5 ຂໍ້ດີຂອງການກິນອາຫານເຈ

5 ຂໍ້ດີຂອງການກິນອາຫານເຈ - 555 52 - 5 ຂໍ້ດີຂອງການກິນອາຫານເຈ
5 ຂໍ້ດີຂອງການກິນອາຫານເຈ - Untitled design - 5 ຂໍ້ດີຂອງການກິນອາຫານເຈ

ຈະເຫັນໄດ້ວ່າປັດຈຸບັນນີ້ຫລາຍຄົນຫັນມານິຍົມກິນອາຫານເຈກັນຫລາຍຂຶ້ນ ເພາະການກິນແບບນີ້ຈະຊ່ວຍໃຫ້ຮ່າງກາຍຂອງເຮົາຄ່ອຍໆກຳຈັດສ່ວນເກີນທີ່ສະສົມຢູ່ພາຍໃນ ພ້ອມກັບກຳຈັດສານພິດຕົກຄ້າງໃນຮ່າງກາຍອອກໄປໄດ້ດີນັ້ນເອງ ເຊິ່ງກໍຈະຊ່ວຍຄືນຄວາມສົດໃສ ແລະ ຄວາມເປັນບ່າວເປັນສາວໃຫ້ແກ່ເຮົາໄດ້ບໍ່ໜ້ອຍ. ນອກຈາກນີ້, ການກິນເຈຍັງແຍກອອກເປັນຫລາຍຮູບແບບ ແລະ ມີຂໍ້ດີອີກຫລວງຫລາຍ ດັ່ງນີ້ :

  • ການກິນເຈແບບແມັກໂຄຣໄບໂອຕິກ (Macrobiotig)ໝາຍເຖິງງົດເວັ້ນຜະລິດຕະພັນຈາກສັດ ແລະ ຍຶດຖືຫລັກຫຍິນ – ຫຍາງ.
  • ການກິນເຈນົມ – ໄຂ່ (Lacto Ovo Vegetarian) ໝາຍເຖິງງົດເວັ້ນຜະລິດຕະພັນຈາກສັດ, ແຕ່ກິນນົມ, ຜະລິດຕະພັນຈາກນົມ ແລະ ກິນໄຂ່.
  • ການກິນເຈໄຂ່ (Ovo Vegetarian) ໝາຍເຖິງງົດເວັ້ນຜະລິດຕະພັນຈາກສັດ, ແຕ່ກິນໄຂ່.
  • ການກິນເຈນົມ (Lacto Vegetarian)ໝາຍເຖິງງົດເວັ້ນຜະລິດຕະພັນຈາກສັດ, ແຕ່ກິນນົມ ແລະະ ຜະລິດຕະພັນຈາກນົມ.
  • ການກິນເຈແບບເຈ (J-Chinese Vegetarian) ໝາຍເຖິງງົດເວັ້ນຜະລິດຕະພັນຈາກສັດ ລວມທັງພືດທີ່ມີກິ່ນຂິວ 5 ຊະນິດ ໄດ້ແກ່ : ຜັກບົ່ວ, ຜັກທຽມ, ຜັກບົ່ວໃບ, ໃບຢາສູບ ແລະ ຫລັກກຽວ (ຜັກທຽມໂທນຈີນ).
  • ການກິນເຈບໍລິສຸດ (Pure Vegetarian)ໝາຍເຖິງງົດເວັ້ນຜະລິດຕະພັນຈາກສັດ.
  • ການກິນເຈແບບພືດສົດ (Raw Food Eater) ໝາຍເຖິງງົດເວັ້ນຜະລິດຕະພັນຈາກສັດ ແລະ ກິນພືດຜັກ – ໝາກໄມ້ທີ່ສົດດິບ ບໍ່ຜ່ານຂະບວນການຫຸງຕົ້ມໃດໆ.
  • ການກິນເຈໝາກໄມ້ (Fruitarian) ໝາຍເຖິງກິນແຕ່ໝາກໄມ້ ແລະ ຖົ່ວ.

ສ່ວນຂໍ້ດີຂອງການກິນອາຫານເຈກໍມີປະໂຫຍດຫລາກຫລາຍ ດັ່ງນີ້ :

  1. ຂັບຖ່າຍສະດວກຍ້ອນກາກໄຍໄຟເບີ :ການກິນອາຫານເຈຈະຊ່ວຍໃຫ້ຮ່າງກາຍຂອງຄົນເຮົາໄດ້ຮັບອາຫານທີ່ມີກາກໄຍໄຟເບີ ຫລື ເສັ້ນໄຍອາຫານຫລາຍຂຶ້ນ ຈຶ່ງເຮັດໃຫ້ລະບົບຂັບຖ່າຍເຮັດວຽກໄດ້ຢ່າງຄ່ອງແຄ້ວ ທັງຍັງຊ່ວຍປ້ອງກັນອາການຍື່ງທ້ອງ ຫລື ບໍ່ສະບາຍທ້ອງໄດ້ນຳ, ມີປະໂຫຍດຫລາຍແບບນີ້ເຮົາຄວນປ່ຽນຈາກອາຫານທີ່ມີຊີ້ນສັດມາກິນອາຫານເຈກັນດີກ່ວາ, ແຕ່ກໍຢ່າລືມເນັ້ນໝາກໄມ້ໃຫ້ຫລາຍໆ.
  2. ຊ່ວຍລ້າງສານພິດ : ອາຫານເຈມີສ່ວນຊ່ວຍໃນການລ້າງສານພິດໃນລຳໄສ້ໄດ້ເປັນຢ່າງດີ ເຊິ່ງໂດຍປົກກະຕິແລ້ວລຳໄສ້ຂອງຄົນເຮົານັ້ນຈະມີໂປຣຕິນສ່ວນເກີນຫລົງເຫລືອ ແລະ ຕິດຢູ່ເປັນຈຳນວນຫລາຍ ແລະ ຍັງອາດຈະມີໄຂມັນຈັບຢູ່ນຳອີກ ເຊິ່ງໂປຣຕິນ ແລະ ໄຂມັນສ່ວນເກີນນີ້ຈະກໍ່ໃຫ້ເກີດພະຍາດມະເຮັງລຳໄສ້ໄດ້. ດັ່ງນັ້ນ, ທ່ານຈຶ່ງຄວນລ້າງພິດໃຫ້ແກ່ລຳໄສ້ຂອງທ່ານເປັນປະຈຳ ເຊິ່ງອີກວິທີໜຶ່ງທີ່ຈະຊ່ວຍລ້າງສານພິດໄດ້ດີກໍຄື ການກິນອາຫານເຈເປັນປະຈຳນັ້ນເອງ.
  3. ຫລັບສະບາຍຍ້ອນສຸຂະພາບດີ :ໃນກະເພາະອາຫານຂອງຄົນເຮົາມັກຈະຍ່ອຍຜັກ ແລະ ໝາກໄມ້ໄດ້ງ່າຍ ແລະ ໃຊ້ເວລາໃນການຍ່ອຍໜ້ອຍກ່ວາຊີ້ນສັດ. ສະນັ້ນແລ້ວ ການກິນອາຫານເຈຈຶ່ງຊ່ວຍໃຫ້ກະເພາະອາຫານເຮັດວຽກໄດ້ງ່າຍຂຶ້ນ ແລະ ບໍ່ກໍ່ໃຫ້ເກີດບັນຫາຍື່ງທ້ອງແໜ້ນທ້ອງ.
  4. ຊ່ວຍໃຫ້ຜິວກ້ຽງງາມ ໃບໜ້າສົດໃສ : ການກິນຜັກ – ໝາກໄມ້ຈະເຮັດໃຫ້ຮ່າງກາຍໄດ້ຮັບວິຕາມິນເຊ ແລະ ເອີ ເຊິ່ງເປັນສານຕ້ານອະນຸມູນອິດສະລະ ເຊິ່ງວິຕາມິນເຫລົ່ານີ້ຈະຊ່ວຍໃຫ້ແຊນຂອງຮ່າງກາຍແຂງແຮງຫລາຍຂຶ້ນ ແລະ ຍັງຊ່ວຍໃຫ້ຜິວພັນສົດໃສຂຶ້ນນຳ ທ່ານໃດທີ່ຢາກມີຜິວກ້ຽງງາມສົດໃສ ແລະ ເບິ່ງອ່ອນກ່ວາອາຍຸ ຄວນຫັນມາກິນອາຫານເຈໃຫ້ຫລາຍຂຶ້ນ.
  5. ໜ້າຕາແຈ່ມໃສ ແລະ ຊ່ວຍຄວບຄຸມນຳ້ໜັກ : ການກິນອາຫານເຈຈະເຮັດໃຫ້ໃບໜ້າຂອງທ່ານສົດຊື່ນແຈ່ມໃສ ທັງຍັງຈະເຮັດໃຫ້ທ່ານອາລົມດີໄດ້ໝົດມື້ນຳອີກ ພ້ອມທັງຊ່ວຍຄວບຄຸມນຳ້ໜັກບໍ່ໃຫ້ຕຸ້ຍລົງພຸງ ຫລື ມີໄຂມັນສ່ວນເກີນນຳອີກ. ສຳລັບໃຜທີ່ບໍ່ເຄີຍກິນອາຫານເຈມາກ່ອນກໍໃຫ້ຄ່ອຍໆເລີ່ມ ລອງປ່ຽນຈາກການກິນຊີ້ນສັດມາກິນອາຫານເຈ ແຕ່ໃນໄລຍະທຳອິດຫາກທ່ານຍັງບໍ່ສາມາດເຊົາກິນຊີ້ນສັດ ແລະ ກິນແຕ່ຜັກໄດ້ ແນະນຳວ່າໃຫ້ເລີ່ມຈາກການງົດຊີ້ນ ແລ້ວກິນປາແທນໄປກ່ອນກໍໄດ້ ຈາກນັ້ນຈຶ່ງຄ່ອຍໆຫລຸດການກິນປາລົງ ເມື່ອດົນໆໄປທ່ານກໍຈະກິນແຕ່ອາຫານເຈໄດ້ຢ່າງແນ່ນອນ.
5 ຂໍ້ດີຂອງການກິນອາຫານເຈ - Wave100S AD to Website 2020 0 - 5 ຂໍ້ດີຂອງການກິນອາຫານເຈ
5 ຂໍ້ດີຂອງການກິນອາຫານເຈ - WhatsApp Image 2020 05 27 at 5 - 5 ຂໍ້ດີຂອງການກິນອາຫານເຈ
5 ຂໍ້ດີຂອງການກິນອາຫານເຈ - WhatsApp Image 2020 05 27 at 5 - 5 ຂໍ້ດີຂອງການກິນອາຫານເຈ
error: Alert: ເນື້ອຫາຂ່າວມີລິຂະສິດ !!