ມາດຕະການກຳຈັດບັນຫາຫຼອກລວງ ເພື່ອຂາຍຢາປົວພະຍາດປອມ ຂອງຕ່າງປະເທດ
ທີ່ ຍີ່ ປຸ່ນ: ເພື່ອສຸ ຂະ ພາບ ແລະ ຄວາມປອດໄພໃນຊີ ວິດອິນຊີຂອງພົນ ລະ ເມືອງ ທາງການຂອງປະ ເທດຍີ່ ປຸ່ນ ໄດ້ມີມາດຕະ ການຫ້າມນຳເຂົ້າຢາປົວພະ ຍາດທີ່ບໍ່ຮັບ ປະ ກັນດ້ານຄຸນນະພາບ ລວມທັງຜະ ລິດຕະພັນທີ່ມີລັກ ສະ ນະຄ້າຍ ຫຼື ເຄິ່ງການຢາ ຂ່າວກ່ຽວກັບການສັ່ງຫ້າມດັ່ງ ກ່າວມີຂຶ້ນໃນທ້າຍປີ 2014 ເພື່ອເຮັດໃຫ້ຄຳສັ່ງຫ້າມມີຜົນສັກ ສິດ ຂ່າວບອກວ່າ ລັດ ຖະ ບານ ແລະ ບັນ ດາພັກກຳອຳ ນາດຂອງຍີ່ ປຸ່ນຕ້ອງໄດ້ທົບທວນ ແລະ ປັບ ປຸງກົດ ໝາຍທີ່ພົວ ພັນກັບການນຳເຂົ້າປະ ເພດຢາປົວພະ ຍາດທີ່ກ່າວມາຂ້າງເທິງນັ້ນ ໂດຍຈະມີການກຳ ນົດໃຫ້ປະ ເພດຢາທີ່ບໍ່ຮັບ ປະ ກັນເຂົ້າໃນບັນ ຊີຢາເສບຕິດ ອາ ວຸດ ແລະ ດິນລະ ເບີດທີ່ຫ້າມນຳເຂົ້າຍີ່ ປຸ່ນເດັດ ຂາດ ສ່ວນຜູ້ລະ ເມີດກໍຈະໄດ້ຮັບໂທດທາງອາ ຍາ ກົດ ໝາຍສະ ບັບປັບ ປຸງ ຊຶ່ງມີຜົນບັງ ຄັບໃຊ້ໃນເດືອນເມ ສາ ປີ 2015 ສາ ມາດຊ່ວຍສະ ກັດກັ້ນການນຳເຂົ້າຜະ ລິດຕະພັນຄ້າຍການຢາໄດ້ຢ່າງມີປະສິດ ທິຜົນ ຢູ່ປະ ເທດລາວພວກເຮົາ ຜະ ລິດຕະພັນຄ້າຍ ຫຼື ເຄິ່ງການຢາ ສ່ວນໃຫຍ່ແມ່ນປະ ເພດຢາຊູກຳ ລັງ ຢາບຳ ລຸງປະ ເພດຕ່າງໆ ຢາ ພື້ນ ເມືອງ ເພື່ອປິ່ນ ປົວອາ ການເຈັບ ເປັນທີ່ມັກເກີດຂຶ້ນກັບຄົນເຮົາ ຢາປະ ເພດນີ້ມັກຈະມີການໂຄ ສະ ນາເກີນຄວາມເປັນຈິງ ເຮັດໃຫ້ມີຄົນຫຼົງເຊື່ອວ່າ ເປັນຢາທີ່ສາ ມາດປິ່ນ ປົວພະ ຍາດໄດ້ແທ້.
ທີ່ ສປ ຈີນ: ຂ່າວຕ່າງ ປະ ເທດຈາກ ສປ ຈີນ ໃນທ້າຍປີ 2017 ກໍໄດ້ເວົ້າກ່ຽວກັບບັນ ຫາຫຼອກລວງ ເພື່ອຂາຍຜະ ລິດຕະພັນຢາປົວພະ ຍາດທີ່ປອມແປງ ແລະ ເປັນອັນ ຕະ ລາຍຕໍ່ສຸ ຂະ ພາບຂອງຜູ້ຊົມ ໃຊ້ຢາທີ່ວ່ານີ້ ສ່ວນຫຼາຍແມ່ນປະ ເພດທີ່ອ້າງວ່າ ເພື່ອບຳ ລຸງສຸ ຂະ ພາບ ສຳ ລັບຜູ້ອາ ຍຸສູງ ແລະ ຜູ້ທີ່ມີອາ ການເຈັບ ເປັນ ຂ່າວໃນວັນທີ 10 ທັນ ວາ 2017 ໃຫ້ຮູ້ວ່າ: ເຈົ້າໜ້າ ທີ່ຕຳ ຫຼວດ ນະ ຄອນຈຸງຈິງ ໄດ້ຈັບກຸມຜູ້ຕ້ອງສົງ ໄສຈຳ ນວນ 323 ຄົນ ທີ່ປອມເປັນຊ່ຽວ ຊານດ້ານການແພດ ແລ້ວເຄື່ອນໄຫວໂຄ ສະ ນາຂາຍຢາເພື່ອສຸ ຂະ ພາບດັ່ງ ກ່າວ ສຳ ລັບໃນຂອບເຂດທົ່ວປະ ເທດ ເຈົ້າໜ້າ ທີ່ຕຳ ຫຼວດໄດ້ຈັບກຸມຜູ້ຕ້ອງສົງ ໄສໃນ 30 ແຫ່ງ ຢູ່ຫຼາຍກວ່າ 10 ແຂວງ ແລະ ນະ ຄອນ ສາ ມາດທັບມ້າງໄດ້ 16 ເຄືອຄ່າຍອາຊະຍາກຳຫຼອກລວງໃນກວ່າ 10.000 ກໍ ລະ ນີ ຈຳ ນວນເງິນໝູ ນວຽນໃນຂະບວນການຕົວະຕົ້ມນີ້ ມີສູງກວ່າ 10 ລ້ານຢວນ ຫຼື ປະ ມານ 1,51 ລ້ານໂດລາສະ ຫະ ລັດ ຮູບການຫຼອກລວງເພື່ອຂາຍຢາບຳ ລຸງສຸ ຂະ ພາບນັ້ນ ມີລັກ ສະ ນະແນບນຽນ ກ່ອນອື່ນໝົດ ນັກຕົ້ມຕຸນໄດ້ຊອກເກັບກຳຂໍ້ມູນກ່ຽວກັບຄົນເຈັບ ຈາກນັ້ນ ກໍປອມເປັນຊ່ຽວ ຊານ-ເປັນທ່ານ ໝໍຢູ່ຕາມໂຮງ ພະ ຍາ ບານໃຫຍ່ໆທີ່ມີຊື່ສຽງ ເພື່ອສ້າງເງື່ອນ ໄຂໃຫ້ໄດ້ເຂົ້າເຖິງບັນ ດາຄົນເຈັບທີ່ເປັນເປົ້າໝາຍ ເມື່ອໄດ້ຮັບຄວາມໄວ້ວາງ ໃຈຈາກຄົນເຈັບແລ້ວ ພວກຊ່ຽວ ຊານປອມເຫຼົ່ານີ້ກໍໃຊ້ເລ່ລ່ຽມຕົວະຍົວະໃຫ້ຄົນເຈັບຊື້ຜະ ລິດຕະພັນຢາວິ ເສດ ດ້ວຍລາ ຄາສູງເກືອບຈຸເມກ!.
ໃນຊຸມປີຫຼັງໆມານີ້ ທາງການ ສປ ຈີນ ໄດ້ເພີ່ມມາດຕະ ການປາບປາມຜະ ລິດຕະພັນຢາປົວພະ ຍາດທີ່ບໍ່ໄດ້ຄຸນນະພາບ ຢາປອມ ອາ ຫານ ຜະ ລິດຕະພັນນົມ ແລະ ເຄື່ອງສຳ ອາງປົນເປື້ອນທີ່ສົ່ງຜົນກະ ທົບຕໍ່ສຸ ຂະ ພາບຂອງປະ ຊາ ຊົນ.
ແຫລ່ງຂ່າວ: Vientiane Mai
