ເພີ່ມທະວີການຮ່ວມມືຢ່າງເປັນເຈົ້າການຂອງທຸກ ພາກສ່ວນຕ້ານການລ່າສັດປ່າທີ່ຜິດກົດໝາຍ

ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ - 190 - ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ
ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ - Untitled design - ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ

ສປປ ລາວ ເປັນປະເທດທີ່ມີພູມສັນຖານ ເປັນເຂດພູດອຍ ກວມຫລາຍກວ່າ 2/3 ຂອງເນື້ອທີ່ທັງໝົດຂອງປະເທດ ມີຄວາມອຸດົມສົມບູນໄປດ້ວຍພູຜາປ່າໄມ້ດົກໜາ, ອັນເປັນແຫລ່ງກໍາເນີດທີ່ຢູ່ອາໄສຂອງສັດປ່າ ແລະ ຊີວະນາໆພັນຕ່າງໆ. ນັບແຕ່ໄລຍະ 10 ປີຫລັງມານີ້, ບັນຫາການຕັດໄມ້ທໍາລາຍປ່າຊະຊາຍ ລວມເຖິງສະພາບການລັກລອບລ່າສັດປ່າ ແບບດັບສູນຂອງປະຊາຊົນຢູ່ຫລາຍທ້ອງຖິ່ນໄດ້ກາຍເປັນໄພຄຸກຄາມ ທີ່ໜ້າເປັນຫວ່ງຕໍ່ການສູນພັນຂອງສັດນໍ້າ-ສັດປ່າ ຫລາຍຊະນິດຢູ່ປະເທດເຮົາ.

ກອງປະຊຸມ ກ່ຽວກັບການປ້ອງກັນອາຊະຍາກໍາທາງສັດປ່າ ໃຫ້ກັບສື່ມວນຊົນລາວ ຢູ່ສໍານັກງານໜັງສືພິມພາສາຕ່າງປະເທດ (Vientiane Time) ເມື່ອບໍ່ດົນມານີ້, ເຈົ້າໜ້າທີ່ກົມກວດກາປ່າໄມ້, ກະຊວງກະສິກໍາ  ແລະ ປ່າໄມ້ ໄດ້ຍົກໃຫ້ເຫັນເຖິງສະພາບການລ່າ ແລະ ຄ້າຂາຍສັດປ່າ ທີ່ໜ້າເປັນຫວ່ງໃນປັດ

ຈຸບັນວ່າ: ບັນຫາການຄ້າຂາຍສັດປ່າ ແລະ ສິ້ນສ່ວນສັດປ່າ ກາຍເປັນບັນຫາລະດັບໂລກ, ເຊິ່ງມີມູນຄ່າທາງດ້ານເສດຖະກິດຢ່າງມະຫາສານໃນແຕ່ລະປີ ແລະ ເຂດປະເທດລຸ່ມແມ່ນໍ້າຂອງ ແມ່ນເຂດທີ່ມີການລັກລອບຄ້າຂາຍສັດປ່າ ແລະ ຊິ້ນສ່ວນສັດປ່າຫລາຍທີ່ສຸດ.

ສະເພາະຢູ່ ສປປ ລາວ, ການລ່າສັດປ່າ ແມ່ນໄດ້ຕິດພັນກັບວິຖີຊີວິດຂອງປະຊາຊົນ ໃນເຂດຊົນນະບົດ ຢູ່ຫລາຍທ້ອງຖິ່ນມາແຕ່ເຫິງນານແລ້ວ. ໃນເມື່ອກ່ອນການລ່າສັດປ່າ ຫລື ເຄື່ອງປ່າຂອງດົງຂອງປະຊາຊົນ ແມ່ນພຽງເພື່ອເປັນອາຫານເທົ່ານັ້ນ. ແຕ່ໃນໄລຍະຫລັງມານີ້, ໄດ້ຫັນປ່ຽນມາເປັນການລ່າເພື່ອເປັນສີນຄ້າ  ແບບເປັນຂະບວນກວ້າງຂວາງຫລາຍຂຶ້ນ ຍ້ອນມີຫລາຍປັດໄຈ ເຊັ່ນ: ມີລາຄາສູງ, ເກີດມີຄ່ານິຍົມທີ່ວ່າ ສັດປ່າແມ່ນຢາບໍາລຸງສຸຂະພາບຊັ້ນເລີດ ຫລື ການເອົາຊິ້ນສ່ວນສັດປ່າ ຕົບແຕ່ງເປັນເຄື່ອງປະດັບເອ້ ແລະ ເປັນເຄື່ອງລາງຂອງຂັງຕ່າງໆ, ເຊິ່ງພຶດຕິກໍາເຫລົ່ານີ້, ລ້ວນແຕ່ແມ່ນສາເຫດຈູງໃຈ ພາໃຫ້ການລ່າສັດປ່າແຜ່ຫລາຍ. ໃນໄລຍະຜ່ານມາ, ເຖິງວ່າ ສປປ ລາວ ເຮົາໄດ້ມີນິຕິກໍາ, ລະບຽບກົດ ໝາຍທີ່ເປັນລະບົບຄົບຊຸດ ແລະ ການເຂົ້າເປັນພາຄີໃນສົນທິສັນຍາສາກົນ ເພື່ອເປັນເຄື່ອງມືໃນການຈັດ ຕັ້ງປະຕິບັດວຽກງານຄຸ້ມຄອງສັດນໍ້າ-ສັດປ່າ ໃຫ້ມີປະສິດທິຜົນແລ້ວກໍຕາມ, ແຕ່ກໍຍັງມີຫລາຍຄັ້ງທີ່ເຈົ້າໜ້າທີ່ພາກສ່ວນກ່ຽວຂ້ອງ ຢູ່ທ້ອງຖິ່ນຕ່າງໆ ສາມາດຈັບກຸມຜູ້ກະທໍາຜິດມາດໍາເນີນຄະດີຕາມລະບຽບກົດໝາຍໄດ້. ແຕ່ເຖິງຢ່າງໃດກໍຕາມ, ວຽກງານການໂຄສະນາເຜີຍແຜ່ ລະບຽບກົດໝາຍເລົ່ານັ້ນ ໃຫ້ປະຊາຊົນໃນເຂດຊົນນະບົດຫ່າງໄກສອກຫລີກ ໃຫ້ໄດ້ຮັບຮູ້ຢ່າງເລິກເຊິ່ງ ລວມເຖິງການບັງຄັບໃຊ້ກົດໝາຍຕໍ່ຜູ້ລະເມີດແມ່ນຍັງເຮັດບໍ່ທັນເດັດຂາດ ເຂັ້ມງວດເທົ່າທີ່ຄວນ, ຈຶ່ງເຮັດໃຫ້ສະພາບການລັກລອບລ່າ ຫລື ຂາຍສັດປ່າຢູ່ປະເທດເຮົາ ມີໃຫ້ເຫັນຫລາຍຢູ່ຕາມຕະຫລາດເຂດຊານເມືອງ ແລະ ເຂດຊົນນະບົດຕ່າງໆ.

ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ - Wave100S AD to Website 2020 0 - ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ

ຕໍ່ບັນຫານີ້, ເຈົ້າໜ້າທີ່ອຸທິຍານແຫ່ງຊາດນໍ້າແອດພູເລີຍ ໄດ້ຍົກໃຫ້ເຫັນນັບແຕ່ໃນໄລຍະປີ 2019 ຜ່ານມານີ້, ໄດ້ພົບຜູ້ກະທໍາຜິດໃນເຂດອຸທິຍານດັ່ງກ່າວ ຫລາຍກວ່າ 400 ກໍລະນີ,​ ຢຶດອາວຸດລ່າເນື້ອໄດ້ຫລາຍກວ່າ 200 ກະບອກ ແລະ ສາມາດຢຶດແຄ້ມ (ເຕັ້ນນອນ) ຂອງຜູ້ລ່າໄດ້ຫລາຍກວ່າ 300 ຫລັງ.ໃນຂະນະດຽວກັນ, ການແກ້ໄຂຕາມລະບຽບກົດໝາຍ ຕໍ່ຜູ້ກະທໍາຜິດແມ່ນເຮັດໄດ້ໜ້ອຍ, ໂດຍສ່ວນໃຫຍ່ແມ່ນແກ້ໄຂໃນຮູບແບບບໍລິຫານ ເປັນຕົ້ນ: ການປັບໃໝ ແລະ ສຶກສາອົບຮົມ. ຈາກຂໍ້ຫຍຸ້ງຍາກ  ແລະສິ່ງທ້າທາຍໃນວຽກງານອານຸລັກສັດນໍ້າ-ສັດປ່າ ຄືດັ່ງກ່າວ, ມັນຈຶ່ງຮຽກຮ້ອງໃຫ້ມີການຮ່ວມມືຢ່າງເປັນເຈົ້າການຂອງທຸກພາກສ່ວນ, ນັບແຕ່ປະຊາຊົນ, ອໍານາດການປົກຄອງທ້ອງຖິ່ນ, ສື່ມວນຊົນ, ເຈົ້າໜ້າທີ່ປ່າໄມ້ ແລະ ອົງການບັງຄັບໃຊ້ກົດໝາຍ ຕ້ອງໄດ້ເພີ່ມທະວີການຮ່ວມມືກັບທ້ອງຖິ່ນ ເພື່ອຊ່ວຍເປັນຫູເປັນຕາຕິດຕາມກວດກາການລັກລອບລ່າ, ຂົນສົ່ງ ຫລື ຄ້າຂາຍສັດປ່າທີ່ຜິດກົດໝາຍ ແລະ ປະສານສົມທົບກັນຢ່າງເປັນເຈົ້າການ ສ້າງຄວາມເຂົ້າໃຈທີ່ຖືກຕ້ອງ ຕໍ່ຄວາມສໍາຄັນຂອງສັດປ່າ ແລະ ຊີວະນາໆພັນ, ເພື່ອແນໃສ່ເຮັດໃຫ້ປະເທດເຮົາມີຄວາມອຸດົມສົມບູນໄປດ້ວຍທໍາມະຊາດ ແລະ ສັດປ່າຫລາກຫລາຍຊະນິດ, ທັງປະກອບສ່ວນໃຫ້ເປົ້າໝາຍ ການສົ່ງເສີມການທ່ອງທ່ຽວແບບຍືນຍົງບັນລຸຈຸດໝາຍທີ່ວາງໄວ້.

ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ - WhatsApp Image 2020 05 27 at 5 - ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ
ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ - WhatsApp Image 2020 05 27 at 5 - ເພີ່ມທະວີການຮ່ວມມືຢ່າງເປັນເຈົ້າການຂອງທຸກ  ພາກສ່ວນຕ້ານການລ່າສັດປ່າທີ່ຜິດກົດໝາຍ
error: Alert: ເນື້ອຫາຂ່າວມີລິຂະສິດ !!