ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020

ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020 - AGL banner - ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020
  1. ລັດຖະບານຂອງ​ປະ​ເທດ​ເບລາຣຸດ (Belarus) ຍອມຮັບ​ວ່າ​ຕຳຫລວດ​ໄດ້​ມີ​ການ​ຍິງ​ໃສ່​ຜູ້​ປະ​ທ້ວງ ​ແລະ ຈັບ​ກຸມ​ຫລາຍ​ກວ່າ 6.000 ຄົນ​ໃນ​ການ​ປາບ​ປາມ​ກຸ່ມ​ຜູ້​ປະ​ທ້ວງ​ທີ່​ຕໍ່ຕ້ານ​ການ​ເລືອກ​ຕັ້ງຄັ້ງ​ໃໝ່ ຫລັງ​ຈາກ Alexander Lukashenko ປະກາດ​ວ່າ ທ່ານ​ຈະ​ລົງ​ສະໝັກ​ເລືອກ​ຕັ້ງປະທານາທິບໍດີ​ເປັນຄັ້ງທີ 6.

ການແຫ່ຂະບວນຂອງຜູ້ປະທ້ວງເກີດຂຶ້ນເປັນຄືນທີ 3 ຕິດຕໍ່ກັນຢູ່ເມືອງ Minsk ​ເຊິ່ງ​ເປັນ​ເມືອງ​ຫລວງ​ຂອງ​ປະ​ເທດ. ຂະນະ​ທີ່​ສະຫະພາບ​ເອີຣົບຕັດສິນ​ໃຈ​ຂວ້ຳບາດ​ເບ​ລາຣຸດ ​ເພື່ອ​​ເປັນ​ການ​ປະ​ທ້ວງ​ພຶດຕິ​ກຳ​ຄວາມ​ຄຸນ​ແຮງ​ຂອງ Alexander Lukashenko.

ຫລ້າ​ສຸດ​ມີ​ລາຍ​ງານ​ອອກ​ມາ​ວ່າ: ຜູ້​ປະ​ທ້ວງ 2 ຄົນ​ເສຍ​ຊີວິດ​ແລ້ວ​ຈາ​ກການ​ຍິງ​ຂອງ​ຕຳຫລວດ.

  1. GDP ​ໄຕ​ມາດ​ທີ 2 ຂອງ​ອັງກິດ​ຫລຸດ​ລົງຄັ້ງປະຫວັດສາດ​ເຖິງ 20,4%​ ​ເມື່ອ​ທຽບ​ໃສ່​ໄຕ​ມາດ​ທຳ​ອິດ ​ເຊິ່ງ​ເປັນ​ການ​ຢືນຢັນ​ວ່າ: ອັງກິດ​ໄດ້​ເຂົ້າສູ່​ສະພາບ​ເສດຖະກິດ​ຫລຸດ​ລົງ​ຮຸນ​ແຮງ​ທີ່​ສຸດ​ນັບ​ແຕ່​ປີ 1920 ​ເປັນຕົ້ນມາ (ຮຸນ​ແຮງ​ກວ່າ The Great Depression).

ນັບ​ແຕ່​ປີ 2019 ​ເປັນຕົ້ນມາ ອັງກິດ​ຕ້ອງ​ທຸກທໍລະມານ​ກັບ​ປະສິດທິ​ຜົນ​ທາງ​ເສດຖະກິດ​ທີ່​ເກືອບ​ຈະ​ຮ້າຍ​ແຮງ​ທີ່​ສຸດ​ໃນ​ເອີຣົບ (ຮອງ​ຈາກ​ສະ​ເປ​ນ​ເທົ່າ​ນັ້ນ).

​ເຖິງ​ຢ່າງ​ໃດ​ກໍ​ຕາມ, ຂໍ້​ມູນ​ຈາກ​ບາງ​ແຫ​ລ່ງລະບຸ​ວ່າ: ​ເສດຖະກິດ​ເລີ່​ມມີ​ການ​ຟື້ນຕົວ​ຂຶ້ນ​ແບບ​ຊ້າໆ ​ໃນ​ເດືອນ​ມິຖຸນາ​ຜ່ານ​ມາ.

  1. Uber ອາດ​ຈະ​ປິດ​ຊົ່ວຄາວ​ຢູ່​ລັດ California ​ໂດຍ Dara Khosrowshahi ​ເຊິ່ງ​ເປັນ CEO ຂອງ​ບໍລິສັດ​ກ່າວ​ວ່າ: ພວກ​ເຂົາ​ບໍ່​ສາມາດ​ຈັດ​ປະ​ເພດ​ຄົນ​ຂັບ​ຂອງ​ພວກ​ເຂົາ​ເປັນ​ພະນັກງານ​ແບບ Full-Time ​ໄດ້​ຕາມ​ຄຳ​ສັ່ງ​ຂອງ​ສານ​ປະຈຳ​ລັດ ​ເຊິ່ງສັ່ງ Lyft ຄູ່​ແຂ່ງ​ຂອງ Uber ປະຕິບັດ​ເຊັ່ນ​ດຽວ​ກັນ.
  2. Tencent ​ເປີດ​ເຜີຍ​ລາຍ​ງານ​ຜົນ​ກຳ​ໄລ​ທີ່​ສູງ​ກວ່າ​ທຸກ​ການ​ຄາດ​ຄະ​ເນ ​ໂດຍ​ໄດ້​ຮັບ​ຜົນ​ປະ​ໂຫຍ​ດຈາກ​ການ​ທີ່​ຄົນ​ມີ​ເວລາ​ໃຊ້​ອິນ​ເຕີ​ເນັດ​ຫລາຍ​ຂຶ້ນ ​ເພາະ​ພວກ​ເຂົາ​ໄດ້​ພັກ​ຢູ່​ເຮືອນ.

ບໍລິສັດ​ຜູ້​ຜະລິດ​ເກ​ມ ​ແລະ Social Media ຍັກ​ໃຫຍ່​ຂອງ​ຈີນ ຈຶ່ງ​ສາມາດ​ສ້າງ​ຜົນ​ກຳ​ໄລ​ເພີ່ມ​ຂຶ້ນ​ເຖິງ 37% ​ເມື່ອ​ທຽບ​ໃສ່​ແຕ່ລະ​ປີ​ສຳລັບ​ໄຕ​ມາດ​ທີ 2 ຂອງ​ປີ​ນີ້, ​ເຖິງ​ວ່າ WeChat ​ເຊິ່ງ​ເປັນ​ແອັບ​ພລິ​ເຄ​ເຊັນ​ອາ​ເນກປະສົງ​ຂອງ​ພວກ​ເຂົາ​ກຳລັງ​ຢູ່​ໃນ​ຄວາມ​ກັງວົນ ​ເນື່ອງ​ຈາກ​ຄຳ​ສັ່ງ​ຫ້າມ​ຂອງ​ປະທານາທິບໍດີ ​ໂດ​ນັລ ທຣຳ.

ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020
  1. ລັດ Parana ປະ​ເທດ​ເບຣຊິນ​ໄດ້​ຕົກລົງ​ຈະ​ຜະລິດ​ວັກ​ແຊງ​ຂອງຣັດ​ເຊຍ​ເພື່ອ​ຕໍ່ຕ້ານ COVID-19 ​ເຖິງ​ວ່າຄວາມ​ວ່ອງ​ໄວ​ກ່ຽວ​ກັບ​ການ​ພັດທະນາ​ວັກ​ແຊງ​ຈະ​ເຮັດ​ໃຫ້​ເກີດ​ຄວາມ​ກັງວົນ​ດ້ານ​ຄວາມ​ປອດ​ໄພ​​ໃນ​ປັດຈຸບັນ.

ຣັດ​ເຊຍ​ເປີດ​ເຜີຍ​ວ່າ: ການ​ທົດ​ລອງ​ວັກ​ແຊງ​ໃນ​ມະນຸດ​ເລີ່​ມຂຶ້ນຄັ້ງທຳ​ອິດ​ໃນ​ເດືອນ​ມິຖຸນາ ​ໂດຍ​ມີ​ກຸ່ມ​ທົດ​ລອງ 38. ຂະນະ​ທີ່​ເບຣຊິນ​ກຳລັງ​ມີ​ຜູ້​ຕິດ​ເຊື້ອ​ເພີ່ມ​ຂຶ້ນຈຳນວນ​ຫລາຍ​ເຊັ່ນ​ກັນ ​ໂດຍ​ປັດ​ຈຸ​ບັນ​ມີ​ເຖິງ 3 ລ້ານ​ຄົນ​ແລ້ວ.

Comment: ​ເຫດຜົນ​ທີ່​ເບຣຊິນ​ຕັດສິນ​ໃຈ​ຮັບ​ວັກ​ແຊງ​ຂອງຣັດ​ເຊຍ ອາດ​ເປັນ​ຍ້ອນ​ພວກ​ເຂົາ​ບໍ່​ເຫັນ​ຫົນທາງ​ອື່ນ​ທີ່​ຈະ​ສາມາດ​ບັນ​ເທົາ​ຄວາມ​ເສຍ​ຫາຍ​ໄດ້​ດີກ​ວ່າການ​ຍອມ​ສ່ຽງ​ກັບ​ວັກ​ແຊງ​ຊະນິດ​ນີ້. ຂະນະ​ທີ່​ຈຳນວນ​ຜູ້​ຕິດ​ເຊື້ອພາຍ​ໃນ​ປະ​ເທດ​ມີ​ປະມານ 15% ຂອງ​ທົ່ວ​ໂລກ.

  1. ຢູ່​ປະ​ເທດ​ສະ​ກອດ​ແລນ ມີ​ຢ່າງ​ໜ້ອຍ 3 ຄົນ​ເສຍ​ຊີວິດ ​ແລະ ອີກ​ຫລາຍ​ຄົນ​ບາດ​ເຈັບ ຫລັງ​ລົດ​ໄຟທີ່​ເດີນທາງ​ຈາກ​ເມືອງ Aberdeen ​ໄປ Glasgow ​ເກີດ​ເຫດ​ດິນ​ເຈື່ອນ ​ເຮັດ​ໃຫ້​ລົດ​ໄຟ​ຕົກ​ລາງ ​ເຊິ່ງ​ເປັນ​ການ​ເສຍ​ຊີວິດ​ຂອງ​ຜູ້​ໂດຍສານ​ຄົນ​ທຳ​ອິດ​ໃນ​ອຸປະຕິ​ເຫດ​ລົດ​ໄຟ ທີ່ຢູ່​ໃນ​ເຄືອ​ຂ່າຍ​ຂອງ​ອັງກິດ ນັບ​ແຕ່​ເກີດ​ອຸປະຕິ​ເຫດ​ລົດ​ໄຟ​ຕົກ​ລາງ​ຢູ່​ຄຳ​ເບຍ ​​ເມື່ອ​ປີ 2007.
ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020 - lattana banner - ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020 -    AD conten website - ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020 - lattana banner 1 - ສະຫລຸບບັນຫາໜ້າສົນໃຈທົ່ວໂລກວັນທີ 13 ສິງຫາ 2020
error: Alert: ເນື້ອຫາຂ່າວມີລິຂະສິດ !!