6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%

6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% - 221 - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%
6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% - AGL banner - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%

ການແຜ່ລະບາດຂອງ ພະຍາດໂຄວິດ-19 ໄດ້ສົ່ງຜົນກະທົບຢ່າງໃຫຍ່ຫລວງຕໍ່ເສດຖະກິດຂອງທຸກປະເທດໃນທົ່ວໂລກ. ໃນນັ້ນ, ອຸດສະຫະກໍາການທ່ອງທ່ຽວແມ່ນໄດ້ຮັບຜົນກະທົບໂດຍກົງເຊັ່ນ: ການບໍລິການຂົນສົ່ງ ແລະ ທຸລະກິດການທ່ອງທ່ຽວໄດ້ຢຸດສະງັກລົງ. ສໍາລັບ ສປປ ລາວ ກໍໄດ້ຮັບຜົນກະທົບເຊັ່ນດຽວກັນ ໂດຍເລີ່ມແຕ່ເດືອນມີນາ 2020 ເປັນຕົ້ນມາ ນັກທ່ອງທ່ຽວສາກົນໄດ້ຍົກເລີກລາຍການທ່ອງທ່ຽວ, ຍົກເລີກການຈອງຫ້ອງພັກ(ໂຮງແຮມ-ຣີສອດ-ເຮືອນພັກ), ສະຖານທີ່ທ່ອງທ່ຽວ ແລະ ອື່ນໆເຮັດໃຫ້ຈໍານວນນັກທ່ອງທ່ຽວມາທ່ຽວ ສປປ ລາວ ໃນໄລຍະ 6 ເດືອນຕົ້ນປີຫລຸດລົງເຖິງ -60% ຖ້າທຽບໃສ່ໄລຍະດຽວກັນຂອງປີ 2019 ແລະ ຄາດວ່າໝົດປີ 2020 ນີ້, ຈໍານວນນັກທ່ອງທ່ຽວສາກົນມາທ່ຽວ ສປປ ລາວ ອາດຈະບໍ່ເຖິງ 1 ລ້ານຄົນ.

ຂໍ້ມູນດັ່ງກ່າວ ໄດ້ຮັບການລາຍງານຈາກ ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ຮູ້ໃນໂອກາດເຂົ້າຮ່ວມເປັນປະທານໃນ ກອງປະຊຸມ ປຶກສາຫາລືລະຫວ່າງພາກລັດ ແລະ ພາກທຸລະກິດ ເພື່ອກຳນົດກິດຈະກໍາສົ່ງເສີມການທ່ອງທ່ຽວ ພາຍຫລັງມີການຜ່ອນຜັນມາດຕະການຜົນກະທົບຈາກພະຍາດໂຄວິດ-19 ວັນທີ 21 ສິງຫາ 2020 ທີ່ນະຄອນຫລວງວຽງຈັນ.

ທ່ານ ສະຫວັນຄອນ ລາຊະມຸນຕີ ຍັງໄດ້ໃຫ້ຮູ້ອີກວ່າ: ເລີ່ມແຕ່ທ້າຍເດືອນ ພຶດສະພາ ມາຮອດປັດຈຸບັນ ສປປ ລາວ ກໍຄື ຫລາຍປະເທດໃນພາກພື້ນ ແລະ ໃນໂລກໄດ້ຄ່ອຍໆອອກມາດຕະການຜ່ອນຜັນເທື່ອລະໜ້ອຍ. ແຕ່ເຖິງຢ່າງໃດກໍຕາມ, ຜົນກະທົບດັ່ງກ່າວຍັງອາດຈະບໍ່ສິ້ນສຸດລົງໃນເວລາອັນໃກ້ນີ້, ການລະບາດຂອງພະຍາດໂຄວິດ-19 ໃນຄັ້ງນີ້ມັນເຮັດໃຫ້ທົ່ວສັງຄົມຕ້ອງໄດ້ປັບປຸງ ວິທີການດໍາລົງຊີວິດຄືນໃໝ່ ເຊິ່ງເອີ້ນວ່າ “New Normal” ໂດຍການໃຫ້ຄວາມສໍາຄັນຕໍ່ບັນຫາສຸຂະພາບຫລາຍຂຶ້ນ, ການການເວັ້ນໄລຍະຫ່າງທາງສັງຄົມ, ການໃສຜ້າອັດປາກ-ດັງ ຕະຫລອດຮອດການຄົ້ນຄວ້າວິທີການຕ່າງໆ ກ້າວໄປສູ່ການກຸ້ມຕົນເອງເພິ່ງຕົນເອງເທື່ອລະກ້າວຢ່າງແຂງແຮງ. ເຖິງວ່າ ສປປ ລາວ ຂອງພວກເຮົາ ກໍຄື ບັນດາປະຊາຊາດໃນທົ່ວໂລກ ກໍາລັງປະເຊີນກັບບັນຫາການລະບາດຂອງພະຍາດດັ່ງກ່າວກໍຕາມ, ແຕ່ພວກເຮົາກໍກໍາລັງຮ່ວມກັນສຸມທຸກຄວາມພະຍາ ຍາມທີ່ຈະເຮັດໃຫ້ກະທົບຕໍ່ຊີວິດການເປັນຢູ່ຂອງປະຊາຊົນ ໃນຂອບເຂດທົ່ວປະເທດ ໜ້ອຍທີ່ສຸດ ແລະ ຊອກຫາວິທີທາງທີ່ເໝາະສົມ ເພື່ອຊ່ວຍຟື້ນຟູການທ່ອງທ່ຽວ ໃຫ້ກັບເຂົ້າສູ່ສະພາບທີ່ດີຂຶ້ນເທື່ອລະກ້າວ.

6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% - Wave100S AD to Website 2020 0 - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%

ໃນໂອກາດດຽວກັນ, ທ່ານຍັງໄດ້ຮຽກຮ້ອງໃຫ້ທຸກພາກສ່ວນທັງພາກລັດ, ພາກທຸລະກິດ, ອົງການຈັດຕັ້ງຕ່າງໆທີ່ກ່ຽວຂ້ອງ ແລະ ປະຊາຊົນທ້ອງຖິ່ນ ຕ້ອງໄດ້ຮ່ວມມືກັນຢ່າງຈິງຈັງ ເພື່ອຄົ້ນຄວ້າວິທີການຈັດຕັ້ງປະຕິບັດຮ່ວມກັນ, ເຊິ່ງກອງປະຊຸມຄັ້ງນີ້ ສຸດທີ່ມີຄວາມໝາຍສໍາຄັນ ທີ່ຈະຊ່ວຍໃຫ້ພວກເຮົາຊອກຫາວິທີທາງອອກທີ່ເໝາະສົມຮ່ວມກັນ ເພື່ອສົ່ງເສີມການທ່ອງທ່ຽວລາວ, ຊ່ວຍໃຫ້ການທ່ອງທ່ຽວຂອງລາວຄ່ອຍໆມີບັນຍາກາດທີ່ຟົດ ຟື້ນຂຶ້ນ ແລະ ຊ່ວຍກະຈາຍລາຍຮັບໃນທົ່ວສັງຄົມ.

6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% -    AD conten website - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%
6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% - lattana banner - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%
6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60% - lattana banner 1 - 6 ເດືອນຕົ້ນປີ ນັກທ່ອງທ່ຽວມາທ່ຽວລາວ ຫລຸດລົງເຖິງ -60%
error: Alert: ເນື້ອຫາຂ່າວມີລິຂະສິດ !!