ນັກກີລາບານເຕະໂຮງຮຽນມັດທະຍົມປາຍ ແຂວງຊິມາເນະ ຕິດໂຄວິດ-19 ຍົກທີມ ອຳນວຍການອອກມາຂໍໂທດປະຊາຊົນ..!

ຕາມການລາຍງານຂອງສຳນັກຂ່າວກຽວໂດນິວສ໌ໃຫ້ຮູ້ວ່າ: ນັກຮຽນໃນໂຮງຮຽນມັດທະຍົມປາຍ ແຂວງ ຊິມາເນະ ປະເທດຢີ່ປຸ່ນ ຕິດເຊື້ອໂຄວິດ-19 ຈຳນວນ 91 ຄົນ, ໃນຈຳນວນນີ້ 88 ຄົນເປັນນັກກີລາບານເຕະປະຈຳໂຮງຮຽນດັ່ງກ່າວ

ຈາກລາຍງານລະບຸວ່າແຂວງຊິມາເນະໃນຂະນະນີ້ມີຜູ້ຕິດເຊື້ອເພີ່ມເຖີງ 126 ຄົນ ແລະ ເປັນການຕິດເຊື້ອແບບກຸ່ມເກິດຂື້ນທີ່ໂຮງຮຽນ ຣິກໂຊໂຊນັນ ເມືອງມັດຊຶເອະ ທີມບານເຕະທີ່ມີຊື່ສຽງໃນລະດັບມັດທະຍົມ, ເຊິ່ງວ່າທັ້ງໝົດໄດ້ພາກັນພັກກັນທີ່ຫໍພັກໃນໂຮງຮຽນ ແລະ ອາດຈະໂຊກຮ້າຍເພີ່ມຕື່ມເນື່ອງຈາກທີມບານເຕະໂຮງຮຽນຫາກໍ່ເດີນທາງໄປເເຂ່ງຂັນກັບທີມໂຮງຮຽນອື່ນໆໃນແຂວງໂອຊາກາ,ທົດໂທຣິ ແລະ ຄາກາວະ.

ເເຕ່ເຖີງຢ່າງໃດກໍ່ຕາມການຕິດເຊື້ອດັ່ງກ່າວຂອງນັກຮຽນສ່ວນໃຫຍ່ບໍ່ໄດ້ເປັນໄຂ້,ໄອ ຫຼື ສະເເດງອາການໃດໆ, ໂດຍໃນຈຳນວນນີ້ຍັງມີຄູ 2 ຄົນລວມທັງນັກກີລາບານບ້ວງອິກ 1 ຄົນທີ່ຕິດເຊື້ອ, ທາງໂຮງຮຽນກໍຍັງເຝົ້າລະວັງນັກຮຽນ ແລະ ເຈົ້າໜ້າທີ່ຂອງໂຮງຮຽນລວມທັງໝົດ 350 ຄົນ,ໄດ້ກຽມຮັກສາປິ່ນປົວຂອງຜູ້ຕິດເຊື້ອດັ່ງກ່າວ. “ທາງຄະນະຂອງພວກເຮົາເສຍໃຈ ແລະ ຢາກຂໍໂທດທີ່ເຮັດເລື່ອງທີ່ໜ້າກັງວົນນີ້ເກິດຂື້ນ” (ນາໂອກິ ຄິຕາມູຣະ ອໍານວຍການໂຮງຮຽນກ່າວ ພ້ອມໂຄ້ງຄໍານັບຂໍໂທດປະຊາຊົນ)