ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ

ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ - Time fo an Adventure 2020 08 11T130404 - ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ
ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ - Untitled design - ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ

ໃນບົດສະຫລຸບຕີລາຄາການເຄື່ອນໄຫວວຽກງານແນວລາວສ້າງຊາດ ປີ 2019-2020 ຕໍ່ກອງປະຊຸມສາມັນຄົບຄະນະ ກໍາມະການສູນກາງແນວລາວສ້າງຊາດ ຄັ້ງທີ 5 ສະໄໝທີ X ທີ່ສະເໜີໂດຍສະຫາຍ ຄໍາໃບ ດໍາລັດ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ ໄດ້ຍົກໃຫ້ເຫັນວ່າ: ໃນໜຶ່ງປີຜ່ານມາ, ຄະນະກໍາມະການສູນກາງແນວລາວສ້າງຊາດ ກໍຄື ແນວລາວສ້າງຊາດຂັ້ນຕ່າງໆ ໄດ້ເຊີດຊູຄວາມຮັບພິຊອບຕໍ່ໜ້າທີ່ການເມືອງຂອງຕົນ, ຍົກສູງຈິດໃຈເສຍສະຫລະ ເພື່ອວຽກງານລວມຂອງຊາດ, ເສີມຂະຫຍາຍປະຊາທິປະໄຕ, ຍົກສູງຄວາມເປັນແບບຢ່າງໃນການນໍາພາ-ຊີ້ນໍາວຽກງານແນວລາວສ້າງຊາດ ເປັນຕົ້ນ ວຽກງານຊົນເຜົ່າ, ສາສະໜາ, ຊັ້ນຄົນ-ການຈັດຕັ້ງສັງຄົມ, ໂຄສະນາ-ຝຶກອົບຮົມ ແລະ ວຽກງານອື່ນໆ. ອັນໄດ້ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໝ່.

ສະຫາຍ ຄໍາໃບ ດໍາລັດ ຊີ້ໃຫ້ເຫັນວ່າ: ສູນກາງແນວລາວສ້າງຊາດແຕ່ລະຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ຖັນແຖວພະນັກງານ-ສະມາຊິກພັກ, ທະຫານ, ຕໍາຫລວດ, ນັກທຸລະ ກິດ, ພໍ່ຄ້າຊາວຂາຍ, ຄົນຕ່າງດ້າວທີ່ອາໄສຢູ່ ສປປ ລາວ, ພີ່ນ້ອງຊາວລາວທີ່ດໍາລົງຊີວິດຢູ່ຕ່າງປະເທດ ແລະ ປະຊາຊົນລາວບັນດາເຜົ່າ ດ້ວຍຮູບການລົງພົບປະໂອ້ລົມ, ເຜີຍແຜ່ແນວທາງຂອງພັກ, ແຜນພັດທະນາຂອງລັດ, ເຊື່ອມຊຶມເອກະສານສໍາຄັນຂອງຂັ້ນເທິງ, ຈັດຕັ້ງປາຖະກະຖາເລົ່າມູນເຊື້ອວັນສໍາຄັນຂອງພັກ, ຂອງລັດ, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ເຜີຍແຜ່ສະພາບການອື່ນໆ ເປັນປົກກະຕິ. ນອກນີ້, ກໍາມະການສູນກາງແນວລາວສ້າງຊາດ ທີ່ປະຈໍາຢູ່ຕ່າງປະເທດ ກໍຄື ພີ່ນ້ອງຄົນເຊື້ອຊາດລາວຢູ່ຕ່າງປະເທດ ໄດ້ເຕົ້າໂຮມກັນ ແນໃສ່ເສີມສ້າງຄວາມສາມັກຄີປອງດອງ ເພື່ອປົກປັກຮັກສາເສີມຂະຫຍາຍ ແລະ ເຜີຍແຜ່ມູນເຊື້ອ, ຮີດຄອງປະເພນີອັນດີງາມຂອງຊາດລາວເຮົາ, ພ້ອມທັງໄດ້ປະກອບສ່ວນທາງດ້ານຈິດໃຈ ແລະ ທຶນຮອນ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດອີກດ້ວຍ.

ຄຽງຄູ່ກັນນັ້ນ, ກໍາມະການສູນກາງແນວລາວສ້າງຊາດປະຈໍາຢູ່ສູນກາງ ແລະ ທ້ອງຖິ່ນ ທົ່ວປະ ເທດ ກໍໄດ້ເອົາໃຈໃສ່ປະກອບສ່ວນຕໍ່ວຽກງານສຶກສາອົບຮົມ ແລະ ເຕົ້າໂຮມຄວາມສາມັກຄີບັນດາຊັ້ນຄົນໃນສັງຄົມ, ພະນັກງານຫລັກແຫລ່ງ, ຜູ້ຊົງຄຸນວຸດທິ ຕະຫລອດຮອດພໍ່ ແມ່ປະຊາຊົນລາວບັນດາເຜົ່າຢູ່ແຕ່ລະທ້ອງຖິ່ນ ດ້ວຍຮູບການລົງພົບປະຢ້ຽມຢາມ,​ ເຂົ້າຮ່ວມບຸນປະເພນີຂອງບັນດາຊົນເຜົ່າ, ຊຸກຍູ້ວຽກງານປ້ອງກັນຊາດ-ປ້ອງກັນຄວາມສະຫງົບ,​ ວຽກງານສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ຕິດພັນກັບວຽກງານແກ້ໄຂຄວາມທຸກຍາກ,​ ປະກອບຄໍາຄິດຄໍາເຫັນຕໍ່ການໄກ່ເກ່ຍແກ້ໄຂບັນຫາຕ່າງໆຢູ່ທ້ອງຖິ່ນ-ຮາກຖານ, ວຽກງານຂະບວນການຂອງອົງການຈັດຕັ້ງມະຫາຊົນ ແລະ ເຂົ້າຮ່ວມຂະບວນການອື່ນໆ ຕິດພັນກັບວິທີປ້ອງກັນ ແລະ ສະກັດກັ້ນພະຍາດໂຄວິດ-19 ຢ່າງຫ້າວຫັນ.

ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ - Wave100S AD to Website 2020 0 - ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ

ຂ່າວ: ສຸພາສະຫວັນ ສີຊະນະມຸງຄຸນ.

ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ - WhatsApp Image 2020 05 27 at 5 - ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ
ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ - WhatsApp Image 2020 05 27 at 5 - ສູນກາງແນວລາວສ້າງຊາດ ໄດ້ເຊີດຊູບົດບາດເຕົ້າໂຮມ ຄວາມສາມັກຄີປອງດອງຊາດ ຢ່າງແຂງແຮງ
error: Alert: ເນື້ອຫາຂ່າວມີລິຂະສິດ !!