Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ

checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ - 555 22 - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ
checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ - AGL banner - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ

ຫລັງຈາກຝຶກແອບໄດຣກັອຟກັນມາແລ້ວຈັກໄລຍະໜຶ່ງສຳລັບມືໃໝ່ ກໍເຖິງເວລາຕ້ອງກຽມໂຕອອກຮອບໂຊວົງສະວິງໃຫ້ບັນດາໝູ່ເພື່ອນໃນກຸ່ມໄດ້ຕະລຶງກັນແດ່, ແຕ່ອາດຈະມີຄວາມກັງວົນແດ່ວ່າຈະຕ້ອງກຽມຫຍັງໄປແດ່ ເພື່ອບໍ່ໃຫ້ຂາຍໜ້າ ແລະ ອອກຮອບກັບໝູ່ໄດ້ຢ່າງສະບາຍໃຈ ກັບ Checklist 5 ຂໍ້ ກ່ອນໄປອອກຮອບທີ່ຕ້ອງກຽມ ຮັບຮອງວ່າຊ່ວຍໃຫ້ທ່ານເບິ່ງເປັນມືໂປຣແນ່ນອນ.

  1. ຊຸດຮັກພ້ອມລຸຍ : ຄວນເປັນເສື້ອທີ່ມີຄໍປົກ ຈະແຂນສັ້ນ ຫລື ແຂນຍາວກໍໄດ້, ຂະໜາດບໍ່ຄັບຈົນເກີນໄປ, ສາມາດເຄື່ອນໄຫວໄດ້ຢ່າງອິດສະຫລະ, ລັກສະນະເນື້ອຜ້າແບບເຢັນ ແລະ ແຫ້ງໄວ ເພາະການຢູ່ກາງແຈ້ງເຮັດໃຫ້ເຫື່ອອອກຕະຫລອດເວລາ ຍິ່ງຖ້າເນື້ອຜ້າເຄືອບດ້ວຍນະວັດຕະກຳປ້ອງກັນລັງສີຢູວີຈະດີຫລາຍ. ສ່ວນໂສ້ງຄວນເປັນຊົງສຸພາບ ຈະຂາສັ້ນ ຫລື ຂາຍາວກໍໄດ້ ຍົກເວັ້ນໂສ້ງຍີນ ແລະ ຫ້າມລືມໃສ່ສາວແອວເປັນເດັດຂາດ.
  2. ເກີບຄູ່ໃຈ :ໃນການອອກຮອບກັອຟ ຖ້າໃສ່ເກີບປະເພດອື່ນໆຈະເຮັດໃຫ້ເກີດບັນຫາບໍ່ຕິດພື້ນຫຍ້າ ແລະ ອາດມີບັນຫາກັບການວົງສະວິງໄດ້ ໂດຍເກີບທີ່ເໝາະສົມສຳລັບການຫລິ້ນກັອຟ ມີປຸ່ມ Soft Spikeຍຶດຕິດພື້ນຫຍ້າໄດ້ໝັ້ນຄົງ, ມີນຳ້ໜັກເບົາ, ດ້ານໃນເກີບພໍດີກັບສົ້ນຕີນ. ພາກສ່ວນປາຍເກີບມີຄວາມຫລົມໜ້ອຍໜຶ່ງ ເພາະເມື່ອເວລາໃສ່ແທ້ການຍ່າງຈະເຮັດໃຫ້ຕີນຂະຫຍາຍຂຶ້ນ ຫາກດ້ານໜ້າເກີບພໍດີເກີນໄປອາດເຮັດໃຫ້ເຈັບປາຍຕີນໄດ້.
  3. ອຸປະກອນສູ້ແດດ : ແດດທີ່ເຜົາໄໝ້ເປັນສິ່ງທີ່ຕ້ອງພົບແນ່ນອນເມື່ອອອກຈາກເຮືອນ ດັ່ງນັ້ນ ການອອກຮອບຕີກັອຟຈະໄດ້ພົບກັບແດດກ້າໆແນ່ນອນ ບໍ່ພຽງແຕ່ຈະເຮັດໃຫ້ຜິວໝອງຄຳ້ລົງເທົ່ານັ້ນ ການຕາກແດດສະສົມອາດກໍ່ໃຫ້ເກີດພະຍາດມະເຮັງຜິວໜັງໄດ້. ດັ່ງນັ້ນ ການທາຄຣີມກັນແດດເປັນສິ່ງສຳຄັນ ໂດຍຄ່າ SPFທີ່ເໝາະສົມສຳລັບບ້ານເຮົາແມ່ນ SPF 50 PA+++ແລະ ຄວນທາຊຳ້ທຸກ 2 ຊົ່ວໂມງ ເພື່ອໃຫ້ຄຣີມກັນແດດເຮັດວຽກໄດ້ຢ່າງມີປະສິດທິພາບ ແລະ ແດດຍັງສົ່ງຜົນກະທົບຕໍ່ດວງຕາ ເຮັດໃຫ້ດວງຕາເມື່ອຍລ້ານຳອີກ. ດັ່ງນັ້ນ, ແວ່ນກັນແດດແມ່ນສິ່ງທີ່ຂາດບໍ່ໄດ້ ຄວນເລືອກແວ່ນຕາທີ່ສາມາດປ້ອງກັນລັງສີ UVBໄດ້ 95 – 100% ແລະ UBAໄດ້ 60% ທັງຍັງຊ່ວຍປ້ອງກັນຂີ້ຝຸ່ນນຳອີກ.
  4. ອຸປະກອນຄົບພ້ອມຕີ : ສິ່ງທີ່ຂາດບໍ່ໄດ້ໃນການອອກຮອບແມ່ນອຸປະກອນຕ່າງໆ ອັນດັບທຳອິດທີ່ຈະຕ້ອງຈັບແມ່ນຊຸດເຫລັກ ໄດຣເວີ ຫລື ກ້ານໄມ້ກັອຟຄູ່ໃຈ ພ້ອມກັບກຽມລູກກັອຟໄປນຳ ປະມານ 10 – 20 ລູກ, ແຕ່ວ່າຫາກບໍ່ໄດ້ກຽມມາ ກໍບໍ່ຕ້ອງກັງວົນ ສາມາດຫາຊື້ໄດ້ຢູ່ສະໜາມກັອຟ. ອີກສິ່ງໜຶ່ງທີ່ຈຳເປັນຫລາຍໃນການຕີກັອຟກໍແມ່ນຖົງມື ໂດຍມີທັງແບບໜັງແທ້, ໜັງທຽມ, ຜ້າ, ຢາງ ແລະ ວັດສະດຸປະສົມປະສານ ເຊິ່ງມີຄວາມທົນທານແຕກຕ່າງກັນ, ແຕ່ໂປຣກັອຟມັກຈະເລືອກໃຊ້ຖົງມືທີ່ເຮັດຈາກໜັງແທ້ ເພາະໃຫ້ຄວາມຮູ້ສຶກກະຊັບ ແລະ ຄວບຄຸມໄມ້ກັອຟໄດ້ດີກ່ວາ ເມື່ອໃຊ້ແລ້ວເອົາມາຖອດຜື່ງແດດເພື່ອຍືດອາຍຸການໃຊ້ງານຂອງຖົງມືໃຫ້ດົນຂຶ້ນ.
  5. ກາຍພ້ອມ ໃຈພ້ອມ : ກ່ອນທຣິບອອກຮອບຕີກັອຟ ຄວນພັກຜ່ອນໃຫ້ພຽງພໍເພື່ອໃຫ້ຮ່າງກາຍພ້ອມສຳລັບການອອກຮອບ ໂດຍຕ້ອງບໍ່ມີອາການເຈັບ ຫລື ປວດເມື່ອຍ ຫາກມີອາການເຈັບຢູ່ກ່ອນແລ້ວ ການອອກຮອບອາດຈະເຮັດໃຫ້ເກີດຜົນກະທົບຕໍ່ຮ່າງກາຍໄດ້ ແລະ ຄວນມາເຖິງສະໜາມກ່ອນເວລາເພື່ອຍືດເສັ້ນຍືດເອັນລອງໄດຣກັອຟຢູ່ສະໜາມ ເປັນການກຽມຄວາມພ້ອມ ແລະ ຝຶກສີມືໃຫ້ພ້ອມອອກຮອບ. ສຳລັບບັນດານັກກັອຟມືໃໝ່ທີ່ຫາກໍອອກຮອບ ຢ່າລືມຄວາມໝັ້ນໃຈໄປນຳ ບໍ່ຕ້ອງກັງວົນເລື່ອງຜົນຄະແນນ ຂໍໃຫ້ປ່ອຍໂຕປ່ອຍໃຈ ແລະ ມ່ວນຊື່ນໄປກັບເກມ.

 

checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ - Wave100S AD to Website 2020 0 - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ
checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ - lattana banner - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ
checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ -    AD conten website - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ
checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ - lattana banner 1 - Checklist 5 ຂໍ້ ທີ່ນັກກັອຟຂາດບໍ່ໄດ້ກ່ອນອອກຮອບ
error: Alert: ເນື້ອຫາຂ່າວມີລິຂະສິດ !!