ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ

ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ - 555 51 - ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ
ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ - Untitled design - ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ

ຍ້ອນຫຍັງເມື່ອອາຍຸຫລາຍຂຶ້ນ ຜິວພົນຈຶ່ງຊຸດໂຊມ ແລະ ເກີດຮອຍຫ່ຽວ ? ຄຳຖາມນີ້ເກີດຂຶ້ນໃນໃຈເມື່ອເຖິງໄວ ເຊິ່ງສາເຫດທີ່ເລັ່ງໃຫ້ເຮົາເຖົ້າໄວຂຶ້ນນັ້ນແມ່ນອະນຸມູນອິດສະລະ ເປັນໂຕທຳລາຍຄວາມເປັນບ່າວເປັນສາວຂອງເຮົາ ໂດຍອະນຸມູນອິດສະລະໂຕຮ້າຍຖືກເລັ່ງໃຫ້ເກີດຈາກແສງແດດກ້າ ດ້ວຍລັງສີ UV ເກີນປົກກະຕິ, ຈາກຄວາມບົກພ່ອງຂອງບັນຍາກາດຂອງໂລກທີ່ຖືກທຳລາຍ, ມົນລະພິດຈາກໂຮງງານອຸດສາຫະກຳ, ການຕໍ່ຕ້ານຮອຍຫ່ຽວຍານ – ຮອຍຕີນກາ ແລະ ບໍ່ຈຳເປັນຕ້ອງເລີ່ມເມື່ອທ່ານເຂົ້າສູ່ໄວຊະລາ ເພາະເມື່ອມີຮອຍຫ່ຽວເກີດຂຶ້ນແລ້ວ ກໍຍິ່ງຕ້ອງຫາທາງປ້ອງກັນ ແລະ ປິ່ນປົວບໍ່ໃຫ້ຜິວເສຍຫາຍຫລາຍຂຶ້ນ ດ້ວຍວິທີການຕໍ່ໄປນີ້ ຈະຊ່ວຍຮັກສາຜິວງາມຂອງທ່ານໄວ້ໄດ້.

  1. ການຕື່ມ CollagenແລະElastin :ທີ່ຂາດຫາຍໄປຈາກແຊນຜິວ ໂດຍການຕື່ມCollagenແລະElastinອັນເປັນສ່ວນປະກອບຂອງຜິວໜັງເອົາໄວ້ ເຊິ່ງຈະເລີ່ມເສື່ອມສະຫລາຍລົງໄປເມື່ອມີອາຍຸ 25 – 30 ປີ. ປັດຈຸບັນມີການຄົ້ນຄ້ວາຫາແຫລ່ງທຳມະຊາດທີ່ຈະເພີ່ມສ່ວນປະກອບນີ້ ແລະ ເຮົາຕ້ອງຂໍຂອບໃຈນັກວິທະຍາສາດທີ່ໄດ້ວິໄຈຈົນພົບວ່າ Marine Proteinເຊິ່ງເປັນໂປຣຕິນຊະນິດພິເສດທີ່ໄດ້ຈາກປາທະເລນຳ້ເລິກ ມີສ່ວນສຳຄັນໃນການທົດແທນອົງປະກອບສຳຄັນຂອງຜິວໜັງເອົາໄວ້.
  2. ການກິນສານທີ່ຕໍ່ຕ້ານອະນຸມູນອິດສະລະ : ສານທີ່ຕໍ່ຕ້ານອະນຸມູນອິດສະລະປຽບດັ່ງວິລະບູລຸດທີ່ເກີດຈາກທຳມະຊາດຊ່ວຍກຳຈັດໂຕການສ້າງອະນຸມູນອິດສະລະໃຫ້ໝົດລິດງຽບຫາຍໄປ ບໍ່ສາມາດທຳລາຍແຊນຊັ້ນຜິວໜັງ ເຊິ່ງໄດ້ແກ່ເບຕ້າແຄໂຣທີນ, ວິຕາມິນເຊ, ວິຕາມິນເອີ ແລະ ໂດຍສະເພາະ OPC ສານສະກັດຈາກແກ່ນໝາກລະແຊັງ ເຊິ່ງເປັນສານທີ່ມີປະສິດທິພາບສູງໃນການກຳຈັດອະນຸມູນອິດສະລະ (Super Antioxidant)ມີຄຸນສົມບັດເພີ່ມຄວາມແຂງແຮງຂອງເນື້ອເຍື່ອຄໍລາເຈັນ ແລະ ອີລາສຕິນ ທີ່ປົກປ້ອງຜິວຈາກການຖືກທຳລາຍ.
  3. ການຮັກສາຄວາມຊຸ່ມຊື່ນໃຫ້ແກ່ແຊນຜິວ : ການສູນເສຍຄວາມຊຸ່ມຊື່ນຈາກແຊນຜິວ ເຮັດໃຫ້ເກີດຄວາມແຫ້ງ, ຫຍາບ ແລະ ຮອຍຫ່ຽວ ການເລືອກໃຊ້ຄຣີມທີ່ໃຫ້ຄວາມຊຸ່ມຊື່ນ (Moisturizer)ໂດຍສະເພາະຄຣີມທີ່ໃຫ້ຄວາມຊຸ່ມຊື່ນຊະນິດພິເສດ ເຊິ່ງມີປະສິດທິພາບຫລາຍກ່ວາ (Moisturizer) ໂດຍທົ່ວໄປ ສັງເກດໄດ້ຈາກສ່ວນປະສົມທີ່ມີສ່ວນປະສົມປະເພດຮີໂດຣໄລ, ອີລາສຕິນ, AHA, ໂປຣຄໍລາເຈັນ, ໂຊດຽມ, PCA ເປັນຕົ້ນ. ປັດຈຸບັນມີຜະລິດຕະພັນບາງສູດທີ່ນຳເອົາສານເຫລົ່ານີ້ມາໂຮມກັນ ເຊິ່ງໜ້າຈະເປັນໂຕເລືອກທີ່ໜ້າສົນໃຈຫລາຍ ບາງທ່ານອາດໃຊ້ວິທີກິນໂຕຊ່ວຍເພີ່ມຄວາມຊຸ່ມຊື່ນໃຫ້ແກ່ຜິວ ເຊັ່ນ : ນຳ້ມັນຈາກດອກອີບນິງພຣິມໂຣສ ຫລື ວິຕາມິນ E ທີ່ໄດ້ຈາກແຫລ່ງທຳມະຊາດຈາກເຂົ້າສາລີ (Wheatgerm Oil).
  4. ປົກປ້ອງຜິວງາມຈາກແສງແດດ : ການໃຊ້ຄຣີມກັນແດດທີ່ມີປະສິດທິພາບສູງໃນການປ້ອງກັນແສງແດດກ້າ ເຊິ່ງມີຜະລິດຕະພັນໃຫ້ເລືອກຫລວງຫລາຍ ສັງເກດໄດ້ວ່າມີສ່ວນປະສົມຂອງ Tatannuium Dioxideຈຶ່ງຊ່ວຍສະທ້ອນກັບລັງສີໄດ້ດີ ບາງຜະລິດຕະພັນອາດມີການປະສົມກັບນຳ້ມັນຈາກດອກອີບນິງພຣິມໂຮສ ກໍຊ່ວຍບຳລຸງໃຫ້ຜິວຂາວສົດໃສຂຶ້ນໄດ້.
  5. ການຜັດປ່ຽນແຊນຜິວ : ຜິວຂອງເຮົາມີການຜັດປ່ຽນແຊນຜິວໃໝ່ທຸກໆ 4 ອາທິດ, ແຕ່ໃນຜິວຜູ້ເຖົ້າຈະມີການຜັດປ່ຽນແຊນຜິວທີ່ຊ້າລົງ ຈຶ່ງມີແຊນຜິວທີ່ຕາຍແລ້ວສະສົມເທິງຜິວໜ້າຂອງເຮົາ ເຮັດໃຫ້ໝອງຄຳ້ແຫ້ງຫຍາບ ແລະ ຫ່ຽວຍານ. ການໃຊ້ຜະລິດຕະພັນທີ່ສະກັດມາຈາກໝາກໄມ້ ເຊັ່ນ : AHA ຈະຊ່ວຍເລັ່ງການຜັດປ່ຽນແຊນຜິວ ແລະ ກະຕຸ້ນການສ້າງແຊນໃໝ່ເພີ່ມຂຶ້ນ. ສູດສຳເລັດການຊະລໍຄວາມເຖົ້າແກ່ຊະລາ ການດູແລສຸຂະພາບຜິວ ຕ້ອງໃຊ້ຫລາຍວິທີປະກອບກັນຫລາຍຢ່າງດັ່ງທີ່ກ່າວມາ ການຍືດເວລາໃຫ້ກັບໂມງຈຶ່ງຕ້ອງໃຊ້ການດູແລສຸຂະພາບ, ການອອກກຳລັງກາຍ ແລະ ການຄາຍຄຽດ, ການເຮັດໃຫ້ຈິດໃຈເບີກບານ ແລະ ການກິນອາຫານທີ່ມີປະໂຫຍດ ຫາກທ່ານໄດ້ເລືອກເຕັກນິກດັ່ງກ່າວມາໃຊ້ແດ່ ທ່ານຈະເປັນເຈົ້າຂອງສຸຂະພາບຜິວທີ່ງາມຢ່າງຍາວນານ.

 

ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ - Wave100S AD to Website 2020 0 - ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ
ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ - WhatsApp Image 2020 05 27 at 5 - ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ
ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ - WhatsApp Image 2020 05 27 at 5 - ຕ້ານຄວາມເຖົ້າແກ່ຊະລາດ້ວຍຕົນເອງແບບງ່າຍໆ
error: Alert: ເນື້ອຫາຂ່າວມີລິຂະສິດ !!