ມອບລາງວັນໃຫ້ຜູ້ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ

- 113 - ມອບລາງວັນໃຫ້ຜູ້ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ
- 174233 - ມອບລາງວັນໃຫ້ຜູ້ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ

ໃນວັນທີ 11 ສິງຫາ 2020 ທີ່ນະຄອນຫລວງວຽງຈັນ, ສະຖານທູດ ສ.ເກົາຫລີ ປະຈຳ ສປປ ລາວ ໄດ້ຈັດພິທີມອບຮັບລາງວັນ​ໃຫ້​ຜູ້​ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກ ສະເຫລີມສະຫລອງວັນສ້າງຕັ້ງສາຍພົວພັນການທູດ ລາວ ແລະ ສ.ເກົາຫລີ ຄົບຮອບ 25 ປີ (25/10/1995-25/10/2020).

ທ່ານ ຊິນ ຊອງ ຊຸນ ເອກອັກຄະລັດຖະທູດ ສ.ເກົາຫລີ ກ່າວວ່າ: ການແຂ່ງຂັນອອກແບບໃນຄັ້ງນີ້​ໄດ້​ຈັດ​ຂຶ້ນເປັນຄັ້ງທຳອິດ ໂດຍມີຜູ້ສະໝັກຈາກລາວ ແລະ ສ.ເກົາຫລີ ຈຳນວນ 109 ຄົນ​ເຂົ້າຮ່ວມ ລວມມີ 200 ກວ່າແບບທີ່ສົ່ງເຂົ້າປະກວດ ເຊິ່ງຜູ້ຊະນະເລີດແມ່ນທ້າວ ຄຳເກີດ ຟານຄຳ, ຮອງຊະນະເລີດ ທ້າວ ໄຊຍະພອນ ບົວຈັນທະລາ ແລະ ທີສາມແມ່ນທ້າວ ຢູ ກວາງ ສັນຊາດ ເກົາຫລີ.

ທ່ານເອກອັກຄະລັດຖະທູດ ກ່າວວ່າ: ຕະຫລອດໄລຍະ 25 ປີຜ່ານມາ, ສາຍພົວພັນຮ່ວມມື ລະຫວ່າງສອງປະເທດ ລາວ ແລະ ສ.ເກົາຫລີ ໄດ້ຮັບການເສີມຂະຫຍາຍໃນຫລາຍດ້ານ ໂດຍສະເພາະແມ່ນດ້ານການທ່ອງທ່ຽວ, ການລົງທຶນ, ການສຶກສາ, ສາທາລະນະສຸກ, ວຽກງານປ້ອງກັນຊາດ ແລະ ດ້ານວັດທະນະທໍາ-ສັງຄົມ.

- Wave100S AD to Website 2020 0 - ມອບລາງວັນໃຫ້ຜູ້ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ

​      ໃນ​ພິທີ, ທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດ ໄດ້ກ່າວສະແດງຄວາມຊົມເຊີຍຕໍ່ທ່ານທູດ ສ.ເກົາຫລີ ທີ່ໄດ້ຈັດການປະກວດອອກແບບສັນຍາລັກສາຍພົວພັນ ຮ່ວມມື ລະຫວ່າງ ລາວ ແລະ ສ.ເກົາຫລີ ຄົບຮອບ 25 ປີນີ້ຂຶ້ນ ແລະ ສະແດງຄວາມຊົມເຊີຍຕໍ່ຜູ້ທີ່ໄດ້ຮັບລາງວັນຊະນະເລີດໃນຄັ້ງນີ້ ອັນ​ໄດ້ສະແດງໃຫ້ເຫັນເຖິງການມີສ່ວນຮ່ວມຂອງປະຊາຊົນສອງຊາດໃນການສະແດງຄວາມສາມາດ, ຫົວຄິດປະດິດສ້າງ ເພື່ອອອກແບບສັນຍາລັກແຫ່ງການພົວພັນມິດຕະພາບ ກໍຄືການຮ່ວມມືອັນດີງາມຂອງສອງປະເທດ ຕະຫລອດໄລຍະກວ່າ 2 ທົດສະວັດຜ່ານມາ.

- WhatsApp Image 2020 05 27 at 5 - ມອບລາງວັນໃຫ້ຜູ້ຊະນະການແຂ່ງຂັນອອກແບບ ແລະ ເປີດນຳໃຊ້ສັນຍາລັກສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ສ.ເກົາຫລີ
error: Alert: Content is protected !!