ມູນ(ອາຈົມ) ໂຕສິງຊ່ວຍໃຫ້ໂຮງລະຄອນສັດໃນເຢຍລະມັນຢູ່ລອດ ໃນໄລຍະ ໂຄວິດ-19

ຂ່າວຈາກ ວິທະຍຸ-ໂທລະພາບແຫ່ງຊາດ ແຂວງແທັງຮວາໃຫ້ຮູ້ວັນທີ 11 ສິງຫານີ້ວ່າ: ໂຮງລະຄອນສັດແຫ່ງໜຶ່ງໃນເຢຍລະມັນ ໄດ້ບັນຈຸເອົາມູນຂອງໂຕສິງໃສ່ກວດແກ້ວ, ແລ້ວຂາຍໃຫ້ຊຸມຊົນສັງຄົມ ເພື່ອມີລາຍຮັບໃນໄລຍະໂຄວິດ-19.

ໂຮງລະຄອນສັດດັ່ງກ່າວມີໂຕສິງ ແລະ ໂຕເສືອທັງໝົດ 26 ໂຕ, ພວກເຂົາໄດ້ເກີດແນວຄວາມຄິດບັນຈຸເອົາມູນສັດເຫຼົ່ານັ້ນໃສ່ກວດແກ້ວ, ແລ້ວຂາຍໃຫ້ສັງຄົມເອົາໄປໃຊ້ໃນການໄລ່ສັດສາວາສິງທີ່ມັກກັດທຳລາຍເຄື່ອງຂອງເຮືອນຊານຂອງທ່ານ ຫຼື ກັດສາຍໄຟໃນລົດຂອງທ່ານ ເຊັ່ນ: ໜູ, ແມງສາບ, ງູ…ໄດ້ເປັນຢ່າງດີ.

ກວດແກ້ວມູນສັດເຫຼົ່ານັ້ນຂາຍດ້ວຍລາຄາ 5 ເອີໂຣ/ແກ້ວ. ຈຳນວນເງິນທີ່ຂາຍໄດ້ຈະນຳໃຊ້ເຂົ້າໃນກອງທຶນຂອງອົງການຈັດຕັ້ງມະນຸດສະທຳ ເພື່ອປັບປຸງຊີວິດການເປັນຢູ່ຂອງສັດທີ່ຖືກກັກຂັງ.

ຖ້າທ່ານຫາກພົບເຫັນສັດທີ່ສ້າງຄວາມລຳຄານໃຫ້ແກ່ທ່ານ, ທ່ານຈົ່ງໄດ້ຊື້ເອົາມຸນສັດເຫຼົ່ານີ້ໄປປະໄວ້ໃນເຮືອນ, ໃນສວນ ແລະ ໃນລົດຂອງທ່ານກໍຈະມີຄວາມປອດໄພ, ໄລ່ພວກມັນອອກຈາກໄປຢ່າງບໍ່ມີວັນກັບມາ.

ຂ່າວ: ລູກເມືອງພວນ.

error: Alert: Content is protected !!