ຈະພັດທະນາສື່ເຮົາແນວໃດ ?

ໂດຍ: ຂ.ຊານຸບານ

ນີ້ເປັນຄາໍຖາມທີ່ພວກເຮົາໄດ້ຮ່ວມກັນຊອກຫາຄາໍຕອບມາໄດ້ຫລາຍປີແລ້ວ, ຖ້າຂ້າພະເຈົ້າຈື່ບໍ່ລືມກໍ ໃນລະຫວ່າງກາງເດືອນກຸມພາ 2011 ຜ່ານມາ, ຂະແໜງການພວກເຮົາໄດ້ມີກອງປະຊຸມສໍາມະນາວິຊາການກ່ຽວກັບການຍົກສູງຄຸນນະພາບໃນການພັດທະນາສື່ມວນຊົນພວກເຮົາ ໂດຍການເປັນປະທານຂອງທ່ານລັດຖະມົນຕີກະຊວງຖະແຫລງຂ່າວ, ວັດທະນະທ ໍາ ແລະ ທ່ອງທ່ຽວ ສຈ ດຣ. ບໍ່ແສງຄຳ ວົງດາລາ, ເປົ້າໝາຍຕົ້ນຕໍກໍເພື່ອຕີລາຄາຄືນໝາກຜົນຕ່າງໆທີ່ກາໍລັງສືພວກເຮົາຍາດມາໄດ້ໃນໄລຍະຜ່ານມາ ເພື່ອຊອກໃຫ້ເຫັນບັນດາຈຸດດີທີ່ພວກເຮົາຈະຕ້ອງໄດ້ສົ່ງເສີມ ແລະ ຈຸດອ່ອນຄົງຄ້າງທີ່ຈະຕ້ອງໄດ້ປັບປຸງແກ້ໄຂ ເພື່ອສ້າງເງື່ອນໄຂ ແລະ ກາລະໂອກາດ ໃຫ້ຜູ້ເຮັດວຽກງານສີ່ພວກເຮົາໄດ້ມີຄາໍຄິດຄໍາເຫັນເພື່ອປັບປຸງ ແລະ ຍົກສູງຄຸນນະພາບສື່ພວກເຮົາໃຫ້ນັບມື້ກ້າວຫນ້າເຂັ້ມແຂງ.

ໃນບົດຄາໍເຫັນກ່າວເປີດຊຸດສໍາມະນາດັ່ງກ່າວໄດ້ຍົກໃຫ້ເຫັນວ່າ: ເວົ້າລວມແລ້ວສື່ຂອງປະເທດເຮົາແມ່ນໄດ້ຮັບການພັດທະນາດີຂຶ້ນ ນັບທັງສື່ສິ່ງພິມ ແລະ ສື່ເອເລັກໂຕຣນິກອື່ນໆທັງໃໝ່ ແລະ ເກົ່າ, ຕານ່າງຂ່າວໄດ້ຂະຫຍາຍຕົວກວ້າງກວມເອົາເກືອບທົ່ວປະເທດ, ປະລິມານ ແລະ ຄຸນນະພາບໄດ້ຮັບການປັບປຸງດ້ວຍຫລາຍຮູບຫລາຍສີ, ສາມາດຕອບສະໜອງຂໍ້ມູນຂ່າວສານໄດ້ຢ່າງວ່ອງໄວ ແລະ ກວ້າງຂວາງ, ບຸກຄະລາກອນເຖິງບໍ່ຫລາຍ, ແຕ່ຄວາມອາດສາມາດນັບມື້ໄດ້ຮັບການຍົກລະດັບດີຂຶ້ນ. ທ່ານລັດຖະມົນຕີໄດ້ຕີລາຄາວ່າ: ໄປຄຽງຄູ່ກັບຜົນສໍາເລັດທີ່ເຮົາຍາດມາໄດ້ນັ້ນ, ພວກເຮົາຍັງຈະຕ້ອງໄດ້ປັບປຸງຕົນເອງຫລາຍດ້ານ, ຖ້າທຽບໃສ່ຄວາມຮຽກຮ້ອງຕ້ອງການຂອງສັງຄົມແລ້ວເຫັນວ່າຈໍານວນປະລິມານຍັງ ຈາກັດ, ຫລາຍເມືອງຍັງບໍ່ສາມາດຟັງຂ່າວຈາກວິທະຍຸ ແລະ ເບິ່ງ ໂທລະພາບໄດ້, ມີຫລາຍບ້ານ ແລະ ກຸ່ມບ້ານຍັງບໍ່ທັນໄດ້ຮັບຫນັງສືພິມ, ຄຸນນະພາບເຖິງວ່າໄດ້ຮັບການພັດທະນາ ແຕ່ຍັງບໍ່ທັນໄດ້ມາດຖານ, ເນື້ອໃນບໍ່ຫລາກຫລາຍ, ການສ່ອງແສງຂ່າວຍັງບໍ່ທົ່ວເຖິງ ໂດຍສະເພາະຂ່າວວຽກດີຄົນເດັ່ນ ແລະ ຕົວແບບຕ່າງໆຍັງສ່ອງແສງໄດ້ຫນ້ອຍ, ຄຸນນະພາບຂ່າວຍັງບໍ່ທັນເປັນທີ່ນິຍົມຫລາຍຂອງສັງຄົມ, ລາຍການໂທລະພາບຍັງບໍ່ທັນຈັບອົກຈັບໃຈຜູ້ເບິ່ງ, ການເປັນອາວຸດທີ່ແຫລມຄົມຍັງເຮັດບໍ່ໄດ້ດີ ນັບທັງສື່ສິ່ງພິມ ແລະ ສື່ເອເລັກໂຕຣນິກ, ການວິເຄາະວິຈານຍັງເຮັດບໍ່ໄດ້, ລາຍການຖາມ-ຕອບບັນຫາຕ່າງໆເກືອບວ່າບໍ່ ມີເລີຍ, ການລົງທຶນໃສ່ຂະແຫນງສື່ມວນຊົນຍັງມີຫນ້ອຍເມື່ອທຽບໃສ່ຂະແໜງການອື່ນໆເຮັດໃຫ້ການ ພັດທະນາບຸກຄະລາກອນບໍ່ທ່ວງທັນກັບຄວາມຮຽກຮ້ອງຕ້ອງການຂອງວຽກງານ, ຜູ້ມີຄວາມອາດສາມາດຂຽນບົດວິເຄາະວິຈານມີໜ້ອຍ ເຊິ່ງທັງໝົດນີ້ເປັນສິ່ງທ້າທາຍທີ່ຂະແໜງການພວກເຮົາຈະຕ້ອງໄດ້ເອົາໃຈໃສ່ປັບປຸງແກ້ໄຂ.

ໃນໂອກາດດັ່ງກ່າວ, ທ່ານລັດຖະມົນຕີຊ່ວຍສະຫວັນຄອນ ຣາຊະມຸນຕຣີ ກໍມີຄາໍເຫັນ ແລະ ໃຫ້ແນວຄວາມຄິດວ່າ: ຢາກພັດທະນາສີ່ພວກເຮົາໃຫ້ມີຄຸນນະພາບດີຂຶ້ນ ເຊິ່ງກ່ອນອື່ນໝົດແມ່ນພວກເຮົາຈະຕ້ອງໄດ້ເອົາໃຈໃສ່ພັດທະນາຄົນ ຄືສ້າງຄົນໃຫ້ມີຄວາມຮູ້ຄວາມສາມາດ, ມີຈັນຍາບັນ ແລະ ມີຈຸດຢືນໝາຍວ່າຕ້ອງເປັນຄົນທີ່ມີຄຸນສົມບັດສິນທໍາປະຕິວັດ, ມີຄຸນທາດການເມືອງໜັກແໜ້ນ.

ທ່ານຫົວໜ້າສະຖາບັນສື່ມວນຊົນໃຫ້ທັດສະນະວ່າ: ໃນໄລຍະຜ່ານມາເຖິງວ່າພວກເຮົາມີສູນເຝິກອົບຮົມສື່ມວນຊົນ, ແຕ່ການເຝິກອົບຮົມແມ່ນຍັງເຮັດໄດ້ຫນ້ອຍ, ຍອດຂາດງົບປະມານ, ໃນທາງທີ່ດີແມ່ນພວກ ເຮົາຄວນຫັນການເຝິກອົບຮົມນີ້ໄປຫາການມີສ່ວນຮ່ວມຂອງຫລາຍພາກສ່ວນ.

ສ່ວນທ່ານ ອຳນວຍການຂ່າວສານປະເທດລາວກໍໄດ້ນໍາສະເໜີບົດຮຽນ ແລະ ວິທີການຂະຫຍາຍຕາຫນ່າງຂ່າວລົງສູ່ຮາກຖານ ເຊິ່ງເປັນຂອດສາໍຄັນຫນຶ່ງໃນການນາໍເອົາແນວທາງນະໂຍບາຍຂອງພັກ, ລັດຖະບານລົງສູ່ປະຊາຊົນ ແລະ ນໍາເອົາຄວາມຄິດເຫັນຕ່າງໆຂອງປະຊາຊົນສ່ອງແສງໃຫ້ຂັ້ນເທິງຮັບຮູ້ເພື່ອມີວິທີການແກ້ໄຂບັນຫານັ້ນໃຫ້ແທດເໝາະ, ເມື່ອພວກເຮົາເຮັດໄດ້ແນວນີ້ຈຶ່ງຈະເຮັດໃຫ້ບົດບາດສື່ມວນຊົນເຮົາພົ້ນເດັ່ນຂຶ້ນ ແລະ ສາມາດຕອບສະໜອງຄວາມຮຽກຮ້ອງຕ້ອງການຂອງສັງຄົມໄດ້ /

 

error: Alert: Content is protected !!