ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ

ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ - 555 54 - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ
ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ - AGL banner - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ

ເມື່ອຕ້ອງພົບກັບສະພາບອາກາດຮ້ອນອົບເອົ້າ ສຳນັກງານ ຫລື ຫ້ອງການຫລາຍແຫ່ງມັກຈະເລັ່ງເຄື່ອງປັບອາກາດ ຫລື ແອໃຫ້ມີອຸນຫະພູມທີ່ເຢັນຂຶ້ນ ຈົນບາງເທື່ອເຮັດໃຫ້ຫ້ອງການກາຍເປັນຫ້ອງທີ່ໜາວເຢັນຈົນເກີນໄປ ເຊິ່ງນອກຈາກຈະເຮັດໃຫ້ປ່ວຍໄດ້ແລ້ວ ຍັງສົ່ງຜົນກະທົບທາງລົບຕໍ່ປະສິດທິພາບໃນການເຮັດວຽກ ແລະ ການໃຊ້ຄວາມຄິດຂອງແມ່ຍິງນຳອີກ.

ທີມນັກວິໄຈຈາກສະຫະລັດອາເມລິກາ ແລະ ເຢຍລະມັນ ທົດລອງກັບອາສາສະໝັກ 543 ຄົນ ເພື່ອສັງເກດເຖິງຄວາມກ່ຽວຂ້ອງລະຫ່ວາງອຸນຫະພູມຂອງສິ່ງແວດລ້ອມອ້ອມໆກັບຄວາມສາມາດໃນການຄິດວິເຄາະຂອງທັງເພດຊາຍ ແລະ ຍິງ ໂດຍໄດ້ຕີພິມຜົນການສຶກສາດັ່ງກ່າວລົງໃນວາລະສານວິຊາການ PLOS ONE.

ມີການທົດລອງໃຫ້ອາສາສະໝັກທັງ 2 ເພດ ແກ້ບົດຝຶກຫັດ ຫລື ໂຈດຄະນິດສາດ ແລະ ຫລິ້ນເກມປະສົມໂຕອັກສອນ ໂດຍຕ້ອງເຮັດແບບທົດລອງທີ່ກຽມໄວ້ໃນຫລາຍຫ້ອງ ເຊິ່ງແຕ່ລະຫ້ອງໄດ້ປັບອຸນຫະພູມໄວ້ແຕກຕ່າງກັນ ຕັ້ງແຕ່ 16 – 32 ອົງສາ ໂດຍອາສາສະໝັກຈະໄດ້ຮັບເງິນລາງວັນຫາກຕອບໄດ້ຖືກຕ້ອງໃນແຕ່ລະຄຳຖາມ.

ຜົນທີ່ໄດ້ພົບວ່າ ອາສາສະໝັກຍິງສາມາດເຮັດຄະແນນໄດ້ດີຂຶ້ນຫລາຍໃນດ້ານຄະນິດສາດ ແລະ ພາສາ ຫາກຢູ່ໃນຫ້ອງທີ່ມີອຸນຫະພູມສູງຂຶ້ນກ່ວາເກົ່າ ໂດຍຄວາມແຕກຕ່າງພຽງ 1 ອົງສາ ເຮັດໃຫ້ພວກນາງເຮັດຄະແນນໄດ້ດີຂຶ້ນເກືອບ 2% ໃນຂະນະທີ່ອາສາສະໝັກຊາຍສ່ວນຫລາຍເຮັດຄະແນນໄດ້ດ້ອຍລົງເລັກນ້ອຍ.

ແນວໃດກໍຕາມ, ການປັບອຸນຫະພູມຫ້ອງໃຫ້ສູງຂຶ້ນບໍ່ເທົ່າໃດອົງສາ ຊ່ວຍສົ່ງເສີມໃຫ້ປະສິດທິພາບໃນການເຮັດວຽກຂອງແມ່ຍິງເພີ່ມຂຶ້ນຫລາຍເທົ່າ. ໃນຂະນະທີ່ຜູ້ຊາຍເຊິ່ງເບິ່ງຄືວ່າຈະມັກອຸນຫະພູມລະດັບຕໍ່າກ່ວາ ໄດ້ຮັບຜົນກະທົບບໍ່ຫລາຍປານໃດຈາກການເຮັດວຽກໃນສະພາບແວດລ້ອມທີ່ອົບອຸ່ນເໝາະສົມກັບແມ່ຍິງ.

ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ - Wave100S AD to Website 2020 0 - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ

ກ່ອນໜ້ານີ້ ລະດັບອຸນຫະພູມຕາມຫ້ອງການຕ່າງໆໃນສະຫະລັດອາເມລິກາ ແລະ ໃນອີກຫລາຍປະເທດມັກຈະຖືກປັບໄວ້ປະມານ 20 – 22 ອົງສາໃນຍາມຮ້ອນ ເຊິ່ງເປັນລະດັບທີ່ເໝາະສົມກັບອັດຕາການເຜົາຜານໃນຮ່າງກາຍຂອງຊາຍອາຍຸ 40 ປີ ທີ່ມີນຳ້ໜັກ 70 ກິໂລ. ໃນຂະນະທີ່ແມ່ຍິງສ່ວນຫລາຍຕ້ອງການສະພາບແວດລ້ອມທີ່ອົບອຸ່ນກ່ວາ 25 ອົງສາຂຶ້ນໄປ.

ທີມນັກວິໄຈກ່າວວ່າ ຜົນການທົດລອງຊີ້ໃຫ້ເຫັນເຖິງຂໍ້ດີຂອງການປັບອຸນຫະພູມໃນໂຕອາຄານໃຫ້ສູງຂຶ້ນກ່ວາເກົ່າເລັກນ້ອຍ ເຊິ່ງນອກຈາກຈະຊ່ວຍປະຢັດພະລັງງານ ແລະ ເຮັດໃຫ້ພະນັກງານຮູ້ສຶກເຢັນສະບາຍກຳລັງດີແລ້ວ ອົງການຈະໄດ້ຮັບປະໂຫຍດຈາກປະສິດທິພາບໃນການຄິດຂອງພະນັກງານຍິງທີ່ເພີ່ມຂຶ້ນນຳ.

ແນວໃດກໍຕາມ, ການທົດລອງໃນເທື່ອນີ້ເປັນພຽງການທົດລອງເບື້ອງຕົ້ນ ເຊິ່ງຈະຕ້ອງມີການທົດລອງຊຳ້ເພື່ອພິສູດຄວາມຖືກຕ້ອງອີກຫລາຍເທື່ອ ເນື່ອງຈາກກ່ອນໜ້ານີ້ການທົດລອງໃນເລື່ອງລະດັບອຸນຫະພູມທີ່ເໝາະສົມຂອງແຕ່ລະເພດ ມັກໄດ້ຜົນທີ່ກົງກັນຂ້າມກັນໄປມາບໍ່ແນ່ນອນ ທັງມີການຖົກຖຽງກັນຈົນເກືອບຈະເອີ້ນໄດ້ວ່າເປັນ ສົງຄາມເຄື່ອງປັບອາກາດ ລະຫວ່າງຊາຍ ແລະ ຍິງ.

ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ - lattana banner 1 - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ
ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ - lattana banner - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ
ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ -    AD conten website - ແອໃນຫ້ອງການເຢັນເກີນໄປອາດທຳລາຍປະສິດທິພາບໃນການຄິດຂອງພະນັກງານ
error: Alert: ເນື້ອຫາຂ່າວມີລິຂະສິດ !!