ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່

ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່ - Time fo an Adventure 2020 08 17T103623 - ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່
ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່ - Untitled design - ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່

ຂ່າວຈາກ Bloomberg ມື້ວັນທີ 16 ສິງຫານີ້ ໃຫ້ຮູ້ວ່າ: ວັນທີ 14 ສິງຫາ ຜູ້ນຳເກົາຫຼີເໜືອ ຄີມຈອງອູນ ໄດ້ແຕ່ງຕັ້ງທ່ານ Kim Tok Hun ຂຶ້ນເປັນນາຍົກລັດຖະມົນຕີປ່ຽນແທນທ່ານ Kim Jae Ryong, ຊຶ່ງຫາກໍຖືກແຕ່ງຕັ້ງໃຫ້ເປັນນຍົກໄດ້ພຽງ 1 ປີກ່ອນໜ້ານີ້.
ສຳນັກຂ່າວສານສູນກາງຂອງເກົາຫຼີເໜືອ(KCNA) ກໍຍອມຮັບວ່າ ທ່ານ Kim Jae Ryon ໄດ້ຖືກແຕ່ງຕັ້ງໃຫ້ເປັນນາຍົກແທ້.
ທ່ານ Kim Tok Hun ເກີດເມື່ອປີ 1962 , ເປັນພະນັກງານລະດັບສູງຮັບຜິດຊອບຄະນະກຳມາທິການງົບປະມານຂອງສະພາ.
ໃນຂະນະນີ້ເກົາຫຼີເໜືອກຳລັງປະເຊີນກັບໄພນໍ້າຖ້ວມຢ່າງຮ້າຍແຮງ, ອັນໄດ້ເຮັດໃຫ້ເສດຖະກິດຂອງເກົາຫຼີເໜືອທີ່ມີຄວາມຫຍຸ້ງຍາກຢູ່ແລ້ວນັ້ນຍິ່ງມີຄວາມຫຍຸ້ງຍາກເຂົ້າຕື່ມ. ໄພພິບັດນໍ້າຖ້ວມໄດ້ເລີ່ມຕົ້ນຂົ່ມຂູ່ເກົາຫຼີເໜືອແຕ່ຕົ້ນເດືອນ 8 ເປັນຕົ້ນມາ.
ທ່ານ Choi Kang ຮອງປະທານສະຖາບັນຄົ້ນຄວ້ານະໂຍບາຍ Asan ຢູ່ກຸງໂຊນ ຂອງເກົາຫຼີໃຕ້ເວົ້າກ່ຽວກັບການປ່ຽແປງນາຍົກຂອງເກົາຫຼີເໜືອ ວ່າ: “ເສດຖະກິດຂອງເກົາຫຼີເໜືອປັດຈຸບັນກຳລັງປະເຊີນໜ້າກັບສິ່ງທ້າທາຍຢ່າງຮ້າຍແຮງ ແລະ ຕ້ອງມີຜູ້ໜຶ່ງຮັບຜິດຊອບດ້ານການເມືອງ ”
ສຳນັກຂ່າວສານ KCNA ອ້າງຄຳເວົ້າຂອງຜູ້ນຳເກົາຫຼີເໜືອທີ່ເວົ້າໃນຂະນະແະຊຸມກົມການເມືອງນັ້ນວ່າ: ໄພພິບັດນໍ້າຖ້ວມໄດ້ສ້າງຄວາມເສຍຫາຍຢ່າງໜັກໜ່ວງໃຫ້ເກົາຫຼີເໜືອກໍຕາມ ແຕ່ຈະບໍ່ຮັບເອົາການຊ່ວຍເຫຼືອຈາກຕ່າງປະເທດ ເພາະຢ້ານຕິດເຊືອໄວຣັດໂຄວິດ-19. ມາເຖິງຂະຂະນີ້ເກົາຫຼີເໜືອຍັງຢືນຢັນວ່າບໍ່ທັນມີຜູ້ຕິດເຊືອໃດໆ.
ໃນເດືອນກ່ອນໜ້ານັ້ນ, ເກົາຫຼີເໜືອໄດ້ປິດປະຕູເມືອງແກຊອງ ເມື່ອມີຜູ້ຊາຍຄົນໜຶ່ງຈາກເກົາຫຼີໃຕ້ລັກລອບເຂົ້າມາເກົາຫຼີເໜືອ ແລະ ດຽວນີ້ທ່ານຄີມຈອງອູນໄດ້ຍົກເລີກການປິດປະຕູເມືອງດັ່ງກ່າວແລ້ວ ແບະ ທັວໄດ້ສັ່ງໃຫ້ມີວິທີການຊ່ວຍເຫຼືອໃຫ້ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ.
ຂ່າວ: ລູກເມືອງພວນ

ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່ - Wave100S AD to Website 2020 0 - ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່
ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່ - WhatsApp Image 2020 05 27 at 5 - ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່
ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່ - WhatsApp Image 2020 05 27 at 5 - ເກົາຫຼີເໜືອ ແຕ່ງຕັ້ງນາຍົກລັດຖະມົນຕີຄົນໃໝ່
error: Alert: ເນື້ອຫາຂ່າວມີລິຂະສິດ !!