ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ

ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ - Time fo an Adventure 2020 08 13T110723 - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ
ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ - AGL banner - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ

ນັກທຸລະກິດລາວ ຂໍເຊີນຊວນພີ່ນ້ອງເຊື້ອຊາດລາວ ທີ່ກຳລັງດຳລົງຊີວິດຢູ່ຕ່າງປະເທດ ໃຫ້ກັບມາຮ່ວມກັນສືບຕໍ່ສ້າງສາ ແລະ ພັດທະນາບ້ານເກີດເມືອງນອນຂອງຕົນເອງ ແນໃສ່ເຮັດໃຫ້ປະຊາຊົນມີຄວາມຮັ່ງມີຜາສຸກ ແລະ ນຳເອົາປະເທດ ອອກຈາກສະຖານະພາບດ້ອຍພັດທະນາ.

ໃນໂອກາດເຂົ້າຮ່ວມກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 5 ສະໄໝທີ X ຈັດຂຶ້ນທີ່ນະຄອນຫລວງວຽງຈັນ ໃນວັນທີ 11-12 ສິງຫາ 2020, ທ່່ານ ນາງ ບົວວຽງ ເພັດທະລານຄຳ ປະທານບໍລິສັດ ເພັດບັນດິດກໍ່ສ້າງ ຈຳກັດ, ທັງເປັນກຳມະການສູນກາງແນວລາວສ້າງຊາດ ໄດ້ໃຫ້ສຳພາດວ່າ: ຕົນເອງມີຄວາມພາກພູມໃຈເປັນຢ່າງຍິ່ງ ທີ່ໄດ້ເປັນສ່ວນໜຶ່ງໃນການປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດຕະຫລອດໄລຍະຜ່ານມາ. ພ້ອມກັນນັ້ນ, ກໍໄດ້ເຮັດພາລະບົດບາດ ແລະ ໜ້າທີ່ເປັນໃຈກາງ ໃນການເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າທົ່ວປະເທດ ກໍຄືພີ່ນ້ອງເຊື້ອຊາດລາວທີ່ດຳລົງຊີວິດຢູ່ຕ່າງປະເທດ.

ໃນໂອກາດນີ້,​ ທ່່ານ ນາງ ບົວວຽງ ເພັດທະລານຄໍາ ໃນນາມເປັນນັກທຸລະກິດຍິງລາວຄົນໜຶ່ງ ຂໍເຊີນຊວນພີ່ນ້ອງເຊື້ອຊາດລາວ ທີ່ກຳລັງດຳລົງຊີວິດຢູ່ຕ່າງປະເທດ ບໍ່ວ່າຈະເປັນຜູ້ເກີດໃໝ່ໃຫຍ່ລຸນ ບໍ່ວ່າຈະຢູ່ປະເທດໃດກໍຕາມໃຫ້ກັບມາ ຫລື ຊອກຫາແຫ່ງທຶນ ເຊີນຊວນນັກທຸກລະກິດຕ່າງປະເທດ ເຂົ້າມາພັດທະນາບ້ານເກີດເມືອງນອນຂອງຕົນເອງ ເນື່ອງຈາກວ່າປະເທດໄດ້ມີນະໂຍບາຍເປີດກວ້າງ, ດິນດອນຕອນຫຍ້າກໍຍັງມີກວ້າງຂວາງ, ພື້ນຖານໂຄງລ່າງ ກໍນັບມື້ນັບໄດ້ຮັບການພັດທະນາຢ່າງຕໍ່ເນື່ອງ ໄດ້ເອື້ອອຳນວຍຄວາມສະດວກໃນການເຂົ້າມາດຳເນີນທຸລະກິດ ກໍຄື ພັດທະນາດ້ານຕ່າງໆ.

ພັກປະຊາຊົນປະຕິວັດລາວ ຍາມໃດກໍໃຫ້ຄວາມສຳຄັນ ແລະ ຖືວ່າ ພີ່ນ້ອງຊາວລາວທີ່ອາໃສຢູ່ຕ່າງປະເທດ ແມ່ນພາກສ່ວນໜຶ່ງທີ່ສຳຄັນ, ເຊິ່ງບໍ່ສາມາດຕັດແຍກອອກຈາກວົງຄະນະຍາດແຫ່ງຊາດລາວໄດ້, ທັງເປັນແຫລ່ງກຳລັງແຮງອັນໜຶ່ງ ໃນການສ້າງສາພັດທະນາປະເທດ ແລະ ເປັນປັດໄຈສຳຄັນໃນການເປີດກວ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ບັນດາປະເທດ ທີ່ເຂົາເຈົ້າອາໃສຢູ່ ແລະ ອົງການຈັດຕັ້ງສາກົນ.

ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ - Wave100S AD to Website 2020 0 - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ

ປັດຈຸບັນ, ຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ໄດ້ສະເໜີຕໍ່ລັດຖະບານເພື່ອພິຈາລະນາອອກນິຕິກຳຈຳນວນໜຶ່ງ ແນໃສ່ອຳນວຍຄວາມສະດວກໃຫ້ແກ່ພີ່ນ້ອງເຊື້ອຊາດລາວທີ່ຢູ່ຕ່າງປະເທດ ໃນການມາຢ້ຽມຢາມ, ແຕ່ງດອງ, ກັບຄືນມາຢູ່ຖາວອນ, ດຳເນີນທຸລະກິດ ກໍຄືເພື່ອຕອບສະໜອງຄວາມມຸ່ງຫວັງອື່ນໆ ຂອງພີ່ນ້ອງເຊື້ອຊາດລາວ.

ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ - lattana banner 1 - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ
ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ -    AD conten website - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ
ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ - lattana banner - ເຊີນຊວນພີ່ນ້ອງເຊື້ອຊາດລາວຢູ່ຕ່າງປະເທດ ກັບມາ ພັດທະນາບ້ານເກີດເມືອງນອນຂອງຕົນ
error: Alert: ເນື້ອຫາຂ່າວມີລິຂະສິດ !!