ຂໍ້ດີຂອງການງົດເຫລົ້າໃນໄລຍະເຂົ້າພັນສາ

ຂໍ້ດີຂອງການງົດເຫລົ້າໃນໄລຍະເຂົ້າພັນສາ - 555 15 - ຂໍ້ດີຂອງການງົດເຫລົ້າໃນໄລຍະເຂົ້າພັນສາ
ຂໍ້ດີຂອງການງົດເຫລົ້າໃນໄລຍະເຂົ້າພັນສາ - AGL banner - ຂໍ້ດີຂອງການງົດເຫລົ້າໃນໄລຍະເຂົ້າພັນສາ

“ງົດເຫລົ້າເຂົ້າພັນສາ” ເປັນປະໂຫຍກທີ່ລຶ້ງຫູໃນໄລຍະນີ້ ຄວາມຈິງຫາກຕັ້ງໃຈເຊົາເຫລົ້າກໍບໍ່ຈຳເປັນຕ້ອງລໍຖ້າໃຫ້ຮອດໄລຍະເຂົ້າພັນສາ, ແຕ່ມື້ເຂົ້າພັນສາຖືເປັນມື້ສຳຄັນທາງພຸດທະສາສະໜາ ແລະ ເປັນຈຸດເລີ່ມຕົ້ນທີ່ດີໃນການຕັ້ງໃຈເຮັດຄວາມດີ ງົດເວັ້ນອະບາຍຍະມຸກ ເຊັ່ນ : ເຫລົ້າ ຫລື ເຄື່ອງດື່ມອານກໍຮໍ ໂດຍເລີ່ມຈາກຫລຸດປະລິມານການດື່ມໃຫ້ໜ້ອຍລົງ, ງົດດື່ມຕະຫລອດໄລຍະເຂົ້ານພັນສາ 3 ເດືອນໃນທຸກປີ ຫລື ງົດຕໍ່ເນື່ອງໄດ້ຕະຫລອດຊີວິດ.

ໃນໄລຍະເຂົ້າພັນສາ ເປັນໄລະທີ່ຫລາຍຄົນໃຊ້ເປັນໂອກາດໃນການດູແລຕົນເອງ, ດູແລຄອບຄົວ, ດູແລກະເປົ໋າເງິນ ເພາະທີ່ຜ່ານມາໃຊ້ຈ່າຍກັບເຄື່ອງດື່ມອານກໍຮໍໄປເປັນຈຳນວນຫລາຍ ຖ້າເຮົາໃຊ້ໂອກາດນີ້ໃນການດູແລຮ່າງກາຍຕົນເອງ, ດູແລຄອບຄົວ, ດູແລກະເປົ໋າເງິນແລ້ວ ໄດ້ພັກຜ່ອນຕັບກໍຍິ່ງເປັນການດີ ແລະ ຖ້າເກີດມັນດີກໍຢາກຂໍເຊີນໃຫ້ເຮັດຕໍ່ໄປ ບໍ່ສະເພາະແຕ່ໃນໄລຍະ 3 ເດືອນນີ້ເທົ່ານັ້ນ, ແຕ່ງົດຕະຫລອດຊີວິດ ເພາະຕັບຖືເປັນອະໄວຍະວະທີ່ສຳຄັນທີ່ມີໜ້າທີ່ກຳຈັດຂອງເສຍອອກຈາກຮ່າງກາຍ, ແຕ່ແຊນຕັບຈະຖືກທຳລາຍເມື່ອດື່ມເຫລົ້າ ແຊນຕັບຈະກຳຈັດສານພິດຈາກອານກໍຮໍ ເຮັດໃຫ້ຕັບສູນເສຍການເຮັດວຽກ, ເກີດໄຂມັນສະສົມໃນຕັບ ເມື່ອໄດ້ອອກກຳລັງກາຍ ຈະດຶງໄຂມັນສະສົມໄປເຮັດໃຫ້ຕັບເຮັດວຽກໄດ້ດີຂຶ້ນ. ນອກຈາກນີ້, ຍິ່ງດື່ມຫລາຍ ແຊນຕັບຍິ່ງເຮັດໜັກ ແລະ ຖືກທຳລາຍຫລາຍຂຶ້ນ, ສານພິດຖືກກຳຈັດໄດ້ໜ້ອຍລົງ, ເອັນໄຊສູງຂຶ້ນ ກາຍເປັນຕັບອັກເສບ ແລະ ໄຂມັນຫຸ້ມຕັບ ທຸກເທື່ອທີ່ດື່ມ ແຊນຍິ່ງເຮັດວຽກໜັກ ຈົນເກີດຜັງຜຶດ ແລະ ເປັນບາດແຜໃນເນື້ອເຍື່ອຕັບ ແລະ ເປັນຕັບແຂງ ແລະ ມະເຮັງຕັບໃນທີ່ສຸດ.

ການອອກກຳລັງກາຍ ໂດຍການແລ່ນ ບໍ່ໄດ້ຊ່ວຍເລື່ອງຕັບຢ່າງດຽວ, ແຕ່ຍັງຊ່ວຍທຸກອະໄວຍະວະ ເຊັ່ນ : ຫົວໃຈ, ຫລຸດນຳ້ໜັກ, ຄວາມດັນ ຈຶ່ງແນະນຳໃຫ້ກວດສຸຂະພາບເປັນປະຈຳ ເພາະພະຍາດຕັບຈະບໍ່ສະແດງອາການຈົນກ່ວາຈະເປັນແຮງ. ດັ່ງນັ້ນ, ການງົດເຫລົ້າ ແລະ ການອອກກຳລັງກາຍສະໝໍ່າສະເໝີຈຶ່ງເປັນອີກໜຶ່ງໂຕຊ່ວຍໃນການຟື້ນຟູຕັບ.

ຂໍ້ດີຂອງການງົດເຫລົ້າໃນໄລຍະເຂົ້າພັນສາ - Wave100S AD to Website 2020 0 - ຂໍ້ດີຂອງການງົດເຫລົ້າໃນໄລຍະເຂົ້າພັນສາ

ງົດເຫລົ້າເຂົ້າພັນສາ 3 ເດືອນນີ້ຖືເປັນໂອກາດສຳຄັນໃນການປຽນແປງຕົນເອງ ແນ່ນອນວ່າສິ່ງທີ່ເກີດຂຶ້ນຍ່ອມສົ່ງຜົນດີທີ່ຈາກຕອນທຳອິດພຽງແຕ່ຕັ້ງໃຈງົດເຫລົ້າ 3​ເດືອນ ທ່ານອາດຕັດສິນໃຈງົດເຫລົ້າຕະຫລອດຊີວິດເລີຍກໍເປັນໄດ້.

  1. ໄດ້ຮັກສາສຸຂະພາບ : ເຂົ້າພັນສາຖືເປັນໄລຍະພັກດື່ມ, ພັກຕັບ ເພື່ອໃຫ້ຮ່າງກາຍໄດ້ພັກຟື້ນ ແລະ ໃຫ້ຕັບຟື້ນຟູຕົນເອງ ສ້າງແຊນໃໝ່ ແລະ ກຳຈັດສານພິດຈາກຮ່າງກາຍ.
  2. ໄດ້ຄວາມຮັກຈາກຄົນອ້ອມຂ້າງ : ຄົນອ້ອມຂ້າງມັກຫ່ວງໄຍສຸຂະພາບຂອງຜູ້ທີ່ດື່ມເຄື່ອງດື່ມອານກໍຮໍ, ການງົດດື່ມເປັນການສະແດງອອກຄວາມຮູ້ສຶກທີ່ມີຕໍ່ຄົນອ້ອມຂ້າງ ເຊື່ອມສຳພັນ ແລະ ໃຫ້ເວລາກັບຄອບຄົວຫລາຍຂຶ້ນ.
  3. ໄດ້ທ້ອນເງິນ : ການດື່ມຄົນດຽວ ຫລື ຫລາຍຄົນກໍມີຄ່າໃຊ້ຈ່າຍສູງໃນແຕ່ລະເດືອນ, ການງົດດື່ມຊ່ວຍຫລຸດຄ່າໃຊ້ຈ່າຍທີ່ບໍ່ຈຳເປັນ ແລະ ເປັນການເກັບຮັກສາໃຫ້ມີເງິນທ້ອນຫລາຍຂຶ້ນ.
  4. ໄດ້ຄວາມປອດໄພ : ອຸປະຕິເຫດທີ່ເກີດຈາກການດື່ມແລ້ວຂັບສົ່ງຜົນກະທົບຕໍ່ຕົນເອງ ແລະ ຜູ້ອື່ນ, ການງົດດື່ມຊ່ວຍຫລຸດໂອກາດໃນການເກີດອຸປະຕິເຫດ ແລະ ການຜິດຖຽງກັນກັບຄົນອ້ອມຂ້າງໄດ້.
  5. ຄົນທີ່ງົດ ຫລື ຢຸດເຊົາການດື່ມເຫລົ້າໄດ້ເອງ ຈະເຮັດໃຫ້ສຸຂະພາບດີຂຶ້ນ, ຕັບໄດ້ພັກຜ່ອນ, ແຕ່ຄວາມຈິງແລ້ວຕັບເປັນພຽງໂຕແທນອະໄວຍະວະຂອງຮ່າງກາຍ ເພາະອານກໍຮໍທຳລາຍທຸກອະໄວຍະວະ ເຊິ່ງອານກໍຮໍເປັນສາເຫດກ່ວາ 200 ພະຍາດ ເຂົ້າພັນສານີ້ນອກຈາກພັກຕັບແລ້ວ ຍັງພັກທຸກອະໄວຍະວະ ເຮັດໃຫ້ສຸຂະພາບໂດຍລວມດີຂຶ້ນ.
  6. ຄອບຄົວ : ເງິນຈາກການຊື້ເຫລົ້າກໍປ່ຽນໄປເປັນອາຫານທີ່ກິນໄດ້ໝົດຄອບຄົວ ແລະ ຊື້ສິ່ງຂອງຈຳເປັນອື່ນໆ. ນອກຈາກນີ້ກໍຍັງມີເວລາເຫລືອ ເພາະເວລາທີ່ຢູ່ໃນວົງເຫລົ້າປ່ຽນາໃຫ້ຄອບຄົວ ເຊິ່ງຫລາຍຄອບຄົວບອກວ່າໄລຍະ 3 ເດືອນແຫ່ງການເຂົ້າພັນສາຖືເປັນເວລາທີ່ມີຄວາມສຸກທີ່ສຸດ.
  7. ສັງຄົມ : ພົບວ່າສະຖິຕິທາງອຸປະຕິເຫດ ແລະ ອາດຊະຍາກຳຫລຸດລົງ.

ແນວໃດກໍຕາມ ການດູແລສຸຂະພາບໄລຍະຍາວບໍ່ແມ່ນພຽງແຕ່ການອອກກຳລັງກາຍເທົ່ານັ້ນ ຍັງມີປັດໄຈເລັກໆນ້ອຍໆ ທັງການກິນອາຫານ, ການງົດເຫລົ້າ, ການບໍ່ສູບຢາ, ການພັກຜ່ອນຢ່າງພຽງພໍ ເຊິ່ງທຸກທ່ານສາມາດເອົາໃຈໃສ່ຕໍ່ທຸກປັດໄຈໄດ້ທຸກໃນໄລຍະ ບໍ່ສະເພາະແຕ່ໃນໄລຍະເຂົ້າພັນສາເທົ່ານັ້ນ.

ຂໍ້ດີຂອງການງົດເຫລົ້າໃນໄລຍະເຂົ້າພັນສາ - lattana banner 1 - ຂໍ້ດີຂອງການງົດເຫລົ້າໃນໄລຍະເຂົ້າພັນສາ
ຂໍ້ດີຂອງການງົດເຫລົ້າໃນໄລຍະເຂົ້າພັນສາ - lattana banner - ຂໍ້ດີຂອງການງົດເຫລົ້າໃນໄລຍະເຂົ້າພັນສາ
ຂໍ້ດີຂອງການງົດເຫລົ້າໃນໄລຍະເຂົ້າພັນສາ -    AD conten website - ຂໍ້ດີຂອງການງົດເຫລົ້າໃນໄລຍະເຂົ້າພັນສາ
error: Alert: ເນື້ອຫາຂ່າວມີລິຂະສິດ !!