ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ

ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ - Time fo an Adventure 2020 08 13T141417 - ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ
ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ - Untitled design - ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ

ໃນໂອກາດວັນສ້າງຕັ້ງສື່ມວນຊົນລາວ ແລະ ການພິມຈຳໜ່າຍຄົບຮອບ 70 ປີ (13 ສິງ ຫາ 1950-13 ສິງຫາ 2020) ທ່ານ ພັທ ພອນສະຫວັນ ອຸດົມເພັດ ຮອງຫົວໜ້າກົມສື່ມວນຊົນ ປກສ ກົມໃຫຍ່ການເມືອງ ກະຊວງປ້ອງກັນຄວາມສະຫງົບ ໄດ້ໃຫ້ທັດສະນະວ່າ: ໃນໄລຍະໃໝ່ນີ້, ສື່ສັງຄົມອອນລາຍ ໄດ້ເຂົ້າມາມີບົດບາດ ແລະ ເປັນທີ່ນິຍົມຂອງສັງຄົມຫລາຍ ແຕ່ຂໍ້ມູນຂ່າວສານທີ່ລົງໃນສື່ອອນລາຍ ບາງຄັ້ງຍັງຂາດຄວາມຖືກຕ້ອງ, ດ້ວຍເຫດນັ້ນສື່ມວນຊົນເຮົາ ໂດຍສະເພາະສື່ສິ່ງພິມ, ສື່ເອເລັກໂຕຣນິກຂອງຫລາຍໆພາກສ່ວນເວົ້າລວມ, ເວົ້າສະເພາະສື່ມວນຊົນ ປກສ ຍິ່ງຕ້ອງເພີ່ມທະວີການພັດທະ ນາສື່ມວນຊົນ ໃຫ້ເປັນທີ່ນິຍົມຂອງສັງຄົມ, ໂດຍມີການປັບປຸງເນື້ອໃນການນໍາສະເໜີຂ່າວ ໃຫ້ສັ້ນກະທັດຮັດ, ຄົບຖ້ວນສົມບູນ ແລະ ອັດແໜ້ນໄປດ້ວຍຄວາມຖືກຕ້ອງ, ຊັດເຈນ.

ທ່ານ ພັທ ພອນສະຫວັນ ອຸດົມເພັດ ກ່າວວ່າ: ປັດຈຸບັນ, ສື່ສັງຄົມອອນລາຍ ໄດ້ມີບົດບາດສຳ ຄັນ ແລະ ສົ່ງຜົນກະທົບໂດຍກົງຕໍ່ສື່ດັ້ງເດີມ ເຊັ່ນ: ການບໍລິໂພກຂໍ້ມູນຂ່າວສານ, ການບໍລິການຕ່າງໆທີ່ສັງຄົມເຄີຍຊົມໃຊ້ຜ່ານໜັງສືພິມ, ວິທະຍຸ ແລະ ໂທລະພາບໄດ້ຫລຸດລົງ, ຍ້ອນວ່າການເຂົ້າມາຂອງສື່ສັງ ຄົມອອນລາຍ ມີຄວາມງ່າຍດາຍ, ວ່ອງໄວ, ທັນເຫດການ, ກວ້າງຂວາງ ໂດຍບໍ່ມີຂອບເຂດຈຳກັດ, ການເຜີຍແຜ່ຂໍ້ມູນຂ່າວສານທາງສື່ອອນລາຍ ແມ່ນມີອິດສະຫລະ ເຮັດໃຫ້ບຸກຄົນ, ກຸ່ມຄົນບໍ່ດີສວຍໃຊ້ໃນການເຜີຍແຜ່ຂໍ້ມູນຂ່າວສານ, ລັກສະນະຫລອກລວງ, ຂັດກັບຄວາມຈິງ, ສິນທຳ, ວັດທະນະທຳ ແລະ ແນວ ທາງການເມືອງ, ສາມາດເປັນເຄື່ອງມືປຸກລະດົມ, ສ້າງຄວາມຂັດແຍ່ງລະຫວ່າງບຸກຄົນ, ກຸ່ມຄົນ, ອາດສ້າງຄວາມເສຍຫາຍທາງດ້ານຊັບສິນ, ຮ່າງກາຍ ແລະ ສ້າງຄວາມບໍ່ສະຫງົບໃຫ້ແກ່ສັງຄົມຕາມມາ.

ເພື່ອໃຫ້ສື່ດັ້ງເດີມເຮົາຢູ່ຄົງຕົວ ໃນຍຸກທີ່ສື່ສັງຄົມອອນລາຍເຂົ້າມາມີບົດບາດ ໂດຍສະເພາະແມ່ນສື່ສິ່ງພິມຫລາຍໆພາກສ່ວນ ຄວນໄດ້ເພີ່ມທະວີໃນການປັບປຸງ ໂດຍສະເພາະຕ້ອງໄດ້ເຮັດຄວບຄູ່ໄປພ້ອມການເຮັດໜັງສືພິມເຈ້ຍ ແລະ ເຮັດໜັງສືພິມເອເລັກໂຕຣນິກໄປພ້ອມກັນ (ສ້າງເຟສບຸກ, ສ້າງເວບໄຊ). ສຳລັບສື່ເອເລັກໂຕຣນິກໂທລະພາບ-ວິທະຍຸ ກໍຄວນມີຊ່ອງຢູ່ທູບ, ເວບໄຊ, ເຟສບຸກ, ເຊິ່ງຈະສາມາດນຳສະເໜີຂໍ້ມູນຂ່າວ ຜ່ານສື່ເອເລັກໂຕຣນິກແບບໃໝ່ ຜ່ານເຄືອຂ່າຍອິນເຕີເນັດ ເຮັດໃຫ້ຜູ້ບໍລິໂພກຂໍ້ມູນຂ່າວສານສາມາດເຂົ້າເຖິງໄດ້ໄວ, ງ່າຍ ແລະ ກວ້າງຂວາງກວ່າເກົ່າ. ອັນສຳຄັນອີກຢ່າງໜຶ່ງ ແມ່ນຕ້ອງໄດ້ປັບປຸງບຸກຄະລາກອນ ໂດຍຍົກສູງລະດັບຄວາມຮູ້ທາງດ້ານເຕັກໂນໂລຊີວິທະຍາສາດ ໃຫ້ສາມາດເຂົ້າເຖິງແຫລ່ງຂໍ້ມູນຂ່າວສານ ແລະ ສາມາດນຳສະເໜີໃຫ້ກວ້າງຂວາງ, ວ່ອງໄວ; ສື່ສິ່ງພິມຕ້ອງໄດ້ຮັກສາບົດບາດໃນການເປັນສື່ຫລັກ ໂດຍສະເພາະທາງດ້ານເນື້ອໃນໃຫ້ແຫລມຄົມ ແລະ ຄົບຖ້ວນສົມບູນ ແຕ່ມີລັກສະນະທີ່ສັ້ນກະທັດຮັດ ໂດຍແມ່ນຂໍ້ມູນທີ່ໄດ້ຮັບການຢັ້ງຢືນຈາກວິຊາສະເພາະ ຫລື ອົງການທີ່ກ່ຽວ ຂ້ອງໃນການຢັ້ງຢືນ ໃຫ້ຂໍ້ມູນຂ່າວສານ ແລະ ສາມາດເຊື່ອຖືໄດ້ ເຮັດໃຫ້ສັງຄົມ ກັບເຂົ້າມາບໍລິໂພກຂໍ້ມູນຂ່າວສານຂອງສື່ສິ່ງພິມຕື່ມອີກ.

ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ - Wave100S AD to Website 2020 0 - ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ
ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ - WhatsApp Image 2020 05 27 at 5 - ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ
ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ - WhatsApp Image 2020 05 27 at 5 - ເພີ່ມທະວີການພັດທະນາສື່ມວນຊົນ ໃນຍຸກສື່ສັງຄົມອອນລາຍ
error: Alert: ເນື້ອຫາຂ່າວມີລິຂະສິດ !!