ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ ແລະ ແຫລ່ງສຶກສາຮຽນຮູ້ທາງທຳມະຊາດ

ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ - Time fo an Adventure 2020 08 15T180339 - ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ
ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ - Untitled design - ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ

ໃນວັນທີ 14 ສິງຫາ 2020 ທີ່ ນະຄອນຫລວງວຽງຈັນ, ອົງການ ເອ ເອຟຊີ ຮ່ວມກັບ ອົງການກອງທຶນອະນຸຮັກທຳມະຊາດໂລກ ປະຈຳ ສປປ ລາວ ໄດ້ຈັດກອງປະຊຸມສະເໜີແຜນຈັດຕັ້ງປະຕິບັດ ກິດຈະກຳຄຸ້ມຄອງຮ່ວມໜອງຄຳແສນ ເມືອງຫາດຊາຍຟອງ ນະຄອນຫລວງວຽງຈັນ, ໂດຍມີຈຸດປະສົງ ເພື່ອນຳສະເໜີແຜນກິດຈະກຳ ໃນການສ້າງຕັ້ງຄະນະກຳມະການຄຸ້ມຄອງຮ່ວມໜອງຄຳແສນຂັ້ນບ້ານ ພ້ອມປຶກສາຫາລື ແລະ ປະກອບຄຳເຫັນໃສ່ແຜນກິດຈະກຳດັ່ງກ່າວ, ເຊິ່ງກວມເອົາ 1.800 ກວ່າຄອບຄົວ ໃນ 6 ບ້ານເປົ້າໝາຍຂອງໂຄງການ ຄື: ສີຖານໃຕ້, ໂຄກຊາຍ, ຊາຍຟອງໃຕ້, ຊາຍຟອງເໜືອ, ທ່າແຂກ ແລະ ບ້ານຖິ່ນເພຍ.

ທ່ານ ຄຳແກ່ນ ດວງພະຈັນ ຮອງເຈົ້າເມືອງຫາດຊາຍຟອງ ກ່າວວ່າ: ໜອງຄຳແສນ ເປັນເຂດດິນບໍລິເວນນໍ້າ (ດິນທາມ) ທີ່ມີມາຕາມປະຫວັດສາດອັນຍາວນານ, ມີສັດນໍ້າ ແລະ ສັດບົກ ອາໄສຢູ່ຢ່າງຫລວງຫລາຍ, ໜອງຄຳແສນ ຕັ້ງຢູ່ທາງທິດຕາເວັນຕົກສ່ຽງໃຕ້ຂອງນະຄອນຫລວງວຽງຈັນ ປະມານ 20 ກິໂລແມັດ ຕັ້ງຂະໜານກັບແມ່ນໍ້າຂອງ, ມີໄລຍະຫ່າງ 500 ແມັດ ນັບຈາກປະຕູລະບາຍນໍ້າໜອງ ລົງຮອດແມ່ນ້ຳຂອງ. ມາຮອດປັດຈຸບັນ, ເນື້ອທີ່ຂອງໜອງຄຳແສນ ຍັງຄົງເຫລືອປະມານ 86 ເຮັກຕາ ແລະ ຕົກລະດູແລ້ງ ຮູບຮ່າງຂອງໜອງແມ່ນຄ້າຍຄືກັບຮູບຕົວ U, ເມື່ອຕົກມາຮອດລະດູຝົນ ປະມານທ້າຍເດືອນພຶດສະພາ ຫາ ກາງເດືອນຕຸລາ ຂອງທຸກໆປີ ນໍ້າກໍຈະເຕັມໜອງ ແລະ ຈະຂະຫຍາຍເນື້ອທີ່ເຂດດິນບໍລິເວນນໍ້າກ້ວາງອອກ (ເຂດດິນທາມ), ໃນແຕ່ລະປີເມື່ອຕົກລະດູແລ້ງ ສາມາດສັງເກດເຫັນວ່າ ໜອງແບ່ງອອກເປັນສອງໜອງ. ອີງໃສ່ຂໍ້ມູນທີ່ເກັບກຳໄດ້ຍັງພົບວ່າ ມີຄົນຈຳນວນໜຶ່ງ ໄດ້ລົງຊອກຢູ່ຫາກິນ, ເກັບຜັກ ແລະ ຫາປາ ຢູ່ໃນຂົງເຂດດັ່ງກ່າວເພື່ອຫາລ້ຽງຊີບ. ໃນໄລຍະຜ່ານມາໄດ້ມີບາງບ້ານ ໄດ້ທຳພິທີບວດປ່າ, ໂຜດສັດ ແລະ ປ່ອຍປາ ເພື່ອເປັນການອະນຸລັກສັດນໍ້າ ແລະ ສັດປ່າ, ພ້ອມແນໃສ່ປົກປັກຮັກ ສາຊີວະນາໆພັນ ຢູ່ໃນຂົງເຂດດິນບໍລິເວນນໍ້າໜອງຄຳແສນ.

ທ່ານ ຄຳແກ່ນ ດວງພະຈັນ ກ່າວຕື່ມວ່າ: ໂຄງການຄຸ້ມຄອງຮ່ວມໜອງຄໍາແສນ ກໍເພື່ອແນໃສ່ການຄຸ້ມຄອງ ແລະ ປົກປັກຮັກສາຄວາມຫລາກຫລາຍທາງດ້ານຊີວະນາໆພັນ, ພ້ອມທັງປົກປັກຮັກສານົກ ທໍາມະຊາດນາໆຊະນິດທີ່ມີຢູ່ໃນເຂດສະຫງວນຂອງໜອງຄຳແສນ ໃຫ້ມີສີຂຽວ, ມີຄວາມຍືນຍົງຕະຫລອດ ໄປ. ພ້ອມນີ້ໃນອະນາຄົດອາດຈະສ້າງເຂດດັ່ງກ່າວ, ເປັນຕົວແບບຂອງແຫລ່ງທ່ອງທ່ຽວ ແລະ ແຫລ່ງສຶກສາຮຽນຮູ້ທາງທໍາມະຊາດຕື່ມອີກ.

ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ - Wave100S AD to Website 2020 0 - ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ
ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ - WhatsApp Image 2020 05 27 at 5 - ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ
ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ - WhatsApp Image 2020 05 27 at 5 - ຈະສ້າງໜອງຄຳແສນ ເປັນຕົວແບບຂອງແຫລ່ງທ່ອງທ່ຽວ  ແລະ ແຫລ່ງສຶກສາຮຽນຮູ້ທາງທຳມະຊາດ
error: Alert: ເນື້ອຫາຂ່າວມີລິຂະສິດ !!