7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ

7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ - 555 40 - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ
7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ - AGL banner - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ

ຫລາຍຄົນເຄີຍເກີດອາການທີ່ຢາກນອນ ແຕ່ນອນບໍ່ຫລັບ ເຮັດຫລາຍວິທີກໍຍັງນອນບໍ່ຫລັບ ໂດຍການນອນບໍ່ຫລັບນັ້ນເກີດຂຶ້ນໄດ້ກັບທຸກຄົນ ແຕ່ສຳລັບບາງຄົນແລ້ວ ອາດເຮັດໃຫ້ເກີດການນອນບໍ່ຫລັບຈົນຊຳ້ເຮື້ອ ນຳໄປສູ່ບັນຫາການນອນບໍ່ຫລັບຖາວອນ ແລະ ສ່ວນຫລາຍຈະມີບັນຫາຂອງການປັບໂຕກັບສະຖານທີ່, ສະພາບແວດລ້ອມ, ສະພາບອາກາດ ແລະ ມີສາເຫດມາຈາກຄວາມເຄັ່ງຄຽດຈາກການທີ່ເກີດຄວາມຄິດຂຶ້ນເອງ ເຊັ່ນ : ການຫວາດລະແວງ, ຄິດກັງວົນ, ຄິດວ່າມື້ນີ້ຕ້ອງນອນບໍ່ຫລັບຄືເກົ່າ ເຊິ່ງສ່ວນຫລາຍຈະພົບກັບຜູ້ປ່ວຍທີ່ມີອາການທາງຈິດອ່ອນໆ,​ແຕ່ຖ້າຫາກປ່ອຍລຸກລາມອາດເຮັດໃຫ້ທ່ານເຂົ້າຂັ້ນເປັນຜູ້ປ່ວຍທາງຈິດ. ເມື່ອທ່ານເລີ່ມຮູ້ສຶກວ່າມັນເລີ່ມເປັນໜັກຂຶ້ນ ຄວນພົບແພດໂດຍໄວ ເຊິ່ງຖ້າຫາກທ່ານຮູ້ສຶກວ່າຕົນເອງປ່ວຍມາເຖິງຂັ້ນນີ້ແລ້ວ ຢ່າປ່ອຍໃຫ້ລຸກລາມ ເພາະອາດເຮັດໃຫ້ທ່ານສ່ຽງຕໍ່ພະຍາດຊຶມເສົ້າໃນທີ່ສຸດ ທັງນີ້ອາການນອນບໍ່ຫລັບໂດຍກົງທີ່ພົບຈະພົບໃນແມ່ຍິງຖືພາ, ຜູ້ປ່ວຍພະຍາດຫອບຫືດ ແລະ ຜູ້ເຖົ້າ.

  • ວິທີແກ້ໄຂອາການນອນບໍ່ຫລັບແບບເປັນບາງຄັ້ງບາງເທື່ອ :
  1. ຄວນຈັດຫ້ອງນອນໃຫ້ເປັນລະບຽບ ມີບ່ອນຖ່າຍເທອາກາດໄດ້ສະດວກ ແລະ ຄວນໃຫ້ແສງເຂົ້າເຖິງຫ້ອງນອນ ເພາະຈະເຮັດໃຫ້ເຮົາຮູ້ສຶກປອດໂປ່ງໂລ່ງສະບາຍ ແລະ ເຮັດໃຫ້ຮູ້ສຶກຢາກນອນຫລາຍຂຶ້ນ ເພາະຈະເຮັດໃຫ້ຫ້ອງເຮົາບໍ່ອັບຈົນເກີນໄປ ແລະ ເຮັດໃຫ້ຫ້ອງເບິ່ງສະອາດເປັນຕາຢູ່ ນອກຈາກຈະເຮັດໃຫ້ເປັນຕານອນຫລາຍຂຶ້ນແລ້ວ ຍັງເປັນການຝຶກໃຫ້ຕົນເອງເປັນຄົນມີລະບຽບນຳອີກ.
  2. ງົດເຄື່ອງດື່ມຈຳພວກທີ່ມີກາເຟອີນ ເຊັ່ນ : ນຳ້ອັດລົມ, ກາເຟ ເພາະກາເຟອີນມີລິດກົດທັບປະສາດ ເຮັດໃຫ້ເສັ້ນປະສາດການຄວບຄຸມການເຮັດວຽກຂອງສະໝອງເຮັດໃຫ້ຕື່ນໂຕ ແລະ ເຮັດໃຫ້ຫົວໃຈເຮັດວຽກໜັກຜິດປົກກະຕິ ແລະ ຫລີກເວັ້ນເຄື່ອງດື່ມຊູກຳລັງ.
  3. ອາບນຳ້ອຸ່ນກ່ອນນອນ ຫລື ຫາກນອນບໍ່ຫລັບກໍໃຫ້ອາບນຳ້ອຸ່ນເພື່ອເປັນການເຮັດໃຫ້ຮ່າງກາຍສົດຊື່ນ ແລະ ສະໝອງຜ່ອນຄາຍ ແລະ ອາດຈະຕາມດ້ວຍນົມອຸ່ນໆຈັກຈອກ ເພາະໃນນົມອຸ່ນຈະມີເອັນໄຊຊ່ວຍຍ່ອຍນຳ້ຕານທີ່ເຮົາໄດ້ຮັບ ແລະ ຊ່ວຍໃຫ້ສະໝອງສາມາດດູດຊຶມເອັນໄຊໄດ້ດີກ່ອນນອນ ເພື່ອເປັນການປັບຄວາມດຸ່ນດ່ຽງຂອງຮ່າງກາຍເຮົາ.
  4. ບໍ່ຄວນກິນອາຫານທີ່ໃຫ້ກາລໍຣີຫລາຍ ເຊັ່ນ : ຊີ້ນສັດ, ໂປຣຕີນທັງຫລາຍ ເພາະເມື່ອຮ່າງກາຍເຮົາໄດ້ຮັບສານອາຫານເຫລົ່ານີ້ ຂະບວນການແປສະພາບໃຫ້ອາຫານເປັນພະລັງງານຈະຕ້ອງເຮັດວຽກໜັກ.
  5. ເພີ່ມອົກຊີແຊນໃຫ້ກັບສະໝອງ ໂດຍການຍືດກ້າມຊີ້ນເພື່ອໃຫ້ເສັ້ນຄາຍ ເພາະຈະສາມາດລຳລຽງອົກຊີແຊນໄດ້ດີ ຈະຊ່ວຍສົ່ງອົກຊີແຊນໄປຍັງສະໝອງໄດ້ຫລາຍຂຶ້ນ ເຮັດໃຫ້ສະໝອງປອດໂປ່ງ.
  6. ກິນອາຫານຈຳພວກທີ່ມີວິຕາມິນ B1,B6 ເຊັ່ນ : ໝາກແອັບເປິ້ນ, ໝາກຫຸ່ງສຸກ, ໝາກນັດ ຈະຊ່ວຍໃຫ້ຫລັບງ່າຍຂຶ້ນ.
  7. ຫາກທ່ານມີແຕ່ຄວາມຄິດ, ຈິດໃຈບໍ່ສະຫງົບ, ຄິດແຕ່ເລື່ອງກະວົນກະວາຍ ການນັ່ງສະມາທິຈະເຮັດໃຫ້ຈິດໃຈສະຫງົບ ແລະ ເກີດການປ່ອຍວາງ ຈຶ່ງເຮັດໃຫ້ເຮົາບໍ່ຄິດ, ບໍ່ກັງວົນຫຍັງຫລາຍ ເມື່ອບໍ່ເຄັ່ງຄຽດກໍເຮັດໃຫ້ເຮົານອນຫລັບງ່າຍ.
7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ -    AD conten website - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ
7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ - lattana banner 1 - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ
7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ - lattana banner - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ
7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ - Wave100S AD to Website 2020 0 - 7 ວິທີແກ້ໄຂບັນຫານອນຍາກ ຫລື ນອນບໍ່ຫລັບ
error: Alert: ເນື້ອຫາຂ່າວມີລິຂະສິດ !!