BLOGGER ມີທັງດີ ແລະ ທັງຮ້າຍ

blogger ມີທັງດີ ແລະ ທັງຮ້າຍ -                                                                       4                                               14 1 - BLOGGER ມີທັງດີ ແລະ ທັງຮ້າຍ
blogger ມີທັງດີ ແລະ ທັງຮ້າຍ - Untitled design - BLOGGER ມີທັງດີ ແລະ ທັງຮ້າຍ

ອີດູຕົນ BLOGGER ທີ່ກິນຫຼາຍເກີນໄປຈົນເສຍຊີວິດກ່ອນຈະ ໄລ້ສົດ (LIVETREAM), ນີ້ແຫຼະເຂົາວ່າເຮັດອາຊີບໃດຕາຍນຳອາຊີບນັ້ນ.

ໃນຊຸມປີມໍ່ໆມານີ້,  livestream ເປັນອາຊີບໜຶ່ງທີ່ໂດ່ງດັງ ແລະ ເກັບເງິນໄດ້ເປັນກອບເປັນກຳ ອັນເຮັດໃຫ້ຫຼາຍຄົນຝາກຄວາມຫວັງໄວ້ກັບມັນ. ເຊັ່ນ ໄລ້ສົດການຂາຍສິນຄ້າ, ໄລ້ສົດການຫຼີ້ນເກມ ແລ້ວກໍກິນໄປພ້ອມ, ແຕ່ຢູ່ເບື້ອງຫຼັງຂອງມັນເຕັມໄປດ້ວຍຄວາມສ່ຽງທີ່ອັນຕະລາຍທີ່ຄົນເຮົາບໍ່ສາມາດຮູ້ໄດ້.

ຍົກຕົວຢ່າງວ່າ: ສ້າງວີດິໂອກ່ຽວກັບເລື່ອງກິນຂຶ້ນມາ, ຄົນຈຳນວນໜື່ງເວົ້າວ່າທັງໄດ້ກິນທັງໄດ້ເງິນ, ສະໜຸກປານນີ້ແລ້ວສິເຮັດແນວໃດອີກ? ຄົນຈຳພວກນີ້ ກໍຈະພົບກັບບັນຫາສຸຂະພາບ ຖ້າຫາກບໍ່ປັບປຸງໃຫ້ມີຄວາມເໝາະສົມ. ໃນຫວ່າງມໍ່ໆມານີ້, ມີ BLOGGER ໜຶ່ງກິນກ່ອນ ກ່ອນທີ່ຈະອອກອາກາດ ບັງເອີນໄດ້ເສຍຊີວິດ ໃນໄວອາຍຸພຽງ 30 ປີເທົ່ານັ້ນ. ຈັ່ງແມ່ນເປັນໜ້າໂສກເສົ້ານຳ.

BLOGGER ດັ່ງກ່າວໄດ້ດຳເນີນອາຊີບມາໄດ້ພຽງ 1 ປີ, ມີຫຼາຍຮັບທີ່ສາມາດເວົ້າໄດ້ວ່າສູງສົມຄວນ, ແຟນເພຈ ກໍຫຼວງຫຼາຍ. ແຕ່ກົງກັນຂ້າມນໍ້າໜັກຂອງເຂົາເພີ່ມຂຶ້ນເລື້ອຍໆ ຈາກ100kg ຂຶ້ນເປັນ 140kg ພາຍໃນເຄິ່ງປີ.

ເລື່ອງທີ່ວ່ານີ້ ເກີດຂຶ້ນກັບທ້າວ ເວືອງ ຢູ່ມົນທົນ ເສີນຫຍາງ ປະເທດຈີນ. ໃນຂະນະທີ່ກຳລັງກະກຽມໃຫ້ແກ່ການ ໄລ້ສົດຢູ່ນັ້ນ, ບັງເອີນເຂົາຖືກຫຼ່ອຍໄປທັງຕົວ, ລາຍຕາ ແລະ ອາການອື່ນໆເກີດຂຶ້ນ. ໂຮງໝໍພະຍາຍາມກູ້ເອົາຊີວິດຂອງເຂົາໄວ້ຕະຫຼອດ 7 ວັນ ແຕ່ກໍບໍ່ສາມາດຈະເຮັດຫຍັງໄດ້ເລີຍ.

ຜູ້ເປັນເມຍຂອງເຂົາເລົ່າວ່າ: “ກ່ອນທີ່ຈະໄລ້ສົດ, ບັງເອີນເຂົາວິນຫົວລາຍຕາ ແລະ ເປັນຫຼ່ອຍຕາມຕີນມື, ເຫັນບໍ່ເປັນທ່າ ເຂົາໄດ້ບອກໃຫ້ຂ້ອຍໂທຫາ 120. ເຮືອນຂອງພວກຂ້ອຍຫ່າງຈາກໂຮງໝໍປະມານ 10 ນາທີ, ແຕ່ເມື່ອໄປເຖິງໂຮງໝໍ, ສະພາບຂອງເຂົາໜັກໜ່ວງຈົນໜ້າເປັນຫ່ວງ, ຕາຂອງເຂົາເບີ່ງບໍ່ເຫັນຫຍັງ, ນອກຈາກນັ້ນບາງຄັ້ງຄາວກໍໝົດສະຕິໄປ ແລະ ເກີດອາການອື່ນໆຕື່ມອີກ”

ພາຍຫຼັງຖ່າຍ  CT ແລະ ກວດເລືອດແລ້ວ, ທ່ານໝໍໄດ້ພົບເຫັນເຂົາມີຄວາມດັນເລືອດສູງໃນສະໝອງ, ອາການຢູ່ຂັ້ນອັນຕະລາຍ. ພາຍຫຼັງປິ່ນປົວຢູ່ໂຮງໝໍໄດ້ 1 ອາທິດ ແຕ່ອາການບໍ່ດີຂຶ້ນ ແລະ ໃນທີ່ສຸດເຂົາກໍເສຍຊີວິດ.

ໃນຄວາມເປັນຈິງແລ້ວ, ກ່ອນໜ້ານັ້ນເຂົາໄດ້ກິນຢາ, ແຕ່ເນື່ອງຈາກວ່າກິນຫຼາຍ ເພື່ອການໄລ້ສົດ ເຂົາກໍກິນແບບເນື່ອງນິດລຽນຕິດ ແລະ ໃນທີ່ສຸດເງິນທີ່ຫາມາໄດ້ແມ່ນຫຼາຍແທ້ ແຕ່ຕົນເອງພັດຕາຍໄປ.

ຄວນກິນດ້ວຍຄວາມສຸພາບ ແລະ ພຽງພໍ

blogger ມີທັງດີ ແລະ ທັງຮ້າຍ - Wave100S AD to Website 2020 0 - BLOGGER ມີທັງດີ ແລະ ທັງຮ້າຍ

ການກິນຕອງອີງໃສ່ກົດເກນທຳມະຊາດ ແລະ ວິທະຍາສາດ, ກິນຫຼາຍອີ່ມດົນມີຜົນສຮ້າຍຕໍ່ສູຂະພາບ ແລະ ບໍ່ມີປະໂຫຍດຫຍັງ. ຫຼາຍຄົນຮູ້ດີວ່າກິນຫຼາຍມີຜົນຮ້າຍຕໍ່ສູຂະພາບ ແຕ່ຍ້ອນເຫັນແກ່ເງິນເປັນໃຫ່ຍ ຈຶ່ງຕ້ອງເຮັດໄປດ້ວຍຄວາມສ່ຽງ ແລະ ໃນທີ່ສຸດກໍທຳລາຍຊີວິດຂອງຕົນເອງ.

ຍິ່ງກ່ວານັ້ນ, ຍັງມີການກິນແບບປອມແປງດ້ວຍການຕັດຕໍ່. ມີບາງການໄລ້ສົດຍັງເຂົ້າຫ້ອງນໍ້າເພື່ອຮາກອອກພາຍຫຼັງກິນຢ່າງຂະໜາກໜັກ, ອັນທີ່ເອີ້ນກັນວ່າ ”ປວດຮາກ” ຮອບວຽນ. ການທີ່ເຮັດຄືແນວນັ້ນຈະມີຜົນສະທ້ອນເປັນໄລຍະຍາວຕໍ່ສຸຂະພາບ ແລະ ຍັງເຮັດໃຫ້ແຟນເພຈ ເກີດຄວາມເບື່ອໜ່າຍ ເພາະມັນເປັນການຂີ້ຕົວະ ແລະ ໃນທີ່ສຸດກໍພົບເຫັນນາງສາວເກົາຫຼີໃຕ້ຄົນໜຶ່ງກິນ  Mukbang.

ເພາະສະນັ້ນ, ອາຊີບດັ່ງກ່າວນັ້ນມັນບໍ່ແມ່ນເລື່ອງທີ່ງ່າຍດາຍດັ່ງທີ່ເຮົາຄິດ, ຖ້າຫາກມີຄວາມຮັກມັກຈິງກັບອາຊີບນີ້ ກໍຕ້ອງຄວນພິຈາລະນາໃຫ້ເໝາະສົມ. ໄດ້ເງິນມາຫຼາຍແຕ່ສຸຂະພາບບໍ່ດີກໍບໍ່ມີຄວາມໝາຍຫຍັງ. ທຸກຄົນຄິດວ່າແມ່ນບໍ່?

(ຂ່າວ:ລູກເມືອງພວນ)

 

 

blogger ມີທັງດີ ແລະ ທັງຮ້າຍ - WhatsApp Image 2020 05 27 at 5 - BLOGGER ມີທັງດີ ແລະ ທັງຮ້າຍ
blogger ມີທັງດີ ແລະ ທັງຮ້າຍ - WhatsApp Image 2020 05 27 at 5 - BLOGGER ມີທັງດີ ແລະ ທັງຮ້າຍ
error: Alert: ເນື້ອຫາຂ່າວມີລິຂະສິດ !!