ໄຂ້ຍຸງລາຍຍັງສືບຕໍ່ລະບາດຢູ່ທົ່ວປະເທດ

- 124 - ໄຂ້ຍຸງລາຍຍັງສືບຕໍ່ລະບາດຢູ່ທົ່ວປະເທດ
- 174233 - ໄຂ້ຍຸງລາຍຍັງສືບຕໍ່ລະບາດຢູ່ທົ່ວປະເທດ

ຕາມ​ການລາຍງານຂອງ​ສູນ​ໄຂ້ຍຸງ ໃຫ້ຮູ້ວ່າ: ປັດຈຸບັນ​ໄຂ້ຍຸງ​ລາຍ​ຍັງ​ສືບ​ຕໍ່​ລະບາດ​ຮ້າຍ​ແຮງ​ໃນ​ທົ່ວ​ປະ​ເທດ ຄື​ພຽງວັນທີ 11 ສິງຫານີ້ ມີຜູ້ຕິດເຊື້ອໄຂ້ຍຸງລາຍເພີ່ມ 63 ກໍລະນີ ​ແລະ ນັບແຕ່ວັນທີ 28 ທັນວາ 2019-11 ສິງຫາ 2020 ມີຜູ້ຕິດເຊື້ອ 4.771 ກໍລະນີ ແລະ ເສຍຊີວິດ 9 ກໍລະນີ. ແຂວງທີ່ມີຜູ້ຕິດເຊື້ອໄຂ້ຍຸງລາຍຫລາຍກວ່າໝູ່ແມ່ນ ນະຄອນຫລວງວຽງຈັນມີ 1.096 ກໍລະນີ ແລະ ເສຍຊີວິດ 4 ກໍລະນີ, ຮອງລົງມາແມ່ນ ບໍລິຄຳໄຊມີ 565 ກໍລະນີ ແລະ ເສຍຊີວິດ 2 ກໍລະນີ, ວຽງຈັນ 544 ກໍລະນີ, ສະຫວັນນະເຂດ 435 ກໍລະນີ, ບໍ່ແກ້ວ 383 ກໍລະນີ, ຫລວງນໍ້າທາ 312 ກໍລະນີ, ຄຳມ່ວນ 278 ກໍລະນີ ແລະ ເສຍຊີວິດ 1 ກໍລະນີ, ອັດຕະປື 276 ກໍລະນີ, ສາລະວັນ 252 ກໍລະນີ, ຫລວງພະບາງ 247 ກໍລະນີ, ໄຊຍະບູລີ 161 ກໍລະນີ ເສຍຊີວິດ 1 ກໍລະນີ, ອຸດົມໄຊ 67 ກໍລະນີ, ເຊກອງ 65 ກໍລະນີ, ໄຊສົມບູນ 52 ກໍລະນີ, ຈຳປາສັກ 26 ກໍລະນີ, ຜົ້ງສາລີ 9 ກໍລະນີ, ຫົວພັນ 2 ກໍລະນີ, ແຂວງຊຽງຂວາງ 1 ກໍລະນີ ເສຍຊີວິດ​ແລ້ວ.

ສຳລັບການສຳຫລວດຂອງພະແນກສາທາລະນະສຸກນະຄອນຫລວງວຽງຈັນ ໃນຈຳນວນ 107 ບ້ານໃນ 9 ຕົວເມືອງ ຂອງນະຄອນຫລວງວຽງຈັນ ເຫັນວ່າມີຫລາຍບ້ານທີ່ຍັງປະປ່ອຍ​ໃຫ້ມີໜອນນ້ຳຍຸງລາຍສູງ ແລະ ມີ​ຄວາມ​ສ່ຽງ​ສູງທີ່ຈະເປັນໄຂ້ຍຸງລາຍສູງ ໂດຍສະເພາະແມ່ນບ້ານອ່າງນ້ອຍ, ເພຍລາດ ເມືອງສັງທອງ, ບ້ານຫົວນາ, ໂນນແຕ້, ຊ້າງຄູ້ ເມືອງໄຊທານີ, ບ້ານໂພນສະຫວັນ, ໂພນເຄັງ, ທາດຫລວງກາງ, ສະພັງໝໍ້, ຂາມງອຍ ເມືອງໄຊເສດຖາ, ບ້ານຫ້ວຍຫົງ ເມືອງຈັນທະບູລີ, ບ້ານ ວຽງຄຳ ເມືອງສີໂຄດຕະບອງ, ບ້ານໜອງຈັນ ແລະ ບ້ານດອນກອຍ ເມືອງສີສັດຕະນາກ. ດັ່ງນັ້ນ ຈຶ່ງ​ຂໍ​ຮຽກຮ້ອງ​ໃຫ້​ປະຊາຊົນ​ເປັນ​ເຈົ້າການ​ອະນາ​ໄມ​ສິ່ງ​ແວດ​ລ້ອມ, ຈຳກັດ​ແຫ​ລ່ງ​ເພາະ​ພັນ​ຂອງ​ຍຸງ​ລາຍ ​ແລະ ໜອນ​ນ້ຳຂອງ​ທ່ານ​ໃຫ້​ດີ​ທີ່​ສຸດ ຈຶ່ງ​ຈະ​ສາມາດ​ສະກັດ​ກັ້ນການລະບາດ​ຂອງ​ໄຂ້ຍຸງ​ລາຍ​ໄດ້.

- Wave100S AD to Website 2020 0 - ໄຂ້ຍຸງລາຍຍັງສືບຕໍ່ລະບາດຢູ່ທົ່ວປະເທດ
- WhatsApp Image 2020 05 27 at 5 - ໄຂ້ຍຸງລາຍຍັງສືບຕໍ່ລະບາດຢູ່ທົ່ວປະເທດ
error: Alert: Content is protected !!