ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່

ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ - 1598114208599 - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່
ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ - AGL banner - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່

ເກີດເຫດຍິງປະທະກັນລະຫວ່າງໜ່ວຍສະເພາະກິດ ປກສ ນະຄອນຫຼວງວຽງຈັນ ແລະ ເປົ້າໝາຍກໍ່ຄະດີ ທີ່ເສັ້ນທາງໜ້າທະນາຄານຮ່ວມພັດທະນາ ບ້ານຫັດສະດີ ເມືອງຈັນທະບູລີ ນວ, ເມື່ອເວລາ 19:00 ໂມງ ຂອງຄືນວັນທີ 21 ສິງຫາ 2020, ເປັນເຫດໃຫ້ເປົ້າໝາຍເສຍຊີວິດໃນເວລາຕໍ່ມາ…ເຫດການນີ້, ສື່ສັງຄົມອອນລາຍໄດ້ໂພດຕ່າງໆນາໆ ແຕ່ເລື່ອງນີ້ ເຈົ້າໜ້າທີ່ໄດ້ສະຫຼຸບເບື້ອງຕົ້ນ ແລະ ຊີ້ແຈງ ຄື:

ກ່ອນນີ້ກໍຄື ເດືອນກໍລະກົດ ປີ 2020, ຢູ່ເຂດເມືອງຈັນທະບູລີ ມີປະກົດການປຸ້ນຈີ້, ຊີງຊັບຢ່າງຕໍ່ເນື່ອງເຖິງ 12 ຄັ້ງ, ເຊິ່ງແຕ່ລະຄັ້ງຜູ້ຖືກເຄາະຮ້າຍກໍ່ໄດ້ເຂົ້າແຈ້ງຄວາມ. ຕໍ່ກັບເຫດການດັ່ງກ່າວທີ່ເກີດຂຶ້ນ ທາງເຈົ້າໜ້າທີ່ໜ່ວຍງານສະເພາະກິດ ກໍ່ໄດ້ລົງຕິດຕາມຢ່າງໃກ້ຊິດ ຕາມຄໍາສັ່ງຂອງຜູ້ບັງຄັບບັນຊາ ແລະ ສາມາດຮູ້ໄດ້ເປົ້າໝາຍ, ຈົນຮອດມື້ເກີດເຫດຄື: ວັນທີ 21 ສິງຫາ 2020 ເວລາ 19:00 ໂມງ, ຂະນະທີ່ເປົ້າໝາຍຂີ່ລົດຈັກຄລິກໄອສີແດງດໍາ ໝາຍເລກທະບຽນ ຈລ 8525 ກໍາແພງນະຄອນ ເລາະຕາມເສັ້ນທາງດັ່ງກ່າວ ເມືອເຈົ້າໜ້າທີ່ໜ່ວຍສະເພາະກິດພົບເຫັນ ຈິ່ງໄດ້ເຂົ້າປະຊິດ ເພື່ອສະແດງຕົວເຂົ້າຈັບກຸມມາດໍາເນີນຄະດີຕາມຂັ້ນຕອນຂອງກົດໝາຍ ແຕ່ຜູ້ກ່ຽວກໍບໍ່ຍອມໃຫ້ການຮ່ວມມື ແຖມຍັງຕໍ່ສູ້ຄືນດ້ວຍການຈົກປືນຍິງເຈົ້າໜ້າທີ່ກ່ອນ 2 ນັດ ແຕ່ບໍ່ຖືກ ເພື່ອເປັນການປ້ອງກັນຊີວິດໃນເວລາປະຕິບັດໜ້າທີ່ ເຈົ້າໜ້າທີ່ຈິ່ງໄດ້ຕອບໂຕ້ຄືນ 1 ນັດ ເຮັດໃຫ້ເປົ້າໝາຍໄດ້ຮັບບາດເຈັບ ແຕ່ຍັງເອົາຕົວຫຼົບໜີ ປະມານ 10 ແມັດ ແລ້ວລົ້ມລົງ ແລະ ເສຍຊີວິດໃນເວລາຕໍ່ມາ.

ເປົ້າໝາຍປຸ້ນຈີ້, ຊີງຊັບ ລາຍນີ້ຄື: ທ້າວ ຄໍາສິນ ( ແຂກ ) ອາຍຸ 42 ປີ ຫວ່າງງານ ຢູ່ບ້ານໜອງທາເໜືອ ເມືອງຈັນທະບູລີ ນະຄອນຫຼວງວຽງຈັນ.

ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ - Wave100S AD to Website 2020 0 - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່

ເຈົ້າໜ້າທີ່ຍັງຊີ້ແຈງອີກວ່າ: ເປົ້າໝາຍລາຍນີ້ ແມ່ນໜຶ່ງໃນເປົ້າໝາຍທີ່ເລາະທຸບແວ່ນລົດ ຕາມສາທາລະນະ ຢູ່ນະຄອນຫຼວງວຽງຈັນ ໃນປີ 2019, ທີ່ທາງເຈົ້າໜ້າທີ່ເຮົາໄດ້ໄລ່ລ້າຕິດຕາມ. ຕໍ່ກັບເຫດການນີ້, ເຈົ້າໜ້າທີ່ຈະໄດ້ຊີ້ແຈງເພີ່ມເຕີມຕໍ່ສັງຄົມ ເມື່ອມີຂໍ້ສະຫຼຸບຢ່າງຊັດເຈນ.

ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ - lattana banner - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່
ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ -    AD conten website - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່
ເຈົ້າໜ້າທີ່ຊີ້ແຈງ...ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່ - lattana banner 1 - ເຈົ້າໜ້າທີ່ຊີ້ແຈງ…ເຫດເປົ້າໝາຍເສຍຊີວິດ ຂະນະປະທະເຈົ້າໜ້າທີ່
error: Alert: ເນື້ອຫາຂ່າວມີລິຂະສິດ !!