ຈະສ້າງສວນວິທະຍາສາດ ແລະ ພຶກສາສາດ ເພື່ອການສຶກສາ

ໃນທ້າຍອາທິດທີ່ຜ່ານມາ, ກະຊວງວິທະຍາສາດ ແລະ ເຕັກໂນໂລຊີ ໄດ້ຮ່ວມລົງນາມເຊັນສັນຍາ (MOA) ກັບ​ບໍລິສັດ ​ແອັດ​ແລນ​ຕິກ ອິນ​ເຕີ​ເນ​ເຊິ​ນ​ແນວ ກຣຸບ ​ເພື່ອສ້າງສວນວິທະຍາສາດ ແລະ ພຶກສາສາດ ເພື່ອເປັນສະຖານການ​ສຶກສາ ແລະ ແຫລ່ງທ່ອງທ່ຽວທາງທໍາມະຊາດ ຢູ່ບ້ານຫ້ວຍໂຄ້ງ ເມືອງແກ້ວອຸດົມ ແຂວງວຽງຈັນ ມີອາຍຸການສໍາປະທານໄລຍະ 25 ປີ ​ເພື່ອຈະສ້າງສູນສຶກສາດ້ານດາລາສາດ (ຫໍຊົມດາວ ແລະ ທ້ອງຟ້າຈໍາລອງ), ສ້າງສວນປູກຕົ້ນໄມ້ ແລະ ພືດເປັນຢາ, ສູນສຶກສາການຖ່າຍທອດດ້ານວິທະຍາສາດເຕັກໂນໂລຊີ ແລະ ນະວັດຕະກໍາ, ພ້ອມຈະສ້າງ​ເປັນແຫລ່ງທ່ອງທ່ຽວແບບທໍາມະຊາດ ແລະ ວັດທະນະທໍາອື່ນໆ ທີ່ເປັນປະໂຫຍດ​ໃຫ້​ແກ່ການສຶກສາ-ຮຽນຮູ້ດ້ານວິທະຍາສາດ ແລະ ການພັດທະນາເສດຖະກິດ-ສັງຄົມຂອງ​ປະ​ເທດ.

error: Alert: Content is protected !!