ປໍ້ານໍ້າມັນ ແອດຊັງ ຢູ່ທາງພາກຕາເວັນຕົກສ່ຽງໃຕ້ ຂອງລັດເຊຍເກີດເຫດໄຟລຸກໄໝ້

ສຳນັກຂ່າວ tienphong ຈາກຫວຽດນາມ ໃນວັນທີ 12 ສິງຫານີ້ໃຫ້ຮູ້ວ່າ: ວັນທີ 11 ສິງຫາ ໄດ້ເກີດເຫດໄຟລຸກໄໝ້ປໍ້ານໍ້າມັນແອດຊັງແຫ່ງໜຶ່ງຢູ່ເມືອງ Volgograd ທາງພາກຕາເວັນຕົກສ່ຽງໃຕ້ຂອງລັດເຊຍ, ຢ່າງໜ້ອຍມີຜູ້ບາດເຈັບ 13 ຄົນ, ໃນນັ້ນ 10 ຄົນຖືກສົ່ງໄປປິ່ນປົວຢູ່ໂຮງໝໍ, ລາຍງານບໍ່ໄດ້ໃຫ້ຮູ້ຜູ້ເສຍຊີວິດ.

ສາເຫດພາໃຫ້ເກີດໄຟໄໝ້, ເບື້ອງຕົ້ນຄາດວ່າ ຍ້ອນໄຟຟ້າຖືກມັດ(ຊ໊ອດ) ໃນຂະນະທີ່ກຳລັງເຕີມນໍ້າມັນເຂົ້າໃສ່ອ່າງຢູ່ທີ່ພື້ນດິນ. ເຈົ້າໜ້າທີ່ກຳລັງສືບສວນຕໍ່ໄປ.

ຂ່າວ: ລູກເມືອງພວນ.

error: Alert: Content is protected !!