ຕຳແລ້ວໜີຄະດີຕ້ອງໜັກ

ຕຳແລ້ວໜີຄະດີຕ້ອງໜັກ - 555 49 - ຕຳແລ້ວໜີຄະດີຕ້ອງໜັກ
ຕຳແລ້ວໜີຄະດີຕ້ອງໜັກ - AGL banner - ຕຳແລ້ວໜີຄະດີຕ້ອງໜັກ

ໂດຍ: ມຶກບໍ່ແຫ້ງ

ອຸບັດຕິເຫດຕາມທ້ອງຖະໜົນໂດຍສະເພາະແມ່ນການຕໍາແລ້ວໜີນັ້ນຖືວ່າເປັນເລື່ອງໄຮ້ມຸດສະທຳທີ່ສຸດໃນສັງຄົມກໍວ່າໄດ້ ຜູ້ຂຽນຂໍເລົ່າປະສົບການຂອງຜູ້ປະສົບເຄາະຮ້າຍສູ່ຟັງ.

ເນື່ອງຈາກໄດ້ທຽວໄປເບິ່ງຄົນໃນຄອບຄົວທີ່ປິ່ນປົວຢູ່ໂຮງໝໍມິດຕະພາບທີ່ເປັນບ່ອນປິ່ນປົວເລື່ອງການກະທົບທີ່ດີທີ່ສຸດຂອງລາວເລີຍໄດ້ເຫັນຄອບຄົວໜຶ່ງທີ່ພົບພໍ້ກັບການຖືກຕໍາແລ້ວໜີເຊິ່ງເປັນເລື່ອງທີ່ໜ້າຫົດຫູ່ທີ່ສຸດ.

ທ້າວສົມໝາຍ (ນາມສົມມຸດ) ອາຍຸ 28 ປີມີຖິ່ນຖານບ້ານເກີດຢູ່ແຂວງຊຽງຂວາງລາວບໍ່ມີໂອກາດໄດ້ຮຽນໜັງສືເພາະຄອບຄົວທຸກຍາກຫຼາຍເລີຍຮຽນຈົບແຕ່ ມ 3 ເລີຍເດີນທາງມານະຄອນຫຼວງວຽງຈັນເພື່ອປະກອບອາຊີບຮັບຈ້າງ, ລາວເຮັດຫຼາຍຢ່າງນັບແຕ່ ການເປັນພະນັກງານເສີບອາຫານແລະມາຮອດປັດຈຸບັນກໍປະກອບອາຊີບເປັນກຳມະກອນ.

ມື້ໜຶ່ງທີ່ລາວເລີກວຽກອ່າວເດິກປະມານ 9 ໂມງກາງຄືນຍ້ອນຊໍ້າວຽກເຊິ່ງລາວກຳລັງຂັບລົດຈັກກັບຫ້ອງແຖວນັ້ນ ​ໄດ້ມີລົດກະບະຂັບມາຕໍາເອົາທາງຫຼັງເມື່ອຮູ້ເມື່ອຄີງກໍຢູ່ໂຮງໝໍແລ້ວເຊິ່ງໝໍໄດ້ ບົ່ງມະຕິວ່າຂາລາວຫັກສອງບັ້ນຈຳເປັນຕ້ອງຜ່າຕັດໃສ່ເຫຼັກເຊິ່ງລາຄາປິ່ນປົວກໍຕົກຢູ່ 4 ລ້ານປາຍກີບເຊິ່ງອາດບໍ່ແພງເກີນໄປສຳລັບຫຼາຍຄົນແຕ່ສຳລັບຄອບຄົວສົມໝາຍນັ້ນຖືວ່າແພງຫຼາຍ.

ສົມໝາຍບໍ່ຮູ້ວ່າແມ່ນໃຜຕໍາຊໍ້າ, ລາວບໍ່ທັນຈື່ຮອດປ້າຍລົດແລະແມ່ນແຕ່ບຸນທີ່ໜ່ວຍອາສາສະໝັກກູ້ໄພໄດ້ເອົາສົມໝາຍມາສົ່ງໂຮງໝໍ ເມື່ອເປັນເຊັ່ນນັ້ນຄ່າໃຊ້ຈ່າຍໃນການປິ່ນປົວຈຶ່ງຕົກເປັນຂອງຄອບຄົວສົມໝາຍທັງໝົດ.

ຍ້ອນຄອບຄົວທຸກຍາກພໍ່ແມ່ ແລະເອື້ອຍອ້າຍນ້ອງບໍ່ໄດ້ເຮັດຫຍັງທີ່ເປັນອາຊີບແນ່ນອນເພາະສະນັ້ນສົມໝາຍຈຶ່ງແມ່ນຜູ້ທີ່ຫາລາຍໄດ້ ສົ່ງໃຫ້ຄອບຄົວເລື້ອຍມາແຕ່ລາວເກີດເຫດແບບນີ້ ກໍຈະເຮັດໃຫ້ ລາຍໄດ້ ຂອງຄອບຄົວສູນເສຍໄປແລະສົມໝາຍກໍບໍ່ໄດ້ເຮັດວຽກທີ່ວ່າມີປະກັນສັງຄົມຫຍັງເລີຍ, ລາວບໍ່ສາມາດໄປວຽກໄດ້ ກໍບໍ່ໄດ້ ຄ່າແຮງງານເລີຍ.

ຕຳແລ້ວໜີຄະດີຕ້ອງໜັກ - Wave100S AD to Website 2020 0 - ຕຳແລ້ວໜີຄະດີຕ້ອງໜັກ

ແມ່ຂອງສົມໝາຍແລະນ້ອງສາວເດີນທາງມາຮອດໂຮງໝໍໃນມື້ຕໍ່ມາທີ່ມີເງິນໃນຖົງບໍ່ຮອດ 4 ລ້ານກີບເພື່ອຜ່າຕັດ, ເພາະສະນັ້ນຄອບຄົວຂອງສົມໝາຍຈຶ່ງໄດ້ ຢືມຜູ້ອື່ນກ່ອນ, ນັ້ນກໍໝາຍຄວາມວ່າເຂົາເຈົ້າຕ້ອງເປັນໜີ້ ແລະກວ່າສົມໝາຍຈະສາມາດຍ່າງໄດ້ນັ້ນກໍຕ້ອງໃຊ້ເວລາ 2-3​ ເດືອນ.

ຜູ້ຂຽນໄດ້ລົມກັບແມ່ສົມໝາຍອ່າວດົນແດ່ ເພາະຢູ່ຫ້ອງດຽວເພື່ອປິ່ນປົວກັບຄົນໃນຄອບຄົວຂອງຜູ້ຂຽນແລະເມື່ອເລື່ອງລາວເຊັ່ນນັ້ນກໍເຫັນອົກເຫັນໃຈຕໍ່ຜູ້ຖືກເຄາະຮ້າຍເຊັ່ນນີ້ເຫຼືອເກີນ.

ເຖິງວ່າບ້ານເມືອງຢູ່ໃນຍາມຈຳກັດໃນການເດີນທາງ, ການຊຸມແຊວຕ່າງໆ ແຕ່ບັນຫາອຸບັດຕິເຫດຕາມທ້ອງຖະໜົນກໍຍັງມີຫຼາຍ, ຮ້າຍແຮງໄປກວ່ານັ້ນກໍແມ່ນປະກົດການຕຳແລ້ວໜີແມ່ນມີໃຫ້ເຫັນເປັນປະຈຳ. ເມື່ອພວກເຮົາເຫັນໃນກໍລະນີຂອງຄອບຄົວສົມໝາຍນັ້ນກໍຍິ່ງຫົດຫູ່ໃຈທີ່ສຸດ, ຖ້າຜູ້ຕຳຮັບຜິດຊອບຄອບຄົວຂອງສົມໝາຍກໍຈະບໍ່ເດືອດຮ້ອນເລື່ອງເງິນຄຳເຖິງກັບເປັນໜີ້ກໍເປັນໄປໄດ້.

ເພາະສະນັ້ນ, ພວກຕ້ອງມີມາດຕະການໃສ່ໂທດຜູ້ຕຳແລ້ວໜີນີ້ໃຫ້ໜັກທີ່ສຸດບໍ່ວ່າກໍລະນີໃດເພື່ອໃຫ້ຮູ້ວ່າການຂາດຄວາມຮັບຜິດຊອບແບບນີ້ນັ້ນມັນສ້າງຄວາມເດືອດຮ້ອນໃຫ້ຜູ້ອື່ນຫຼາຍສໍ່າໃດແລະໃນປັດຈຸບັນບັນດາກ້ອງວົງຈອນປິດຕາມເສັ້ນທາງສາຍຕ່າງໆ ກໍຖືວ່າເປັນການດີທີ່ຈະມີໂອກາດຈັບຜູ້ຕຳແລ້ວໜີໄດ້ຫຼາຍຂຶ້ນ.

ຕຳແລ້ວໜີຄະດີຕ້ອງໜັກ - lattana banner - ຕຳແລ້ວໜີຄະດີຕ້ອງໜັກ
ຕຳແລ້ວໜີຄະດີຕ້ອງໜັກ -    AD conten website - ຕຳແລ້ວໜີຄະດີຕ້ອງໜັກ
ຕຳແລ້ວໜີຄະດີຕ້ອງໜັກ - lattana banner 1 - ຕຳແລ້ວໜີຄະດີຕ້ອງໜັກ
error: Alert: ເນື້ອຫາຂ່າວມີລິຂະສິດ !!