6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ

6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ - 555 29 - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ
6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ - AGL banner - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ

ຫລັງຈາກທີ່ທ່ານໄດ້ໄປພົບ, ໄດ້ລອງໂອ້ລົມ ສ້າງຄວາມຮູ້ຈັກເຊິ່ງກັນ ແລະ ກັນ ແລ້ວທ່ານມີຄວາມຮູ້ສຶກທີ່ດີຕໍ່ເຂົາແລ້ວ ມັນກໍຄົງບໍ່ແມ່ນເລື່ອງງ່າຍທີ່ຈະບອກວ່າທ່ານນັ້ນຕົກຫລຸມຮັກ ຫລື ພຽງແຕ່ມັກເຂົາຄົນນັ້ນແມ່ນບໍ່ ? ມື້ນີ້ລອງມາເບິ່ງ 6 ສັນຍານຕໍ່ໄປນີ້ທີ່ຈະບອກໄດ້ວ່າທ່ານກຳລັງຕົກຫລຸມຮັກເຂົາແລ້ວ.

  • ທ່ານຍິ້ມໄດ້ໂດຍບໍ່ມີສາເຫດ : ຢູ່ດີໆທ່ານກໍຍີ້ມອອກມາໄດ້ ປຽບດັ່ງວ່າຄົນໆນີ້ແມ່ນໂລກຂອງທ່ານ, ທ່ານສາມາດຍິ້ມໄດ້ພຽງແຕ່ໄດ້ຍິນສຽງຂອງເຂົາ, ບໍ່ວ່າທ່ານຈະນັ່ງຢູ່ຄົນດຽວ ຫລື ກຳລັງຢູ່ຮ່ວມກຸ່ມກັບໃຜກໍຕາມ ຈະບໍ່ມີຫຍັງສາມາດເຂົ້າມາທຳລາຍຄວາມຮູ້ສຶກຂອງທ່ານໄດ້ເລີຍ ແລະ ເຖິງວ່າທ່ານຈະພະຍາຍາມຫຸບຍິ້ມເທົ່າໃດ ທ່ານກໍບໍ່ສາມາດເຊື່ອງຮອຍຍິ້ມແຫ່ງຄວາມສຸກເທິງໃບໜ້າຂອງທ່ານໄດ້.
  • ທ່ານຮູ້ສຶກ “ເທົ່າໃດກໍບໍ່ພໍ” : ບໍ່ວ່າທ່ານຈະໄດ້ໃຊ້ເວລາຮ່ວມກັນດົນປານໃດ, ຈະໂທຫາກັນມື້ລະຈັກເທື່ອ ທ່ານກໍຍັງຮູ້ສຶກບໍ່ພໍ ແລະ ຍັງຢາກທີ່ຈະຕໍ່ເວລາໃຫ້ດົນອອກໄປ ສິ່ງດຽວທີ່ທ່ານຕ້ອງການກໍແມ່ນເຂົາຄົນນັ້ນ ເຖິງແມ່ນວ່າມັນອາດຈະເປັນເລື່ອງທີ່ເບິ່ງເກີນຈິງໄປແດ່ຈັກໜ້ອຍ ແຕ່ມັນກໍເກີດຂຶ້ນໄດ້ແທ້ໆກັບທ່ານ.
  • ທ່ານບໍ່ຢາກທີ່ຈະກ່າວຄຳອຳລາ : ທ່ານຮູ້ສຶກວ່າຢາກຈະພົບພໍ້ໜ້າເຂົາຕະຫລອດເວລາ ແລະ ບໍ່ຢາກຈະຕ້ອງຈາກລາກັນ ເພາະທ່ານຮູ້ສຶກວ່າໄລຍະເວລາທີ່ທ່ານໄດ້ໃຊ້ກັບເຂົາຄົນນັ້ນເປັນໄລຍະເວລາທີ່ດີທີ່ສຸດສຳລັບທ່ານ ແລະ ເມື່ອເຖິງເວລາທີ່ທ່ານຕ້ອງຈາກກັນ ທ່ານຈະຮູ້ສຶກສັບສົນກະວົນກະວາຍ ແລະ ຢາກທີ່ຈະໄດ້ພົບກັບເຂົາອີກໃນໄວໆນີ້.
  • ເຂົາຢູ່ໃນຄວາມຄິດຂອງທ່ານສະເໝີ : ບໍ່ວ່າທ່ານຈະເຮັດຫຍັງ, ຢູ່ໃສ ມັກຈະມີພາບຂອງເຂົາເຂົ້າມາຢູ່ໃນຄວາມຄິດສະເໝີ, ບໍ່ວ່າທ່ານຈະກຳລັງເພີດເພີນໄປກັບການຊັອບປິ້ງຍ່າງເລາະຫ້າງສັບພະສິນຄ້າຢູ່ ທ່ານກໍບໍ່ລືມທີ່ຈະຫາສິ່ງຂອງເລັກໆນ້ອຍໆມາຝາກເຂົາ ຫລື ແມ່ນແຕ່ທ່ານຈະນັ່ງເຮັດວຽກຢູ່ໃນຫ້ອງການ ໃບໜ້າຂອງເຂົາກໍຈະລອຍວົນວຽນຢູ່ໃນສະໝອງຕະຫລອດ ທັງຍັງເຮັດໃຫ້ທ່ານຮູ້ສຶກດີ ແລະ ເຜີຍິ້ມອອກມາທຸກເທື່ອທີ່ຄິດເຖິງ.
  • ທ່ານຢາກເຂົ້າໄປເປັນສ່ວນໜຶ່ງຂອງຊີວິດເຂົາ : ທ່ານຢາກຮູ້ເລື່ອງຂອງເຂົາໄປທຸກເລື່ອງ ບໍ່ວ່າຈະແມ່ນເລື່ອງຄອບຄົວ, ເລື່ອງວຽກ ຫລື ຄວາມມັກສ່ວນໂຕ, ທ່ານລົງມືຄົ້ນຫາຂໍ້ມູນທີ່ກ່ຽວກັບເຂົາໃນໂລກອອນລາຍເພື່ອຈະຮູ້ຈັກໂຕຕົນຂອງເຂົາໃຫ້ຫລາຍຂຶ້ນ.
  • ທ່ານເວົ້າເຖິງເຂົາໃຫ້ຄົນອື່ນຟັງເປັນປະຈຳ : ເມື່ອໃດກໍຕາມທີ່ໄດ້ຈັບກຸ່ມສົນທະນາກັບໝູ່ ກໍມັກຈະມີເລື່ອງຂອງເຂົາເປັນໜຶ່ງໃນຫົວຂໍ້ຂອງການສົນທະນາຢູ່ສະເໝີ ທ່ານຢາກທີ່ຈະບອກຄວາມຮູ້ສຶກທີ່ທ່ານມີຕໍ່ເຂົາໃຫ້ໝູ່ເພື່ອນໄດ້ຟັງ.

ສັນຍານທີ່ພວກເຮົາເອົາມາບອກໃນມື້ນີ້ເປັນພຽງແຕ່ສ່ວນນຶ່ງເທົ່ານັ້ນ ຍັງມີອີກຫລາຍຄວາມຮູ້ສຶກ ແລະ ສັນຍານທີ່ສາມາດບົ່ງບອກໄດ້ວ່າທ່ານກຳລັງຕົກຫລຸມຮັກຢູ່ຫລືບໍ່, ແຕບໍ່ວ່າຈະແນວໃດກໍຕາມ ຈົ່ງໝັ້ນໃຈໃນຄວາມຮູ້ສຶກ ແລະ ສັນຊາດຕະຍານຂອງໂຕທ່ານເອງ ແລະ ກ້າທີ່ຈະບອກຄວາມຮູ້ສຶກດີໆຕໍ່ເຂົາຄົນນັ້ນໃຫ້ເຂົາໄດ້ຮັບຮູ້.

6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ - Wave100S AD to Website 2020 0 - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ
6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ -    AD conten website - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ
6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ - lattana banner - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ
6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ - lattana banner 1 - 6 ສັນຍານບອກວ່າທ່ານກຳລັງຕົກຂຸມຮັກເຂົາແລ້ວ
error: Alert: ເນື້ອຫາຂ່າວມີລິຂະສິດ !!