ອາຫານຕື່ມພະລັງໃຫ້ຄົນພັກຜ່ອນໜ້ອຍ

ອາຫານຕື່ມພະລັງໃຫ້ຄົນພັກຜ່ອນໜ້ອຍ - 555 47 - ອາຫານຕື່ມພະລັງໃຫ້ຄົນພັກຜ່ອນໜ້ອຍ
ອາຫານຕື່ມພະລັງໃຫ້ຄົນພັກຜ່ອນໜ້ອຍ - Untitled design - ອາຫານຕື່ມພະລັງໃຫ້ຄົນພັກຜ່ອນໜ້ອຍ

ນອນໜ້ອຍ, ຮູ້ສຶກອ່ອນເພຍ, ແຕ່ຢາກສົດຊື່ນຫ້າວຫັນ ຕ້ອງເຮັດແນວໃດ ? ສຳລັບວິຖີຊີວິດໃນປັດຈຸບັນຂອງຄົນເຮົານັ້ນ ຕ້ອງເອີ້ນໄດ້ວ່າມີສິ່ງກະຕຸ້ນ ຫລື ສິ່ງດຶງດູດຢ່າງຫລວງຫລາຍ ເຮັດໃຫ້ວິຖີຊີວິດປ່ຽນໄປຈາກແຕ່ກ່ອນຫລາຍຢ່າງ ເຊັ່ນ : ຈາກທີ່ເຄີຍນອນແຕ່ຫົວຄໍ່າ ຫລັງຈາກເລີກວຽກມາໃນແຕ່ລະມື້ ກໍປ່ຽນເປັນນອນເດິກຫລາຍຂຶ້ນ ສິ່ງທີ່ຕາມມາກໍຄື ການພັກຜ່ອນໜ້ອຍ ເຊິ່ງແນ່ນອນວ່າສົ່ງຜົນເສຍຕໍ່ຮ່າງກາຍໄດ້ຫລາຍຢ່າງ ເຊັ່ນ : ສະໝອງພັກຜ່ອນບໍ່ພໍ ເຮັດໃຫ້ຄວາມສາມາດເຮັດວຽກໄດ້ບໍ່ເຕັມທີ່, ດວງຕາດຳຄຳ້ ຕະຫລອດຮອດບັນຫາສຸຂະພາບດ້ານອື່ນໆ. ດັ່ງນັ້ນ, ສຳລັບຄົນທີ່ນອນໜ້ອຍ ມື້ນີ້ພວກເຮົາຈຶ່ງມາແນະນຳອາຫານທີ່ເໝາະສົມກັບການກິນເພື່ອຊ່ວຍຟື້ນຟູຮ່າງກາຍສຳລັບຄົນທີ່ພັກຜ່ອນໜ້ອຍໂດຍສະເພາະ ດັ່ງນີ້ :

  1. ອາຫານປະເພດນຳ້ເຕົ້າຫູ້, ໄຂ່, ຊີ້ນປາ ແລະ ຖົ່ວ : ເຊິ່ງໃນອາຫານປະເພດດັ່ງກ່າວນັ້ນຈະມີສານອາຫານທີ່ເອີ້ນວ່າ ໂຄລີນ (Choline) ໂດຍສານດັ່ງກ່າວນີ້ຈະເປັນສານອາຫານສຳລັບສະໝອງ ເພາະວ່າພຶດຕິກຳການນອນໜ້ອຍຈະເຮັດໃຫ້ສະໝອງບໍ່ສາມາດທີ່ຈະສະກັດອາຫານເອງໄດ້. ດັ່ງນັ້ນ, ຕ້ອງເພີ່ມສານອາຫານດັ່ງກ່າວໃຫ້ແກ່ສະໝອງເອງ ໂດຍການກິນເຕົ້າຫູ້, ຊີ້ນປາ, ໄຂ່ ແລະ ຖົ່ວ.
  2. ເຂົ້າເໝົ້າ, ເຂົ້າກໍ່າ, ເຂົ້າເບລ ແລະ ທັນຍາພືດຕ່າງໆ : ເປັນການຕື່ມກາບ້າ (GABA) ຕະຫລອດຮອດວິຕາມິນ B ທີ່ອຸດົມຢູ່ໃນເຂົ້າເຫລົ່ານີ້ ແລະ ທັນຍາພືດຕ່າງໆ ຈະຊ່ວຍກະຕຸ້ນການເຮັດວຽກຂອງສະໝອງ ແລະ ຊ່ວຍໃຫ້ສະໝອງເກີດການຕື່ນໂຕສົດຊື່ນຫລາຍພໍສຳລັບການເຮັດວຽກ ຫລື ການໃຊ້ຊີວິດໃນມື້ນັ້ນ. ນອກຈາກນີ້, ເຂົ້າ ຫລື ທັນຍາພືດຕ່າງໆຍັງສາມາດກິນໄດ້ໃນຮູບແບບຜະລິດຕະພັນພ້ອມດື່ມ ຫາຊື້ໄດ້ງ່າຍຕາມຮ້ານຄ້າທົ່ວໄປ.
  3. ຊັອກໂກແລັດດຳ ຫລື ດ໊າກຊັອກໂກແລັດ ລວມເຖິງເຄື່ອງດື່ມປະເພດໂກໂກ້ : ເປັນອາຫານທີ່ເໝາະສົມສຳລັບຄົນນອນໜ້ອຍຫລາຍກ່ວາກາເຟໃນຕອນເຊົ້າໆ ເພາະໃນໂກໂກ້ ຫລື ດ໊າກຊັອກໂກແລັດນັ້ນຈະມີສານຟລາໂວນອຍທີ່ຊ່ວຍກະຕຸ້ນໃຫ້ເລືອດຂຶ້ນໄປຫລໍ່ລ້ຽງສະໝອງ ແລະ ຫົວໃຈ ເຮັດໃຫ້ເກີດຄວາມສົດຊື່ນຫລາຍກ່ວາກາເຟ. ນອກຈາກນັ້ນ ສານຟລາໂວນອຍໃນດ໊າກຊັອກໂກແລັດ ຫລື ໂກໂກ້ ຍັງຊ່ວຍປ້ອງກັນບັນຫາເລື່ອງຄວາມດັນເລືອດນຳອີກ.
  4. ນຳ້ໃບຜັກໜອກ : ເປັນເຄື່ອງດື່ມທີ່ຄວນດື່ມໃນຕອນເຊົ້າ ພາຍຫລັງຈາກການພັກຜ່ອນໜ້ອຍ ເພາະເມື່ອຮ່າງກາຍພັກຜ່ອນໜ້ອຍອາດຈະເກີດການອັກເສບຂອງພາກສ່ວນອະໄວຍະວະຕ່າງໆ ທັງພາຍໃນ ແລະ ພາຍນອກ ໂດຍເມື່ອເຮົາດື່ມນຳ້ໃບຜັກໜອກ ມັນຈະເຂົ້າໄປປັບຄວາມດຸ່ນດ່ຽງ ແລະ ແກ້ອາການອັກເສບຕ່າງໆທີ່ເກີດຂຶ້ນກັບຮ່າງກາຍ. ນອກຈາກນັ້ນແລ້ວ ໃບຜັກໜອກຍັງມີຄຸນສົມບັດສ້າງຄວາມສົດຊື່ນໃຫ້ແກ່ຮ່າງກາຍ ດັ່ງນັ້ນ ຫາກດື່ມນຳ້ໃບຜັກໜອກໃນຕອນເຊົ້າຫລັງຈາກພັກຜ່ອນໜ້ອຍ ຈະເຮັດໃຫ້ສົດຊື່ນ ແລະ ຮ່າງກາຍສົມບູນພ້ອມສຳລັບພາລະກິດຕ່າງໆ.
  5. ຖົ່ວປະເພດຕ່າງໆ : ການກິນຖົ່ວເປັນອາຫານເຊົ້າ ຫລັງຈາກຄໍ່າຄືນທີ່ພັກຜ່ອນໜ້ອຍ ຈະຊ່ວຍໃຫ້ຮ່າງກາຍພ້ອມສຳລັບການເຮັດພາລະກິດໃນແຕ່ລະມື້ ເພາະວ່າຖົ່ວຈະມີໂປຣຕິນ ແລະ ສານອາຫານປະເພດໂປຕັສຊຽມ ເຊິ່ງຈະຊ່ວຍເສີມສ້າງ ແລະ ຟື້ນຟູລະບົບປະສາດ ແລະ ສະໝອງ. ດັ່ງນັ້ນ, ບອກໄດ້ເລີຍວ່າຫາກພັກຜ່ອນໜ້ອຍແລ້ວກິນຖົ່ວ ມີປະໂຫຍດ ແລະ ສົດຊື່ນຢ່າງແນ່ນອນ.
ອາຫານຕື່ມພະລັງໃຫ້ຄົນພັກຜ່ອນໜ້ອຍ - Wave100S AD to Website 2020 0 - ອາຫານຕື່ມພະລັງໃຫ້ຄົນພັກຜ່ອນໜ້ອຍ
ອາຫານຕື່ມພະລັງໃຫ້ຄົນພັກຜ່ອນໜ້ອຍ - WhatsApp Image 2020 05 27 at 5 - ອາຫານຕື່ມພະລັງໃຫ້ຄົນພັກຜ່ອນໜ້ອຍ
ອາຫານຕື່ມພະລັງໃຫ້ຄົນພັກຜ່ອນໜ້ອຍ - WhatsApp Image 2020 05 27 at 5 - ອາຫານຕື່ມພະລັງໃຫ້ຄົນພັກຜ່ອນໜ້ອຍ
error: Alert: ເນື້ອຫາຂ່າວມີລິຂະສິດ !!