ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ

ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ - 174 - ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ
ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ - Untitled design - ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ

ໃນວັນທີ 14 ສິງຫານີ້, ສູນກາງຊາວໜຸ່ມປະຊາຊົນ ປະຕິວັດລາວ ໄດ້ຈັດກິດຈະ​ກຳສະ​ເຫລີ​ມສະຫລອງວັນ​ໄວ​ໜຸ່ມ​ສາກົນ (12 ສິງຫາ 1998 – 12 ສິງຫາ 2020) ຢູ່ນະຄອນຫລວງວຽງຈັນ, ພາຍໃຕ້ຫົວຂໍ້ “ພັນທະຂອງຊາວໜຸ່ມຕໍ່ການພັດທະນາປະເທດຊາດ ກັບການເຊື່ອມໂຍງສາກົນ”, ໂດຍມີທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ທ່ານ ນາງ ມາຣຽມ ຄານ ຜູ້ຕາງໜ້າອົງການສະຫະ​ປະຊາ​ຊາດ​ກອງ​ທຶນ​ເພື່ອ​ປະຊາກອນ (UNFPA) ປະຈຳ ສປປ ລາວ ເຂົ້າຮ່ວມ.

​ການສະ​ເຫລີ​ມສະຫລອງ​ໄດ້​ດຳ​ເນີນ​ໄປ​ດ້ວຍ​ຫລາກ​ຫລາຍ​ກິດຈະກຳທີ່​ໜ້າ​ສົນ​ໃຈ ​ເປັນ​ຕົ້ນການສະ​ແດງ​ສິລະ​ປະ​ວັນນະຄະດີ (ຟ້ອນ, ​ເຕັ້ນ, ຮ້ອງ​ເພງ), ຈັດ​ເວທີ​ສົນທະນາ, ​ເວທີສະ​ແດງ​ຄວາມ​ເຫັນຂອງ​ຊາວ​ໜຸ່ມ​, ​ເວທີ​ແລກ​ປ່ຽນ​ບົດຮຽນ, ປະສົບ​ການ​ໃນ​ການ​ເຮັດ​ວຽກຂອງ​ຊາວ​ໜຸ່ມລາວ ​ແລະ ອື່ນໆ.

​​ໂອກາດ​ດັ່ງກ່າວ, ທ່ານ ອາລຸນໄຊ ສູນນະລາດ ​ໄດ້​ມີ​ຄຳ​ເຫັນ​ວ່າ: ​ວັນ​ໄວ​ໜຸ່ມ​ສາກົນເປັນ​ວັນ​ທີ່​ມີ​ຄວາມ​ໝາຍ​ສຳຄັນ ​ເພາະ​ມັນ​ເປັນ​ເວທີ​ໃຫ້​ແກ່​ຊາວ​ໜຸ່ມ​ໄດ້​ສະ​ແດງ​ຄວາມ​ຄິດ​ເຫັນ​ຂອງ​ຕົນ​ເອງ, ​ເປັນ​ເວທີ​ໃນ​ການສະ​ແດງ​ຄວາມ​ຮູ້, ຄວາມ​ສາມາດ ​ເປັນ​ບ່ອນ​ພົບ​ປະ​ແລກປ່ຽນ​ເຊິ່ງ​ກັນ ​ແລະ ກັນອີກ​ດ້ວຍ ​ແລະ ເພື່ອຮັບປະກັນໃຫ້ແກ່ການປົກປ້ອງສິດ ແລະ ຜົນປະໂຫຍດຂອງຊາວໜຸ່ມ-ໄວໜຸ່ມນັບມື້ມີ​ປະສິດທິຜົນສູງນັ້ນ ສູນ​ກາງ​ຊາວ​ໜຸ່ມຈຶ່ງໄດ້ສະ​ເໜີສ້າງສະຫະພັນຊາວໜຸ່ມຂຶ້ນ ​ໂດຍ​ໄດ້​ຮັບ​ການ​ອະນຸມັດ​ເປັນ​ທີ່​ຮຽບຮ້ອຍ ແລະ ສ້າງນະໂຍບາຍແຫ່ງຊາດກ່ຽວກັບຊາວໜຸ່ມ-ເຍົາວະຊົນ ລໍຖ້າ​ການ​ພິຈາລະນາ​ຮັບຮອງ ແລະ ວາງວິໄສທັດການພັດທະນາຊາວໜຸ່ມ-ເຍົາວະຊົນ ແຕ່ນີ້ຮອດປີ 2040 ຢ່າງຊັດເຈນ ໃນການນໍາພາຊາວໜຸ່ມ-ໄວໜຸ່ມ.

ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ - Wave100S AD to Website 2020 0 - ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ

ປັດຈຸບັນທົ່ວ​ໂລກມີຊາວໜຸ່ມ 1,2 ພັນລ້ານຄົນ ໃນເກນອາຍຸ 15-24 ປີ ກວມເອົາ 16% ຂອງປະຊາກອນໂລກ, ຄາດວ່າຮອດປີ 2030 ຈຳນວນຊາວໜຸ່ມຈະເພີ່ມຂຶ້ນ 7%. ສຳລັບ ສປປ ລາວ ປັດຈຸບັນ ມີຊາວໜຸ່ມ-ໄວໜຸ່ມ ໃນເກນອາຍຸ 15-35 ປີ ກວມເອົາ 62% ຂອງປະຊາກອນລາວ ເຊິ່ງເປັນກໍາລັງຕົ້ນຕໍໃນການສ້າງສາພັດທະນາປະເທດຊາດ.

ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ - WhatsApp Image 2020 05 27 at 5 - ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ
ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ - WhatsApp Image 2020 05 27 at 5 - ສູນກາງຊາວໜຸ່ມປະຊາຊົນປະຕິວັດລາວ ສະຫລອງວັນໄວໜຸ່ມສາກົນ
error: Alert: ເນື້ອຫາຂ່າວມີລິຂະສິດ !!