ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ

ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ - 555 39 - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ
ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ - AGL banner - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ

ມື້ນີ້ພວກເຮົາຢາກຂໍແນະນຳໃຫ້ທຸກທ່ານເຮັດຄວາມສະອາດຟອງນຳ້ສຳລັບລ້າງຖ້ວຍຈານທຸກເທື່ອຫລັງໃຊ້ງານ ເພື່ອປ້ອງກັນແຫ່ລງສະສົມຂອງເຊື້ອພະຍາດ.

ທຸກຄົວເຮືອນຈະມີການໃຊ້ຟອງນຳ້ສຳລັບລ້າງຖ້ວຍຈານເປັນປະຈຳ ເພື່ອເຮັດຄວາມສະອາດລ້າງຄາບເປິເປື້ອນຂອງຖ້ວຍຈານ ແລະ ອຸປະກອນເຄື່ອງຄົວຕ່າງໆທີ່ໃຊ້ງານແລ້ວ ໂດຍຟອງນຳ້ທີ່ຜ່ານການໃຊ້ງານຫາກບໍ່ລ້າງເຮັດຄວາມສະອາດສິ່ງເປິເປື້ອນທີ່ຕິດຢູ່ໃຫ້ໝົດໄປ ກໍຈະກາຍເປັນແຫ່ລງສະສົມຂອງເຊື້ອຈຸລິນຊີ ຫລື ແບັກທີເຣຍກໍ່ພະຍາດ ເຊັ່ນ : ເຊື້ອຊັລໂມເນລລ່າ ທີ່ຕິດມາກັບອາຫານປະເພດຊີ້ນສັດ ເຊັ່ນ : ຊີ້ນໝູ, ຊີ້ນງົວ, ຊີ້ນໄກ່ ເປັນຕົ້ນ ເຊິ່ງອາດເປັນສາເຫດຂອງການເກີດອາການອາຫານເປັນພິດ ແລະ ຖອກທ້ອງໄດ້ ຫາກໃຊ້ຟອງນຳ້ລ້າງຖ້ວຍຊຳ້ໆ ໂດຍບໍ່ລ້າງເຮັດຄວາມສະອາດ ແລະ ຂ້າເຊື້ອພະຍາດ ເພື່ອປ້ອງກັນບໍ່ໃຫ້ເກີດພະຍາດ.

ຫລັງການໃຊ້ທຸກເທື່ອ ຄວນເອົາຟອງນຳ້ລ້າງຖ້ວຍ ຫລື ຝອຍຂັດໝໍ້ມາລ້າງເຮັດຄວາມສະອາດ ແລະ ເອົາໄປຕາກແດດໄວ້ ປະມານ 2 – 3​ ຊົ່ວໂມງ ຫລື ໃຊ້ນຳ້ສົ້ມສາຍຊູ 4 ບ່ວງແກງ ປະສົມກັບນຳ້ດື່ມເຄິ່ງລິດ ແລ້ວເອົາຟອງນຳ້ ຫລື ຝອຍຂັດໝໍ້ແຊ່ໄວ້ 1 ຄືນ ແລະ ຕ້ອງປ່ຽນນຳ້ສົມສາຍຊູທຸກມື້ຫລື ອາດໃຊ້ຜະລິດຕະພັນລ້າງຈານທີ່ມີຄຸນສົມບັດຂັດຂວາງແບັກທີເຣຍລ້າງເຮັດຄວາມສຳອາດຟອງນຳ້ໄດ້ຄືກັນ ສິ່ງສຳຄັນຄືຄວນແຍກຟອງນຳ້ທີ່ຈະໃຊ້ລ້າງພາຊະນະໃຫ້ເໝາະສົມກັບແຕ່ລະປະເພດ ເຊັ່ນ : ຖ້ວຍຈານ, ໝໍ້ກະທະ, ຈອກນຳ້. ສຳລັບຖ້ວຍຈານ ແລະ ພາຊະນະຕ່າງໆທີ່ຜ່ານການໃຊ້ງານ ຄວນລ້າງເຮັດຄວາມສະອາດທັນທີເພື່ອປ້ອງກັນແຫ່ລງສະສົມຂອງເຊື້ອພະຍາດ ກ່ອນລ້າງຄວນກວາດເອົາເສດອາຫານທັງໝົດຖິ້ມລົງໃນຖັງຂີ້ເຫຍື້ອທີ່ມີຝາປິດແໜ້ນດີ ແລ້ວລ້າງພາຊະນະດ້ວຍນຳ້ປະສົມນຳ້ຢາລ້າງຈານ ເພື່ອລ້າງຄາບໄຂມັນ, ເສດອາຫານ ແລະ ສິ່ງເປິເປື້ອນທີ່ຕິດຄ້າງຢູ່ ໂດຍໃຊ້ຟອງນຳ້ ຫລື ຝອຍຂັດໝໍ້ໄຍສັງເຄາະຊ່ວຍໃນການເຮັດຄວາມສະອາດ.

ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ - Wave100S AD to Website 2020 0 - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ

ຈາກນັ້ນ ລ້າງດ້ວຍນຳ້ສະອາດອີກ 2 ເທື່ອ ເພື່ອລ້າງນຳ້ຢາລ້າງຈານ ແລະ ສິ່ງເປິເປື້ອນຕ່າງໆທີ່ຍັງຄ້າງຢູ່ອອກໃຫ້ໝົດ ແລ້ວຂວຳ້ໃຫ້ແຫ້ງ ຫລື ຕາກແດດເພື່ອຂ້າເຊື້ອພະຍາດ ແລະ ບໍລິເວນທີ່ຊຳ້ຈານຕ້ອງບໍ່ມີຂີ້ຝຸ່ນ ຫລື ແມງວັນ ວາງໄວ້ສູງຈາກພື້ນຢ່າງໜ້ອຍ 60 ຊັງຕີແມັດ, ບໍ່ຄວນໃຊ້ຜ້າເຊັດ ເພາະອາດເຮັດໃຫ້ເກີດການປົນເປື້ອນຈາກສິ່ງເປິເປື້ອນທີ່ຕິດມາກັບຜ້າໄດ້.

ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ - lattana banner 1 - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ
ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ -    AD conten website - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ
ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ - lattana banner - ຟອງນໍ້າລ້າງຖ້ວຍຄວນຕາກແດດເພື່ອຂ້າເຊື້ອແບັກທີເຣຍ
error: Alert: ເນື້ອຫາຂ່າວມີລິຂະສິດ !!