4 ເລື່ອງຊ່ວຍບໍລິຫານສະໝອງ

- advert banner 728 90 728x90 - 4 ເລື່ອງຊ່ວຍບໍລິຫານສະໝອງ

ເຊື່ອຫລືບໍ່ວ່າການບໍລິຫານສະໝອງນັ້ນສາມາດເຮັດໄດ້ຕະຫລອດເວລາດ້ວຍກິດຈະວັດທີ່ເຮົາເຮັດໃນຊີວິດປະຈຳວັນ ເຊິ່ງການບໍລິຫານສະໝອງຈະຊ່ວຍໃຫ້ເຮົາມີຄວາມຈື່ຈຳທີ່ດີຂຶ້ນ.

- new3 - 4 ເລື່ອງຊ່ວຍບໍລິຫານສະໝອງ
  1. ຍິ້ມຫົວມື້ລະໜ້ອຍ : ວຽກງານວິໄຈຈາກມະຫາວິທະຍາໄລ ໂລມາລິນດາ ສະຫະລັດອາເມລິກາ ພົບວ່າ : ການຍິ້ມຫົວພຽງແຕ່ມື້ລະ 20 ນາທີ ສົ່ງຜົນໃຫ້ຄວາມຈື່ຈຳໃນໄລຍະສັ້ນດີຂຶ້ນ, ລະດັບຮໍໂມນຄໍຕິໂຊນ (Cortisol) ຫລັ່ງໜ້ອຍລົງ ແລະ ຄວາມດັນເລືອດຫລຸດລົງນຳ, ທ່ານໃດມັກເບິ່ງຕະຫລົກ ຫລື ຫາຫຍັງຕະຫລົກໆມາອ່ານເພື່ອສ້າງສຽງຫົວ ນອກຈາກອາລົມດີແລ້ວຍັງຊ່ວຍໃນເລື່ອງຄວາມຈື່ຈຳນຳອີກ.
  2. ນອນຫລັບໃຫ້ແຈບ : ນັກວິໄຈຈາກມະຫາວິທະຍາໄລ ນິວຢອກ ສະຫະລັດອາເມລິກາ ພົບວ່າ ການນອນຫລັບຈະເຮັດໃຫ້ແຊນສະໝອງເກີດການເຊື່ອມຕໍ່ເຖິງກັນ ໂດຍສະເພາະໃນເວລາຫລັບເລິກຫລັບແຈບທີ່ແຊນສະໝອງຈະສາມາດຈື່ຈຳ ແລະ ເກັບຄວາມຊົງຈຳໄວ້ໄດ້.
  3. ຂຽນດ້ວຍມືແທນການພິມ : ນັກຈິດຕະວິທະຍາຈາກມະຫາວິທະຍາໄລກາລິຟໍເນຍແຫ່ງ ລອສ ແອງເຈີລິສ ສະຫະລັດອາເມລິກາ ພົບວ່າ : ກຸ່ມນັກສຶກສາທີ່ໃຊ້ບິກຈົດບັນທຶກມີຄວາມສາມາດໃນການຈື່ຈຳເນື້ອໃນໄດ້ຫລາຍກ່ວາກຸ່ມທີ່ບັນທຶກໂດຍການພິມໃນຄອມພິວເຕີແບບພົກພາ.
  4. ການນັ່ງ ແລະ ຢືນ : ດຣ.ອິຣິກ ເປເປີ ມະຫາວິທະຍາໄລ ຊານຟຣານຊິສໂກ ສະຫະລັດອາເມລິກາ ກ່າວວ່າ : ການນັ່ງ ແລະ ຢືນດ້ວຍທ່າທາງທີ່ຖືກຕ້ອງນັ້ນ ຊ່ວຍໃຫ້ສະໝອງຈື່ຈຳເລື່ອງລາວຕ່າງໆໄດ້ດີ ຍ້ອນເລືອດສາມາດເອົາອົກຊີແຊນໄປລ້ຽງສະໝອງໄດ້ຫລາຍເຖິງ 40%.

ການໝັ່ນບໍລິຫານສະໝອງດ້ວຍ 4 ວິທີນີ້ເປັນປະຈຳ ຈະຊ່ວຍພັດທະນາສະໝອງ, ຊ່ວຍຄວາມຄວາມຈື່ຈຳດີຂຶ້ນ ແລະ ຍັງປ້ອງກັນພະຍາດອັລໄຊເມີ ຫລື ສະໝອງເສື່ອມໄດ້ນຳອີກ.

- lattana 1 - 4 ເລື່ອງຊ່ວຍບໍລິຫານສະໝອງ
error: Content is protected !!