ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !

ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! - Time fo an Adventure 2020 08 15T165130 - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !
ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! - AGL banner - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !

ເວົ້າເລື່ອງຄື່ນທີສອງຂອງໂຄວິດ-19 ມີຫຼາຍຄົນຍັງງົງກັນຢູ່ວ່າມັນແມ່ນ ແນວໃດກັນແທ້ຈຶ່ງເອີ້ນວ່າຄື່ນທີສອງ?
ລາວເຮົານັບແຕ່ວັນທີ 23 ກໍລະກົດມານີ້ໄດ້ ພົບເຫັນຜູ້ຕິດເຊື້ອໂຄວິດ-19 ລາຍໃໝ່ເພີ່ມເຕີມ ຕື່ມອີກ 3 ຄົນ ພາຍຫຼັງເວັ້ນວັກມາເປັນເວລາ 102 ວັນ, ນັບແຕ່ວັນທີ່ມີຜູ້ຕິດເຊື້ອຄົນສຸດທ້າຍເມື່ອວັນທີ 12 ເມສາເປັນຕົ້ນມາ, ຈຶ່ງມາພົບຜູ້ຕິດເຊື້ອລາຍໃໝ່ເມື່ອວັນທີ 23 ກໍລະກົດ 1 ລາຍ, ກໍລະນີທີ 20 ເປັນຄົນເກົາຫຼີໃຕ້ເພດຊາຍເຂົ້າມາລາວ ແລະ ວັນທີ 14 ສິງຫາ ພົບເຫັນອີກ 2 ຄົນ ຊຶ່ງເປັນຄົນລາວມາຈາກຕ່າງປະເທດ: ຜູ້ຊາຍມາຈາກໃຕ້ຫວັນ ແລະ ຜູ້ຍິງແມ່ນນັກສຶກສາລາວມາຈາກສະຫະລັດອາເມລິກາ. ກໍລະນີມີຜູ້ຕິດເຊື້ອທີ່ມາແຕ່ຕ່າງປະເທດຄືແນວນີ້ບໍ່ເອີ້ນວ່າຄື່ນທີສອງ ເພາະບໍ່ໄດ້ເກີດຂຶ້ນຢູ່ພາຍໃນປະເທດເອງ ຫຼື ຈາກຊຸມຊົນຂອງຄົນລາວດ້ວຍກັນເອງ.
ຄື່ນທີສອງກໍຄືການຕິດເຊື້ອໃສ່ກັນຈາກພາຍໃນດ້ວຍກັນເອງ, ໝາຍຄວາມວ່າຄົນພາຍໃນຕິດເຊື້ອໃສ່ກັນເອງເປັນວົງກວ້າງ ເໝືອນກັບວ່າກັບຄືນມາລະບາດໃໝ່ອີກຄັ້ງຈຶ່ງເອີ້ນວ່າຄື່ນທີສອງ.
ກໍລະນີທີ່ພົບເຫັນທີ່ມາຈາກຕ່າງປະເທດຄື 3 ກໍລະນີທີ່ເວົ້າມານັ້ນ ບໍ່ແມ່ນຄື່ນທີສອງ.
ດັ່ງນັ້ນ, ຈຶ່ງຢ່າເຂົ້າໃຈຜິດ ແລະ ແຕກຕື່ນຢ້ານກົວເກີນໄປວ່າເປັນຄື່ນທີສອງໂຄວິດ-19 ເກີດຂຶ້ນຢູ່ລາວແລ້ວ.
ທັນທີທີ່ພົບເຫັນຜູ້ຕິດເຊື້ອເຂົ້າມາລາວ, ທາງການກໍໄດ້ກັກກັນໄວ້ທັນທີບໍ່ທັນໄດ້ໃຫ້ເຄື່ອນໄຫວໄປມາທາງໃດ ຈຶ່ງບໍ່ມີຄວາມສ່ຽງຕິດຕໍ່ເຊື້ອໃສ່ກັນ. ສ່ວນຜູ້ທີ່ມານຳຜູ້ຕິດເຊື້ອໃນເຮືອບິນລຳດຽວກັນ ຫຼື ລົດຄັນດຽວກັນນັ້ນ ຫຼື ພາຫະນະໃດກໍແລ້ວແຕ່ລ້ວນແຕ່ຖືກກັກຕົວເປັນເວລາ 14 ວັນທັງໝົດ ແລະ ມີການກວດກາຫາເຊື້ອຢ່າງລະອຽດຕັ້ງຫຼາຍຄັ້ງກ່ອນທີ່ຈະປ່ອຍໃຫ້ອອກໄປ.
ດັ່ງນັ້ນ, ຈຶ່ງບໍ່ໃຫ້ເຂົ້າໃຈຜິດ, ແຕກຕື່ນ ແລະ ຢ້ານກົວເກີນກວ່າເຫດ. ແຕ່ເຖິງຢ່າງໃດກໍດີ ຢ່າໄດ້ປະໝາດ ແລະ ເຜີຕົວ, ຢ່າໄດ້ໃຫ້ກາດຕົກ ຖ້າບໍ່ຢາກໃກ້ເກີດຄື່ນທີສອງເກີດຂຶ້ນຢູ່ລາວ. ຖ້າຫາກຄື່ນທີສອງເກີດຂຶ້ນ ລາວເຮົາອາດຈະຮັບມືບໍ່ໄຫວ ເພາະລາວເຮົາຍັງຂາດປັດໄຈຫຼາຍສິ່ງຫຼາຍຢ່າງ ໂດຍສະເພາະແມ່ນອຸປະກອຮ, ເຄື່ອງມືທາງການແພດຍັງຂາດເຂີນ, ໂຮງໝໍຮອງຮັບຄົນເຈັບບໍ່ພຽງ, ຢຸກຢາທານັງຜະລິດເອງບໍ່ທັຮໄດ້…ດັ່ງນັ້ນຈຶ່ງຮຽກຮ້ອງປະຊາຊົນລາວທັງຊາດຈົ່ງພ້ອມໃຈກັນເປັນໜຶ່ງດຽວເພື່ອສະກັດກັ້ນໂຄວິດ-19 ໃຫ້ໄດ້. ອັນນັ້ນບໍ່ຕ່າງຫຍັງກັບເຮັດເສິກສົງຄາມຕ້ານພວກຮຸກຮານໃນສະໄໝກ່ອນ ທີ່ປະຊາຊົນລາວຕີເອົາຊະນະມາແລ້ວ.
ໂດຍ: ລູກເມືອງພວນ.

ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! - Wave100S AD to Website 2020 0 - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !
ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! -    AD conten website - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !
ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! - lattana banner - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !
ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ ! - lattana banner 1 - ຄື່ນທີສອງໂຄວິດ-19 ແມ່ນແນວໃດ? ຫຼາຍຄົນຍັງງົງ !
error: Alert: ເນື້ອຫາຂ່າວມີລິຂະສິດ !!