6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ

6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ - 192 - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ
6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ - AGL banner - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ

ໃນໄລຍະ 6 ເດືອນຕົ້ນປີ ໂຄງການເກັບກູ້ລະເບີດແຫ່ງຊາດ (ຄກລ) ສາມາດປົດປ່ອຍເນື້ອທີ່ດິນທີ່ປອດໄພ ໄດ້ທັງໝົດ  966 ເຮັກຕາ. ໃນນີ້ມີເນື້ອທີ່ດິນກະສິກຳ 965 ເຮັກຕາ ແລະ ເນື້ອທີ່ດິນສຳລັບໂຄງການພັດທະນາອື່ນໆ 1 ເຮັກຕາ, ສາມາດທຳລາຍລະເບີດບໍ່ທັນແຕກໄດ້ທັງໝົດ 13.454 ໜ່ວຍ, ເປັນລູກຫວ່ານ 12.236 ໜ່ວຍ, ສາມາດລົງເຄື່ອນໄຫວໂຄສະນາສຶກສາ ຄວາມສ່ຽງອັນຕະລາຍ ຈາກລະເບີດບໍ່ທັນແຕກໄດ້ 109 ບ້ານ. ນອກຈາກນີ້, ຍັງສາມາດກຳນົດພື້ນທີ່ຢັ້ງຢືນອັນຕະລາຍ ທີ່ມີລະ ເບີດຕົກຄ້າງໄດ້ທັງໝົດ 1.366 ເຮັກຕາ, ກວມເອົາເນື້ອທີ່ກະສິກໍາ 1.333 ເຮັກຕາ ແລະ ເນື້ອທີ່ພັດທະ ນາອື່ນໆ 33 ເຮັກຕາ, ການຈັດຕັ້ງປະຕິບັດດັ່ງກ່າວແມ່ນ ຢູ່ 9 ແຂວງ ທີ່ມີລະເບີດຕົກຄ້າງ ຄື: ແຂວງຫົວພັນ, ຫລວງພະບາງ, ຊຽງຂວາງ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ແຂວງ ອັດຕະປື, ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ທັງເປັນປະທານຄະນະກຳມະການຄຸ້ມຄອງແຫ່ງຊາດ ເພື່ອການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ໄດ້ກ່າວໃນກອງປະຊຸມ ຂະແໜງການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ, ເຊິ່ງໄດ້ຈັດຂຶ້ນໃນວັນທີ 18 ສິງຫາ 2020 ທີ່ສູນຮ່ວມມືສາກົນ ແລະ ຝຶກອົບຮົມ ນະ ຄອນຫລວງວຽງຈັນ.

ທ່ານ ຄໍາແພງ ໄຊສົມແພງ ກ່າວວ່າ: ກອງປະຊຸມຄັ້ງນີ້, ຈຸດປະສົງເພື່ອປຶກສາຫາລືຮ່ວມກັນ ໃນການແກ້ໄຂການລົບລ້າງຄວາມທຸກຍາກ ຂອງປະຊາຊົນລາວບັນດາເຜົ່າ, ການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ແລະ ຍຸດທະສາດແຫ່ງຊາດ ການແກ້ໄຂບັນຫາລະເບີດບໍ່ທັນແຕກ “ເສັ້ນທາງຄວາມປອດໄພ II” ຄຽງຄູກັນນັ້ນ, ກໍ່ເປັນໄລຍະທີ່ກຳລັງກະກຽມ ແຜນພັດທະນາເສດຖະກິດ-ສັງຄົມແຫ່ງຊາດ ໄລຍະ 5 ປີ ຄັ້ງທີ IX (2021-2025). ໃນໄລຍະ 6 ເດືອນຕົ້ນປີຜ່ານມາ ເນື່ອງຈາກມີການແຜ່ລະບາດຂອງພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ໂຄວິດ-19 ໄດ້ເຮັດໃຫ້ການປະ ຕິບັດວຽກງານພາກສະໜາມ ຂອງການເກັບກູ້ລະເບີດທີ່ຍັງຕົກຄ້າງຢູ່ ສປປ ລາວ ບໍ່ສາມາດບັນລຸຕາມຄາດໝາຍທີ່ວາງໄວ້, ແຕ່ເຖິງຢ່າງໃດກໍຕາມ ຄກລ ກໍໄດ້ເອົາໃຈໃສ່ປະຕິບັດໜ້າທີ່ ຕາມພາລະບົດບາດຂອງຕົນຢ່າງຕໍ່ເນື່ອງ, ໄດ້ຕັ້ງໜ້າສູ້ຊົນປະຕິບັດວຽກງານທີ່ໄດ້ກຳນົດໄວ້ໃນແຜນປະຈຳປີ 2020, ປະຕິບັດຕາມທິດທາງ ແລະ ຍຸດທະສາດ ຂອງຂະແໜງງານ, ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ, ເອົາໃຈໃສ່ຈັດຕັ້ງປະຕິບັດວຽກງານໃນແຕ່ລະດ້ານຢ່າງມີຄວາມຮັບຜິດຊອບ ເພື່ອໃຫ້ບັນລຸໄດ້ຜົນສຳເລັດ ໃນການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ.

6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ - Wave100S AD to Website 2020 0 - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ

ທ່ານ ຄໍາແພງ ໄຊສົມແພງ ຍັງໃຫ້ຮູ້ຕື່ມວ່າ: ການປະຕິບັດຕົວເລກຄາດໝາຍແຜນການປີ, ແຜນ ການ 5 ປີ ແລະ ຄາດໝາຍ SDG 18 ໃນດ້ານການຊ່ວຍເຫລືອຜູ້ລອດຊີວິດ, ການສໍາຫລວດ ແລະ ກວດກູ້ ລບຕ ຍັງບໍ່ທັນບັນລຸແຜນການທີ່ີວາງໄວ້, ການຝຶກອົບຮົມສ້າງຄວາມເຂັ້ມແຂງ ວຽກງານບໍລິຫານຄຸ້ມຄອງຂໍ້ມູນຂ່າວສານ ລບຕ, ການຄຸ້ມຄອງຄຸນນະພາບການສໍາຫລວດ ແລະ ກວດກູ້ ລບຕ ຍັງມີຄວາມຈຳກັດ, ເນື່ອງຈາກຂາດທຶນຮອນ, ພະນັກງານຍັງຈໍາກັດທາງດ້ານຄຸນນະພາບ ແລະ ປະລິມານ. ພ້ອມນີ້, ຍັງຂາດອຸປະກອນ ເຕັກໂນໂລຊີທີ່ທັນສະໄໝ ມາຮັບໃຊ້ເຂົ້າໃນການສໍາຫລວດ ແລະ ກວດກູ້ ລບຕ ຍັງເປັນສິ່ງທ້າທາຍ ທີ່ຈະຕ້ອງໄດ້ເອົາໃຈໃສ່ແກ້ໄຂໃນປີຕໍ່ໄປ.

6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ - lattana banner - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ
6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ - lattana banner 1 - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ
6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ -    AD conten website - 6 ເດືອນຕົ້ນປີ ສາມາດທຳລາຍລະເບີດບໍ່ທັນແຕກ ໄດ້ຫລາຍກວ່າ 13 ພັນໜ່ວຍ
error: Alert: ເນື້ອຫາຂ່າວມີລິຂະສິດ !!