ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ

ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ - 555 48 - ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ
ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ - Untitled design - ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ

ເນື່ອງໃນໂອກາດວັນສ້າງຕັ້ງສື່ມວນຊົນ ແລະ ການພິມຈຳໜ່າຍຄົບຮອບ 70 ປີ (13/8/1950 -13/8/2020) ເຊົ້າວັນທີ 20​ ສິງຫານີ້ຄະນະສື່ມວນຊົນລາວ ນຳໂດຍທ່ານສະຫວັນຄອນ ລາຊະມຸນຕຣີ ຮອງລັດຖະມົນຕີ ກະຊວງ ຖວທ ໄດ້ຢ້ຽມຢາມໂຄງການພັດທະນາເຂດບຶງທາດຫລວງທີ່ນະຄອນຫລວງວຽງຈັນ ໂດຍແມ່ນການລົງທຶນຂະໜາດໃຫຍ່ ຈາກນັກລົງທຶນ ສປ ຈີນ ເພື່ອສ້າງຄວາມສາມັກຄີຮັກແພງຊ່ວຍເຫລືອເຊິ່ງກັນແລະກັນ ໃນການໂຄສະນາເຜີຍແຜ່ຜົນສຳເລັດເບື້ອງຕົ້ນຂອງໂຄງການດັ່ງກ່າວ ເຊິ່ງຈະເປັນທ່າແຮງຊ່ວຍກະຕຸກຊຸກຍູ້ການພັດທະນາເສດຖະກິດ-ສັງຄົມ ຂອງລາວ ໃຫ້ນັບມື້ເຕີບໃຫຍ່ເຂັ້ມແຂງ ແລະຫັນປ່ຽນໂສມໜ້າໃໝ່ນະຄອນຫລວງວຽງຈັນໄປສູ່ທັນສະໄໝເທື່ອລະກ້າວ.

ເຂດເສດຖະກິດພິເສດບຶງທາດຫລວງ ແມ່ນການລົງທຶນຂອງກຸ່ມບໍລິສັດອະສັງຫາລິມະຊັບ ຫວ່ານ ເຫິງ ຊຽງໄຮ ປະເທດຈີນ ເມື່ອທ້າຍປີ 2011 ເປັນຕົ້ນມາ ໃນເນື້ອທີ່ທັງໝົດ 365 ເຮັກຕາ, ຕັ້ງຢູ່ໃຈກາງນະຄອນຫລວງງຽງຈັນ ມີສະພາບແວກລ້ອມທີ່ດີ ແລະ ການສັນຈອນໄປມາສະດວກສະບາຍ ຄາດວ່າຈະມີມູນຄ່າການລົງທຶນທັງໝົດ 5 ຕື້ໂດລາສະຫະລັດ ໂດຍຈະໃຫ້ມີມີຮ້ານ​ສັບ​ພະ​ສິນຄ້າ, ສະ​ຖາ​ບັນ​ການ​ເງິນ, ການທະນາຄານ, ຕຶກ​ຄອນ​ໂດ​ມິ​ນ້ຽມ ທີ່​ສາມາດນຳ​ໃຊ້​ເປັນ​ຫ້ອງການ​ຂອງ​ອົງການ​ຈັດ​ຕັ້ງ​ຕ່າງໆ​ໄດ້, ພ້ອມ​ທັງມີສະຖານ​ທີ່​ບັນ​ເທີ​ງ, ຮ້ານ​ອາຫານ-ຮ້ານ​ກິນ​ດື່ມ, ສະຖານ​ທີ່​ພັກຜ່ອນ​, ​ໂຮງ​ແຮມລະດັບ 5 ດາວ, ​ໂຮງຮຽນ​ນາໆ​ຊາດ ​ແລະ ​ໂຮງໝໍ​ລະດັບ​ມາດຕະຖານ​ສາກົນ ​ແລະ ມີສະຖາ​ນທີ່​ວັດທະນະທຳ​ເຊັ່ນ: ຮູບພະອົງໃຫຍ່, ສວນສະໜຸກ ​ແລະ ອື່ນ​ໆ ​ເພື່ອ​​ໃຫ້​ຄວາມ​ສະດວກ​ສະບາຍ​​ຕາມ​ຄວາມ​ຕ້ອງການຂອງສັງຄົມກ

ໂຄງການ​ນີ້ ມີ​ໄລຍະ​ສຳ​ປະທານ​ຍາວ​ເຖິງ 99 ປີ, ມີ​ໃບ​ຢັ້ງຢືນ​ກຳມະສິດ​ອອກ​ໃຫ້​ໂດ​ຍລັດຖະບານລາວ,​ໃນ​ນັ້ນ ຄົນ​ຕ່າງປະ​ເທດ​ມີ​ສິດ​ນຳ​ໃຊ້​ເຖິງ 99 ປີ ​ແລະ ຄົນ​ລາວ​​ສາມາດ​ນຳ​ໃຊ້ຖາວອນ. ເມື່ອ​ໂຄງການ​ນີ້ ສຳ​ເລັດຈະປະກອບ ສ່ວນ​ສຳຄັນ​ຕໍ່​ການ​ພັດທະນາ​ເສດຖະກິດ​ຂອງ​ລາວ ແບບ​ກ້າວ​ກະ​ໂດດ​, ​ໂດຍ​ສະ​ເພາະ​ນັກ​ລົງ​ທຶນ​ຈາກ​ຕ່າງປະ​ເທດຈະ​ຫັນ​ເຂົ້າ​ມາ​ລົງ​ທຶນ​ໃນລາວ​ຫລາຍ​ຂຶ້ນ​ຢ່າງ​ແນ່ນອນ. ​ເນື່ອງ​ຈາກ​ວ່າສິດທິ​ສຳ​ລັບ​ຄົນ​ຕ່າງປ​ະ​ເທດ​ແມ່ນ​ມີ​ຢ່າງ​ຫລວງຫລາຍ, ​ໂດຍສ​​ເພາະ​ຊື້​ຫ້ອງ​​ມູນ​ຄ່າ​ເກີນ 2 ​ແສນ​ໂດ​ລາ​ສະຫະລັດ​ຂຶ້ນ​ໄປ, ຈະ​ໄດ້​ຮັບ​ອະນຸຍາດ​ພັກ​ອາ​ໄສ​ໄລຍະ​ຍາວ, ມີ​ວີ​ຊາ​ເຂົ້າ-ອອກ​ ​ໃນ​ໄລຍະ 5 ປີ​ຂຶ້ນ​ໄປ, ພ້ອມ​ທັງມີນະ​​ໂຍບາຍ​ພິ​ເສດ​ດ້ານ​ພາສີ-ອາກອນ​ແກ່​ຜູ້​ລົງທຶນ​ອີກດ້ວຍ.

ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ - Wave100S AD to Website 2020 0 - ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ

 

ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ - WhatsApp Image 2020 05 27 at 5 - ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ
ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ - WhatsApp Image 2020 05 27 at 5 - ສື່ມວນຊົນລາວຢ້ຽມຢາມເຂດພັດທະນາບຶງທາດຫລວງ
error: Alert: ເນື້ອຫາຂ່າວມີລິຂະສິດ !!