ຜົນ​ກອງ​ປະຊຸມ​ຂົນສົ່ງ​​ແບບຍືນ​ຍົງ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ

- advert banner 728 90 728x90 - ຜົນ​ກອງ​ປະຊຸມ​ຂົນສົ່ງ​​ແບບຍືນ​ຍົງ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ

- IMG 8042 300x200 - ຜົນ​ກອງ​ປະຊຸມ​ຂົນສົ່ງ​​ແບບຍືນ​ຍົງ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ  ກອງ​ປະຊຸມ​ຂົນສົ່ງ​ແບບ​ຍືນ​ຍົງ ​ແລະ ​ເປັນ​ມິດຕໍ່ສິ່ງ​ແວ​ດລ້ອມຄັ້ງທີ 10 ​ໄດ້​​ໄຂ​ຂຶ້ນ​ແຕ່​ວັນ​ທີ 14-16 ມີນາ​ນີ້​ທີ່​ນະຄອນຫລວງ​ວຽງ​ຈັນ, ພາຍ​ໃຕ້​ຄຳ​ຂວັນ: “ແຜນ​ດຳ​ເນີນ​ການ​ວ່າ​ດ້ວຍ​ການ​ຂົນ​ສົ່ງ​ແບບ​ຍືນ​ຍົງ​ຮອດ​ປີ 2030 ທີ່​ສອດຄ່ອງ​ກັບ​​ແຜນ​ພັດທະນາ​ແບບ​ຍືນ​ຍົງ (2030 Road Map for Sustainable Transport-Aligning with Development Goals (SDGs)” ​ໂດຍ​ການ​ເປັນ​ປະທານ​ຂອງທ່ານລັດຖະມົນຕີກະຊວງ​ໂຍທາ​ທິການ ​ແລະ ຂົນ​ສົ່ງຂອງ​ລາວ ບຸນ​ຈັນ ສີນ​ທະ​ວົງ, ມີ​ບັນດາຄະນະ​ຜູ້​ແທນ​ຈາກ​ກະຊວງ​ຂົນ​ສົ່ງ, ກະຊວງ​ສິ່ງ​ແວດ​ລ້ອມ, ກະຊວງ​ພັດທະນາ​ຕົວ​ເມືອງ, ກະຊວງ​ສາທາລະນະ​ສຸກ ​ແລະ ຈາກ​ບັນດາ​ປະ​ເທດ​ໃນ​ອາຊີ-ປາຊີ​ຟິກ​​ເຂົ້າ​ຮ່ວມ​ເກື​ອບ 40 ປະ​ເທດ.

- new3 - ຜົນ​ກອງ​ປະຊຸມ​ຂົນສົ່ງ​​ແບບຍືນ​ຍົງ ​ແລະ ​ເປັນ​ມິດ​ຕໍ່​ສິ່ງ​ແວດ​ລ້ອມ

ກອງ​ປະຊຸມ​​ຄະນະ​ຜູ້​ແທນໄດ້​ຮ່ວມ​ກັນ​ປຶກສາ​ຫາ​ລືກ່ຽວກັບ​​ການ​ມີ​ສ່ວນ​ຮ່ວມ​ຂອງ​ບັນດາ​ປະ​ເທດ​ອາຊຽນທີ່​ເປັນ​ສະມາຊິກ​ຂອງ EST ​​ເພື່ອ​ບັນລຸ​ຄາດໝາຍປີ 2030, ​ໂດຍ​ປະຕິບັດ​ການ​ຂົນ​ສົ່ງ​ແບບ​ຍືນ​ຍົງ​ຂອງ​ບັນດາ​ປະ​ເທດ​ດັ່ງກ່າວ, ທັງ​ປຶກສາ​ຫາລື​ກ່ຽວກັບ​​ນະ​ໂຍບາຍ, ມາດ​ຕະການ, ກົນ​ໄກ​ທາງ​ດ້ານ​ເຕັກ​ໂນ​ໂລ​ຊີ ​ແລະ ການ​ເງິນ, ຕະຫລອດຮອດຄູ່​ຮ່ວມ​ມື​ດ້ານ​ວຽກງານ​ການ​ຂົນ​ສົ່ງ​ເພື່ອ​ໃຫ້​ບັນລຸ​ເປົ້າໝາຍການ​ພັດທະນາ​ແບບ​ຍືນ​ຍົງ. ນອກຈາກ​ນີ້ ​​ໄດ້ປຶກສາ​ຫາລືກ່ຽວກັບນະ​ໂຍບາຍ​ການ​​ເຊື່ອມ​ຈອດ​ກັບ​ຊົນນະບົດ​ໃນ​ດ້ານ​ຄວາມ​ປອດ​ໄພ​ດ້ານ​ອາຫານ, ລຶບລ້າງ​ຄວາມອຶດຫິວ, ການ​ຮ່ວມ​ມື​ຂອງ​ພາກ​ພື້ນ ​ແລະ ການ​ພັດທະນາ​ພາກ​ພື້ນ​ແບບ​ຍືນ​ຍົງ, ສະ​ເໜີກ່ຽວກັບ​ພາລະ​ບົດບາດ​ຂອງ​ການ​ທາງ​ລົດ​ໄຟ​ໃນ​ການ​ບັນລຸ​ຄາດໝາຍ 2030 ຂອງ​ການ​ພັດທະນາ​ແບບ​ຍືນ​ຍົງ ​ແລະ ສະ​ເໜີກ່ຽວກັບ​ວິທີ​ການ​ໃນ​ການ​ຂົນ​ສົ່ງ​ແບບ​ຍືນ​ຍົງ ສາມາດ​ປະກອບສ່ວນ​ໃນ​ວຽກງານ​ສົ່ງ​ເສີມ​ຄວາມ​ເທົ່າ​ທຽມຂອງ​ຍິງ​ຊາຍ ​ແລະ​ ວຽກງານ​ຍົກ​ສູງ​ບົດບາດ​ຂອງ​ເພດ​ຍິງ ​ແລະ ​ເດັກ​ຍິງ, ທົບ​ທວນຄວາມ​ຄືບໜ້າຂອງ​ການຈັດຕັ້ງປະຕິບັດ​ຖະ​ແຫລ​ງການ​ບາງກອກ 2020 ​ແລະ ຖອດ​ຖອນ​ບົດຮຽນທີ່​ດີເພື່ອ​ເປັນ​ທິດ​ທາງ​ໃຫ້​ບັນດາ​ປະ​ເທດ​ສະມາຊິກ EST ​ໃນ​ການ​ກ້າວ​ໄປ​ສູ່​ເປົ້າໝາຍການ​ພັດທະນາ​ທີ່​ຍືນ​ຍົງ​ໂດຍ​ການຈັດຕັ້ງປະຕິບັດ​ການ​ຂົນ​ສົ່ງ​ແບບ​ຍືນ​ຍົງ​ຂອງ​ປະ​ເທດ​ດັ່ງກ່າວ.

​ກອງ​ປະຊຸມ​ໄດ້​​ຮັບຮອງ​ຮ່າງຖະ​​ແຫລ​ງການວຽງຈັນ​ກ່ຽວກັບ​ການ​ຂົນ​ສົ່ງ​ຊົນນະບົດ​ຍືນ​ຍົງ​ເພື່ອ​ບັນລຸ​ເປົ້າໝາຍປີ 2030, ​ເຊິ່ງ​ເນັ້ນ​ໃສ່​ການຈັດຕັ້ງປະ

ຕິບັດຂົນສົ່ງ​ແບບ​ຍືນ​ຍົງ ​ແລະ ​ເປັນ​ມິດຕໍ່ສິ່ງ​ແວ​ດລ້ອມ, ການ​ພັດທະນາ​ພື້ນຖານ​ໂຄງ​ລ່າງ​ການ​ຂົນ​ສົ່ງ​ຊົນນະບົດ​ໃຫ້ໄດ້​ຮັບ​ຜົນສຳ​ເລັດ. ກອງ​ປະຊຸມ​​ຄັ້ງນີ້​ໄດ້ມີ​ 29 ນະຄອນ​ລົງນາມ​ໃນ​ຖະ​ແຫລ​ງການກຽວ​ໂຕ ​ເພື່ອ​ສົ່ງ​ເສີມ​ການ​ຂົນສົ່ງ​​ແບບ​ຍືນ​ຍົງ ​ແລະ ​ເປັນ​ມິດຕໍ່ສິ່ງ​ແວດ​ລ້ອມ​ ​ແນ່​ໃສ່​ສ້າງ​ໃຫ້​ເປັນ​ຕົວ​ເມືອງໜ້າຢູ່, ຊຶ່ງປັດຈຸບັນ​ມີທັງໝົດ 51 ນະຄອນ​ທີ່​ຮ່ວມ​ນາມ​ໃນ​ຖະ​ແຫລ​ງການກຽວ​ໂຕ .

ສຳລັບກອງ​ປະຊຸມ​ຂົນສົ່ງ​ແບບ​ຍືນ​ຍົງ ​ແລະ ​ເປັນ​ມິດຕໍ່ສິ່ງ​ແວ​ດລ້ອມຄັ້ງທີ 11 ​ແມ່ນຈະ​ຈັດ​ຂຶ້ນ​ຢູ່ປະ​ເທດມົງ​ໂກນ​ລີ​​ໃນ​ປີ​ຕໍ່​ໄປ.

error: Content is protected !!