ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່

ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່ - 205 - ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່
ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່ - Untitled design - ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່

ຍັງມີຫລາຍພື້ນທີ່ມໍລະດົກ ຖືກບຸກລຸກ ແລະ ໄດ້ຮັບຜົນກະທົບໂດຍກົງ ແລະ ທາງອ້ອມ ຈາກການຂະຫຍາຍຕົວ ຂອງການພັດທະນາໃນໄລຍະໃໝ່, ບາງບ່ອນກໍບໍ່ທັນເຫັນໄດ້ເຖິງຄວາມໝາຍຄວາມສຳຄັນ ແລະ ຄຸນຄ່າຂອງມໍລະດົກ, ບໍ່ທັນເອົາໃຈໃສ່ປົກປັກຮັກສາຢ່າງມີລະບົບຖືກຕ້ອງ ຕາມລະບຽບກົດໝາຍ ແລະ ຫລັກການທາງດ້ານວິຊາການ, ຊຶ່ງພາໃຫ້ແຫລ່ງມໍລະດົກ ຕົກຢູ່ໃນພາວະຄວາມສ່ຽງຕໍ່ການສູນເສຍ ແລະ ຖືກທຳລາຍ. ສະນັ້ນຕໍ່ກັບບັນຫານີ້ ຈຶ່ງຂໍຮຽກຮ້ອງມາຍັງທຸກພາກສ່ວນທີ່ກ່ຽວຂ້ອງຕ້ອງໄດ້ເອົາໃຈໃສ່ປົກປັກຮັກສາ ແລະ ເຂັ້ມງວດກວດຂັນກວ່າເກົ່າ ເພື່ອໃຫ້ມໍລະດົກຂອງໂລກ ແລະ ຂອງຊາດມີຄວາມຍືນຍົງຕະຫລອດໄປ. ນີ້​ແມ່ນ​ຄຳ​ເຫັນ​ຂອງທ່ານ ທອງໃບ ໂພທິສານ ຫົວໜ້າກົມມໍລະດົກ ກ່າວໃນກອງປະຊຸມຄະນະກຳມະການລະດັບຊາດເພື່ອມໍລະດົກໂລກ ຄັ້ງທີ 9 ເຊິ່ງຈັດຂຶ້ນໃນວັນທີ 20 ສິງຫານີ້ ທີ່ຫໍວັດທະນະທຳແຫ່ງຊາດ ໂດຍການເປັນປະທານຂອງທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ.

ກອງປະຊຸມ​ໄດ້ປຶກສາຫາລືໃຫ້ທິດຊີ້ນໍາກ່ຽວກັບການປົກປັກຮັກສາມໍລະດົກໂລກທັງ 3 ແຫ່ງຂອງລາວຄື: ມໍລະດົກໂລກຫລວງພະບາງ, ວັດພູຈຳປາສັກ ແລະ ການປົກປັກຮັກສາມໍລະດົກໂລກທົ່ງໄຫຫີນ ແຂວງຊຽງຂວາງ. ພ້ອມການກະກຽມດ້ານເອກະສານ ​ແລະ ຄຳຮ້ອງນຳສະເໜີອຸທິຍານແຫ່ງຊາດຫີນໜາມໜໍ່ ເມືອງບົວລະພາ ແຂວງຄຳມ່ວນ ເຂົ້າເປັນມໍລະດົກໂລກທາງທຳມະຊາດຮ່ວມຊາຍແດນກັບ ສສ.ຫວຽດນາມ ແລະ ການຈັດຕັ້ງປະຕິບັດພັນທະຂອງ ສປປ ລາວ ຕໍ່ສົນທິສັນຍາສາກົນຂອງກອງເລຂາຄະນະກຳມາທິການແຫ່ງຊາດລາວ ເພື່ອອົງການອຸຍແນັສໂກ.

ທ່ານ ທອງໃບ ໂພທິສານ ໃຫ້ຮູ້ວ່າ: ປັດຈຸບັນພວກເຮົາມີ “ສຽງແຄນເຊື້ອຊາດລາວ” ໄດ້ເປັນມໍລະດົກໂລກທາງນາມມະທຳແລ້ວ ​ແລະ ກຳລັງກະກຽມຮ່າງຄຳຮ້ອງນຳສະເໜີ “ລຳວົງລາວ” ແລະ “ຜ້າຕໍ່າພື້ນເມືອງລາຍນາກ” ອີກ​ດ້ວຍ.

ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່ - Wave100S AD to Website 2020 0 - ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່
ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່ - WhatsApp Image 2020 05 27 at 5 - ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່
ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່ - WhatsApp Image 2020 05 27 at 5 - ຍັງມີຫລາຍພື້ນທີ່ມໍລະດົກຖືກບຸກລຸກ ຈາກການພັດທະນາໃນໄລຍະໃໝ່
error: Alert: ເນື້ອຫາຂ່າວມີລິຂະສິດ !!