ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020

ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020 - Time fo an Adventure 34 - ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020
  1. ສ.​ເກົາຫລີ ປະກາດ​ຫ້າມ​ການ​ຊຸມນຸມ​ສາທາລະນະ​ຂະໜາດ​ໃຫຍ່ ລວມທັງ​ການ​ເຂົ້າ​ໄປ​ຫຍຸ້ງ​ກ່ຽວ​ໃນ​ສະຖານ​ທີ່​ທີ່​ມີ​ຄວາມ​ສ່ຽງ​ສູງ​ເຊັ່ນ: ​ໂບດ ​ແລະ ຮ້ານ​ບັນ​ເທີ​ງ ​ໂດຍ​ຈະ​ມີຜົນ​ບັງຄັບ​ໃຊ້​ກັບ​ພື້ນທີ່​ອ້ອມ​ຮອບ​ນະຄອນຫລວງ​ເຊ​ອຸນ ​ເຊິ່ງ​ເປັນ​ເມືອງ​ຫລວງ​ຂອງ​ປະ​ເທດ ຫລັງ​ຈາກ​ມີ​ການລະບາດ​ເກີດ​ຂຶ້ນອີກ.

ກ່ອນ​ໜ້າ​ນີ້ ສ.​ເກົາຫລີ ​ເຄີຍ​ປະສົບ​ຜົນສຳ​ເລັດ​ໃນ​ການ​ຄວບ​ຄຸມ​ການລະບາດ ​ແຕ່​ປັດຈຸບັນ​ມີ​ຜູ້​ຕິດ​ເຊື້ອ​ໃໝ່​ເກືອບ 1.000 ຄົນ​ຈາກ​ຂໍ້​ມູນ​ວັນ​ທີ 13-17 ສິງຫາ​ຜ່ານ​ມາ. ຂະນະ​ທີ່​ມາດ​ຕະການ​ຫລ້າ​ສຸດ​ຂອງ​ລັດຖະບານ​ມີ​ຜົນ​ບັງຄັບ​ໃຊ້​ນັບ​ແຕ່​ວັນ​ທີ 19 ສິງຫາ ​ເປັນຕົ້ນ​ໄປ.

  1. ດັດຊະນີ S&P 500 ຂອງ​ອາ​ເມ​ລິ​ກາ ​ເພີ່ມ​ຂຶ້ນ​ສູງ​ກວ່າ​ລະດັບ​ກ່ອນ​ການລະບາດ​ໃນ​ໄລຍະ​ສັ້ນໆ ​ໂດຍ​ຢູ່​ລະດັບ​ສູງ​ສຸດ​ເປັນ​ປະຫວັດສາດ​ໃນ​ການ​ຊື້ຂາຍ​ລະຫວ່າງ​ວັນ​ທີ 3.395 ຈຸດ, ດັດຊະນີ​ໄດ້​ເພີ່ມ​ຂຶ້ນຫລາຍ​ກວ່າ 50% ຈາກ​ຈຸດ​ຕໍ່າ​ສຸດ​ໃນ​ວັນ​ທີ 23 ມີນາ 2020 ​ໂດຍ​ໄດ້​ຮັບ​ແຮງ​ໜຸນ​ຈາກ​ກະ​ແສ​ເງິນ​ທີ່​ໄຫລ​ເຂົ້າສູ່​ບໍລິສັດ​ເຕັກ​ໂນ​ໂລ​ຊີ​ຍັກ​ໃຫຍ່​ພາຍ​ໃນ​ປະ​ເທດ.

ຂະນະ​ດຽວ​ກັນ, ​ເງິນ​ໂດ​ລາ​ຫລຸດ​ລົງ​ສູ່​ລະດັບ​ຕໍ່າ​ສຸດ​ໃນ​ຮອບ 2 ປີ​ເມື່ອ​ທຽບ​ໃສ່​ເງິນ​ສະ​ກຸນ​ຫລັກ​ອື່ນໆ ​ເນື່ອງ​ຈາກ​ຝ່າຍ​ນິຕິບັນຍັດ​ຂອງ​ອາ​ເມ​ລິ​ກາ ຍັງ​ບໍ່​ສາມາດ​ບັນລຸ​ຂໍ້​ຕົກລົງ​ຂອງ​ມາດ​ຕະການ​ກະ​ຕຸ້ນ​ເສດຖະກິດ​ຄັ້ງ​ໃໝ່​ໄດ້.

  1. Louis DeJoy ຫົວໜ້າ​ໄປສະນີ​ຂອງ​ອາ​ເມ​ລິ​ກາ ກ່າວ​ວ່າ: ທ່ານ​ກຳລັງ​ໂຈະ​ການ​ປ່ຽນ​ແປງ​ຮູບ​ແບບ​ການ​ບໍລິການ​ຂອງ​ໄປສະນີ​ໄປ​ຈົນ​ກວ່າ​ຈະ​ມີ​ການ​ເລືອກ​ຕັ້ງ​ໃນ​ເດືອນ​ພະຈິກ ​ໂດຍ​ການ​ປ່ຽນ​ແປງ​ນີ້​ຈະ​ລວມທັງ​ການ​ຍົກ​ເລີກ​ຄ່າ OT ຂອງພະນັກງານ ​ເຊິ່ງ​ເຮັດ​ໃຫ້​ເກີດ​ຄວາມ​ກັງວົນ​ວ່າ: ການ​ລົງ​ຄະ​ແນນ​ສຽງ​ທາງ​ໄປສະນີ​ອາ​ດຊັກ​ຊ້າ​ໄປ​ອີກ.

​ໃນ​ປະ​ເທດ​ມີ​ເຖິງ 20 ລັດ​ທີ່​ກ່າວ​ວ່າ: ພວກ​ເຂົາ​ຈະ​ຟ້ອງ​ຮ້ອງ​ຕໍ່​ເລື່ອງ​ນີ້. ຂະນະ​ທີ່ ປະທານາທິບໍດີ ​ໂດ​ນັລ ທຣຳ ກ່າວ​ວ່າ: ທ່ານ​ບໍ່​ຕ້ອງການ​ໃຫ້​ມີ​ການ​ລົງ​ຄະ​ແນນ​ທາງ​ໄປສະນີ​ເປັນ​ຈຳນວນ​ຫລາຍ.

  1. ສານ​ທີ່​ໄດ້​ຮັບ​ການ​ສະໜັບສະໜູນ​ຈາກ​ສະຫະ​ປະຊາ​ຊາດ (UN) ລະບຸ​ວ່າ: Salim Ayyash ມີ​ຄວາມ​ຜິດ​ໃນ​ຂໍ້​ຫາ​ທີ່​ລາວ​ລັກລອບ​ສັງຫານ Rafik Hariri ອະດີດ​ນາຍົກລັດຖະມົນຕີຂອງປະ​ເທດ​ເລ​ບາ​ນອນ ​ແລະ ອີກ 21 ຄົນ​ໃນ​ເຫດ​ລະ​ເບີດ​ຢູ່​ເມືອງ​ເບຣຸດ ​ເມື່ອ​ປີ 2015 ຂະນະ​ທີ່​ຈຳ​ເລີຍ​ອີກ 3 ຄົນ​ພົ້ນ​ໂທດ.

​ເຖິງ​ວ່າ​ທັງ 4 ຄົນ​ຈະ​ເປັນ​ສະມາຊິກ​ຂອງ​ກຸ່ມ Hizbullah ​ເຊິ່ງ​ເປັນ​ພັກ​ການ​ເມືອງ ​ແລະ ກອງ​ກຳລັງ​ທະຫານ​ອາສາ​ສະໝັກ ​ແຕ່​ຜູ້​ພິພາກສາ​ບໍ່​ພົບ​ຫລັກ​ຖານ​ວ່າ​ຜູ້ນຳ​ຂອງ​ກຸ່ມ Hizbullah ຫລື ປະ​ເທດ​ຊີຣີ​ເປັນ​ຜູ້​ສະໜັບສະໜູນ​ການ​ກະທຳ​ຄັ້ງນີ້.

  1. Scott Morrison ນາຍົກລັດຖະມົນຕີຂອງປະ​ເທດ​ອົດ​ສະຕຣາລີ​ໄດ້​ປະກາດ​ຂໍ້​ຕົກລົງ​ກັບ​ບໍລິສັດ AstraZeneca ​ເພື່ອ​ສັ່ງ​ຈອງ​ວັກ​ແຊງ​ປິ່ນປົວ COVID-19 ທີ່​ກຳລັງ​ພັດທະນາ​ຢູ່​ໃນ​ຕອນ​ນີ້.

ຖ້າ​ວັກ​ແຊງ​ສາມາດ​ໃຊ້​ໄດ້​ຢ່າງ​ມີ​ປະສິດທິພາບ ລັດຖະບານອົດ​ສະຕຣາລີ​ຈະ​ຊື້​ໃນ​ປະລິມານ​ຫລາຍ​ພຽງພໍ​ສຳລັບ​ປະຊາກອນ 25 ລ້ານ​ຄົນ​ພາຍ​ໃນ​ປະ​ເທດ ​ແລະ ຈະ​ໃຊ້ບໍລິການ​ວັກ​ແຊງ​ຟຣີ​ໂດຍ​ບໍ່​ມີຄ່າ​ໃຊ້​ຈ່າຍ​ໃດໆ.

ຂະນະ​ດຽວ​ກັນ ຜູ້​ຕິດ​ເຊື້ອ​ໃໝ່​ໃນ​ປະ​ເທດ​ເພີ່ມ​ຂຶ້ນ​​ເມື່ອ​ມໍ່ໆ​ມາ​ນີ້ ​ເຮັດ​ໃຫ້​ບາງ​ລັດ​ຂອງ​ປະ​ເທດ​ຕ້ອງ​ກັບ​ມາ​ໃຊ້​ມາດ​ຕະການ Lockdown ອີກ.

ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020
  1. ທ່ານ ທຣຳ ກ່າວ​ວ່າ: ທ່ານ​ຈະ​ໃຫ້​ອະ​ໄພ​ຢ່າງ​ເຕັມທີ່ ​ແລະ ສົມບູນ​ແກ່ Susan B. Anthony ​ເຊິ່ງ​ເປັນ​ຜູ້ນຳ​ດ້ານ​ການ​ຕໍ່ສູ້​ເພື່ອ​ສິດທິ​ແມ່ຍິງ​ໃນ​ອະດີດ (ປັດຈຸບັນ​ເສຍ​ຊີວິດ​​ແລ້ວ) ​ໂດຍ Anthony ຖືກ​ຈັບ ​ແລະ ຖືກ​ສານ​ລັດຖະບານ​ກາງ​ຕັດສິນ​ວ່າ​ມີ​ຄວາມ​ຜິດ​ໃນ​ການ​ລົງ​ຄະ​ແນນ​ສຽງ​ເມື່ອ​ປີ 1872.

ການ​ອະ​ໄພ​ຍະ​ໂທດ​ໃຫ້​ແກ່​ນາງ ​ເກີດ​ຂຶ້ນ​ໃນ​ວັນ​ຄົບຮອບ 100 ປີ ຂອງ​ການ​ໃຫ້​ສັດຕະຍາບັນ​ເພື່ອ​ແກ້​ໄຂ​ລັດຖະທຳ​ມະນູນ​ຄັ້ງທີ 19 ຂອງ​ປະ​ເທດ ​ເຊິ່ງ​ເຮັດ​ໃຫ້​ແມ່ຍິງ​ຢູ່​ອາ​ເມ​ລິ​ກາ​ມີ​ສິດ​ທີ່​ຈະ​ລົງ​ຄະ​ແນນ​ສຽງ​ເລືອກ​ຕັ້ງ​ເຊັ່ນ​ດຽວ​ກັບ​ຜູ້​ຊາຍ.

  1. 1 ປີ​ເຄິ່ງຫລັງ​ຈາກ​ການ​ເປີດ​ເຜີຍ​ລາຍ​ງານ​ຂອງ Robert Mueler ຄະນະ​ກຳມາ​ທິການ​ຂອງ​ສະພາ​ຄອງ​ເກຣດ​ໄດ້​ສະຫລຸບ​ວ່າ: ການ​ປຸກລະດົມ​ຫາ​ສຽງ​ເລືອກ​ຕັ້ງຂອງທ່ານ ​ໂດ​ນັລ ທຣຳ ​ເມື່ອ​ປີ 2016 ມີ​ການ​ສົມຮູ້​ຮ່ວມ​ຄິດ​ກັບຣັດ​ເຊຍ​ແທ້.

ໜ່ວຍ​ຂ່າວ​ລັບ​ແຫ່ງ​ວຸດ​ທິສະພາ ​ເຊິ່ງນຳ​ໂດຍ​ພັກ Republicans ​ໄດ້​ດຳ​ເນີນ​ການ​ຫລາຍ​ກວ່າ​ການ​ສອບ​ສວນ​ທີ່​ປຶກສາ​ພິ​ເສດ​ຂອງ​ທ່ານ ​ໂດ​ນັລ ທຣຳ. ຂະນະ​ທີ່​ທ່ານ​ເອງ​ກ່າວ​ວ່າ: ນີ້​ຄື​ການ​ລ່າ​ແມ່​ມົດ.

  1. Ibrahim Boubacar Keita ປະທານາທິບໍດີ​ຂອງ​ປະ​ເທດ​ມາລີ ຖື​ກບັງຄັບ​ໃຫ້​ລາ​ອອກ​ໃນ​ວັນ​ທີ 19 ສິງຫາ​ນີ້ ຫລັງ​ຈາກ​ທະຫານ​ເຮັດ​ລັດຖະປະຫານ​ໃນ​ວັນ​ທີ 18 ສິງຫາ ​ແລະ Keita ຍັງ​ໄດ້​ປະກາດ​ຍຸບ​ສະພາ​ນຳ​ອີກ ​ໂດຍ​ໃຫ້​ເຫດຜົນ​ວ່າ: ທ່ານ​ບໍ່​ຕ້ອງການ​ໃຫ້​ມີ​ການ​ນອງ​ເລືອດ​ເກີດ​ຂຶ້ນ.

ກ່ອນ​ໜ້າ​ນີ້​ໃນ​ວັນນັ້ນ ​ໄດ້​ມີ​ສຽງ​ປືນ​ດັງ​ມາ​ຈາກ​ຄ້າຍ​ທະຫານ​ໃກ້ Bamako ​ເຊິ່ງ​ເປັນ​ເມືອງ​ຫລວງ​ຂອງ​ປະ​ເທດ ​ແລະ ​ໄດ້​ມີ​ລາຍ​ງານ​ອອກ​ມາ​ວ່າ: ​ເຈົ້າໜ້າ​ທີ່​ທະຫານ​ຊັ້ນຜູ້​ນ້ອຍ​ກຳລັງ​ຖືກ​ຄວບ​ຄຸມ​ໂດຍ​ເຈົ້າໜ້າ​ທີ່​ລະດັບ​ສູງ.

ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 19 ສິງຫາ 2020
error: Alert: ເນື້ອຫາຂ່າວມີລິຂະສິດ !!