietNamNet ຂອງຫວຽດນາມ ໃຫ້ຮູ້ວ່າ: ປະທານາທິບໍດີ ທຣຳ ປະກາດວ່າ ເຂົາຈະເລື່ອນກອງປະຊຸມສຸດຍອດ G7 ອອກໄປຈົນກວ່າຈະສຳເລັດການເລືອກຕັ້ງປະທານາທິບໍດີສະຫະລັດໃນເດືອນພະຈິກທີ່ຈະມາເຖິງ. ເຊິ່ງເດີມຄາດວ່າຈະລວມຢູ່ໃນເດືອນ ກັນຍາ ໜ້ານີ້. ຊຶ່ງປີນີ້ສະຫະລັດເປັນເຈົ້າພາບຈັດກອງປະຊຸມດຫ່ງກ່າວ.
ສຳນັກຂ່າວ CNN ໃຫ້ຮູ້ວ່າ ເບື້ອງຕົ້ນກອງປະຊຸມສຸດຍອດ G7 ໃນປີ 2020 ນີ້ ຄາດວ່າຈະຈັດຂຶ້ນຢູ່ທີ່ ນິຄົມ David ຂອງສະຫະລັດໃນເດືອນມິຖຸນາທີ່ຜ່ານມາ. ແຕ່ເນືອງຈາກວ່າມີຄວາມເປັນຫ່ວງເລື່ອງລະບາດຂອງໂຄວິດ-19, ວໍຊິງຕັນຈຶ່ງໄດ້ຕັດສິນໃຈເລື່ອນອອກໄປເປັນຫຼັງການເລືອກຕັ້ງປະທານາທິບໍດີຂອງສະຫະລັດ ແລະ ຈະປ່ຽນມາເປັນກອງປະຊຸມທາງໄກແທນ.
ທຣຳ ໃຫ້ຮູ້ວ່າ ທຳນຽບຂາວບໍ່ທັນໄດ້ອອກໝາຍເຊີນບັນດາຜູ້ນຳປະເທດໃດເຂົ້າຮ່ວມກອງປະຊຸມ. ເຂົາຍັງໃຫ້ຮູ້ເພີ່ມເຕີມອີກວ່າ ເຂົາມີແນວຄວາມຄິດຢາກເຊື່ອເຊີນເອົາບັນດາປະເທດທີ່ບໍ່ແມ່ນສະມາຊິກ G7 ຈຳນວນໜຶ່ງເຂົ້າຮ່ວມນຳ.
ຂ່າວ: ລູກເມືອງພວນ.

error: Alert: Content is protected !!