ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ

ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ -                                                                       4                                               13 1 - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ
ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ - AGL banner - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ

ກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ສຳພາດຕໍ່ນັກຂ່າວໜັງສືພິມ ລາວພັດທະນາ ໃນວັນທີ 17 ສິງຫານີ້ວ່າ: ໃນປັດຈຸບັນແຮງງານລາວຍັງຕົກຢູ່ຕ່າງປະເທດທັງໝົດ 45.179 ຄົນ, ໃນນັ້ນຢູ່ໄທມີ 22.000 ຄົນ.

ນັບແຕ່ມີການລະບາດຂອງພະຍາດໂຄວິດ-19 ເປັນຕົ້ນມາເຊິ່ງເຫັນວ່າເປັນບັນຫາທີ່ຈະຕ້ອງໄດ້ເອົາໃຈໃສ່ແກ້ໄຂ ແລະ ການຊ່ວຍເຫລືອຈາກລັດຖະບານ ເພື່ອຊ່ວຍໃຫ້ຜູ້ອອກແຮງງານລາວທີ່ຍັງຕົກຄ້າງຢູ່ນັ້ນໄດ້ກັບມາປະກອບອາຊີບ, ທຳມາຫາກິນຢູ່ປະເທດ ແລະ ບ້ານເກີດເມືອງນອນຂອງຕົນໃນຜ່ານມາ ກະຊວງແຮງງານ ແລະ ສະຫວັດດີການສັງຄົມ ກໍໄດ້ຊີ້ນໍາໃຫ້ຜູ້ຊ່ວຍວຽກທາງດ້ານແຮງງານທີ່ປະຈໍາຢູ່ສະຖານເອກອັກຄະລັດຖະທູດແຫ່ງ ສປປ ລາວ ປະຈໍາບາງກອກ, ປະເທດໄທ ໃຫ້ເອົາໃຈໃສ່ຕິດຕາມສະພາບຂອງຜູ້ອອກແຮງງານລາວ ແລະ ປະສານງານກັບຂະແໜງການທີ່ກ່ຽວຂ້ອງຂອງໄທ ເພື່ອໃຫ້ການຊ່ວຍເຫລືອເຂົາເຈົ້າໃນກໍລະນີຕ່າງໆ, ພ້ອມນີ້, ກໍໄດ້ອອກແຈ້ງການໃຫ້ສູນບໍລິການຈັດຫາງານ ແລະ ບໍລິສັດຈັດຫາງານປະສານງານກັບຜູ້ໃຊ້ແຮງງານ ເພື່ອເກັບກໍາຈໍານວນແຮງງານທີ່ຍັງຄ້າງຢູ່ໄທໃຫ້ລາຍລະອຽດ. ພ້ອມທັງປະສານງານກັບສະຖານເອກອັກຄະລັດຖະທູດລາວ ປະຈໍາບາງກອກ, ເພື່ອອໍານວຍຄວາມສະດວກໃຫ້ຜູ້ອອກແຮງງານລາວທີ່ມີຈຸດປະສົງກັບຄືນປະເທດ.

ຄຽງຄູ່ກັນນັ້ນ ກະຊວງແຮງງານ ແລະ ສະຫວັດດີການສັງຄົມ ກໍໄດ້ປະສານສົມທົບກັບກະຊວງແຮງງານໄທ ກໍານົດກົນໄກທີ່ເໝາະສົມຮ່ວມກັນແກ້ໄຂຜູ້ອອກແຮງງານລາວທີ່ຍັງຕົກຄ້າງຢູ່ໄທ ເພື່ອໃຫ້ສາມາດສືບຕໍ່ເຮັດວຽກຢູ່ປະເທດໄທໄດ້ຢ່າງຖືກຕ້ອງຕາມກົດໝາຍ, ໂດຍຜູ້ອອກແຮງງານເຫລົ່ານັ້ນບໍ່ຈໍາເປັນຕ້ອງເດີນທາງກັບຄືນປະເທດ ເພື່ອສາມາດປະຢັດເວລາ, ຄ່າໃຊ້ຈ່າຍ ແລະ ຫລຸດຜ່ອນຄວາມສ່ຽງຈາກການຕິດເຊື້ອ ພະຍາດໂຄວິດ-19. ເຊິ່ງທັງສອງຝ່າຍຈະຈັດກອງປະຊຸມລະດັບວິຊາການທາງໄກ ໃນຕົ້ນເດືອນກັນຍາ 2020ນີ້ ເພື່ອກໍານົດການຈັດຕັ້ງປະຕິບັດຢ່າງລະອຽດກ່ອນກອງປະຊຸມລະດັບວິຊາການຂອງສອງຝ່າຍໂດຍກະຊວງແຮງງານ ແລະ ສະຫວັດດີການສັງຄົມ ຈະມີການປະຊຸມປຶກສາຫາລື ກັບກະຊວງທີ່ກ່ຽວຂ້ອງ ໂດຍສະເພາະກະຊວງການຕ່າງປະເທດ, ກະຊວງ ປກສ ແລະ ກະຊວງສາທາລະນະສຸກ ເພື່ອເປັນເອກະພາບຕໍ່ກັບກົນໄກໃນການຈັດຕັ້ງປະຕິບັດ ການແກ້ໄຂແຮງງານ ລາວທີ່ຍັງຕົກຄ້າງຢູ່ໄທເປັນຈຳນວນຫລາຍນັ້ນໃຫ້ປອດໄພ.

ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ - Wave100S AD to Website 2020 0 - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ
ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ - lattana banner 1 - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ
ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ -    AD conten website - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ
ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ - lattana banner - ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ

Comment

    Bounchanh Wanthammasyda
    21/08/2020 - 1:59 am

    ຂະນ້ອຍ ຂໍສະແດງຄວາມເຫັນອັນບໍລິສຸດຕໍ່ຫົວຂໍ້ຂ່າວ ແລະ ເນື້ອຫາຂ່າວ “ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ”

    1). ຫົວຂໍ້ຂ່າວບໍ່ຖືກກັບເນື້ອຫາ
    2). ເນື້ອຫາບໍ່ຖືກກັບຫົວຂໍ້ຂ່າວ

    ຫົວຂໍ້ຂ່າວຂອງທ່ານຂຽນວ່າ “ແຮງງານລາວທີ່ຍັງຄ້າງຢູ່ໄທຕ້ອງໄດ້ເອົາໃຈໃສ່ແກ້ໄຂ” ຫົວຂໍ້ມັນມີຄວາມຫມາຍວ່າ ແຮງງານລາວທີ່ຍັງຄ້າງຢູ່ໄທນັ້ນຕ້ອງໄດ້ເອົາໃຈໃສ່ແກ້ໄຂຈຸດອ່ອນຂອງພວກເຂົາເຈົ້າ ບໍ່ແມ່ນຜູ້ຮັບຜິດຊອບ ແລະ ພາກສ່ວນທີ່ກ່ຽວຂອງເຂົ້າໄປຫຍຸ່ງກ່ຽວ. ເຊັ່ນວ່າ: 1). ອອກໄປທ່ຽວໃນສະຖານທີ່ຕ່່າງໆທີ່ບໍ່ຈຳເປັນ ຕ້ອງໄດ້ເອົາໃຈໃສ່ແກ້ໄຂ, 2). ໃຊ້ຈ່າຍເງີນພຸມເພືອຍໂດຍບໍ່ຈຳເປັນໃນຍາມວິກິດ ຕ້ອງໄດ້ເອົາໃຈໃສ່ແກ້ໄຂ, 3). ບໍ່ສົນໃຈຕຽມພ້ອມຜ້າອັດປາກໃຫ້ພຽງພໍແກ່ຕົນເອງ ຕອງໄດ້ເອົາໃຈໃສ່ແກ້ໄຂ, 4). ບໍ່ຕັ້ງເປັນກຸ່ມກ້ອນ ແລະ ບໍ່ຊ່ວຍເຫລືອເຊິ່ງກັນລະກັນ ຕ້ອງໄດ້ເອົາໃຈໃສ່ແກ້ໄຂ, 5). ບໍ່ມີເບີໂທລະສັບຂອງສະຖານທູດລາວ ຫລື ເບີໂທລະສັບຂອງກົມຈັດຫາງານຕິດຕົວ ເພື່ອຍາມສຸກເສີນຈະໄດ້ຕິດຕໍ່ ຕ້ອງໄດ້ເອົາໃຈໃສ່ແກ້ໄຂ, ເມື່ອມີບັນຫາເກີດຂື້ນກັບຕົນເອງທີ່ກ່ຽວຂອງກັບວຽກ ຫລື ນາຍຈ້າງ ກໍ່ບໍ່ຮູ້ວ່າຈະຕິດຕໍ່ກັບໃຜເພື່ອຫາທາງແກ້ໄຂ ຕ້ອງໄດ້ເອົາໃຈໃສ່ແກ້ໄຂ, ບໍ່ຮູ້ຈັກຮອ້ງຂໍຄວາມຊ່ວຍເຫລືອຈາກພາກສ່ວນທີ່ກ່ຽວຂ້ອງເມື່ອຍາມຈຳເປັນ ແລະ ຕ້ອງການ ຕ້ອງໄດ້ເອົາໃຈໃສ່ແກ້ໄຂ ແລະ ອື່ນໆ ວ່າໄປ. ຕ້ອງເນື້ອຫາຢ່າງນີ້ ຈິງກົ່ງກັບຫົວຂໍ້ຂອງທ່ານ.

    ຫົວຂໍ້ທີ່ເຫມາະສົມກັບເນື້ອຫາໃນຂ່າວນີ້ຄວນຈະຂຽນວ່າ: “ຕ້ອງໄດ້ເອົາໃຈໃສ່ແກ້ໄຂແຮງງານລາວທີ່ຍັງຄ້າງຢູ່ໄທ”
    ເຖິງປະໂຫຍກນີ້ບໍ່ມີຕົວປະທານ ກໍ່ເປັນຫົວຂໍ້ທີ່ກົງກັບເນື້ອຫາຂ່າວ ແລະ ເປັນຫົວຂໍ້ທີ່ດີໄດ້. ຖ້າຢາກໃຫ້ປະໂຫຍກນີ້ມີຕົວປະທານຂອງປະໂຫຍກ, ກໍ່ງ່າຍແສນງ່າຍຄືຂຽນວ່າ: “ພາກສ່ວນທີ່ກ່ຽວຂ້ອງຕ້ອງໄດ້ເອົາໃຈໃສ່ແຮງງານລາວທີ່ຍັງຄ້າງຢູ່ໄທ” ເປັນຫຍັງຈິ່ງຂຽນວ່າພາກສ່ວນທີ່ກ່ຽວຂ້ອງ ກໍ່ສຸພາບກວ່າທີ່ຈະຂຽນວ່າ ກະຊວງແຮງງານ ຫລືວ່າ ກົມພັດທະນາສີມີແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ.

Comments are closed.

error: Alert: ເນື້ອຫາຂ່າວມີລິຂະສິດ !!