ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່

ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ - 555 57 - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່
ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ - AGL banner - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່

       ເມື່ອໂຄວິດ – 19 ກຳລັງຈະປ່ຽນຄວາມນິຍົມຂອງຜູ້ບໍລິໂພກ ແລະ ເປີດທາງໃຫ້ເກີດໂອກາດໃໝ່ໆສຳລັບເຄື່ອງຈັກອັດຕະໂນມັດ ເພາະບໍລິສັດທັງຂະໜາດໃຫຍ່ ແລະ ນ້ອຍກຳລັງເພີ່ມຮູບແບບການໃຊ້ງານຫຸ່ນຈັກເພື່ອຕອບສະໜອງຕໍ່ການຮັກສາໄລຍະຫ່າງທາງສັງຄົມ ແລະ ຫລຸດຈຳນວນພະນັກງານທີ່ຕ້ອງມາເຮັດວຽກ. ນອກຈາກນີ້, ມີການໃຊ້ຫຸ່ນຈັກເຮັດວຽກບາງຢ່າງທີ່ມະນຸດບໍ່ສາມາດເຮັດໄດ້ຈາກການເຮັດວຽກຢູ່ເຮືອນນຳ.

     ວໍມາດ ເຊິ່ງເປັນຜູ້ຄ້າສົ່ງເຈົ້າໃຫຍ່ທີ່ສຸດໃນສະຫະລັດອາເມລິກາ ໃຊ້ຫຸ່ນຈັກມາເຊັດຖູພື້ນ. ສ່ວນເກົາຫລີໃຕ້ກໍມີການໃຊ້ຫຸ່ນຈັກມາວັດແທກອຸນຫະພູມ ແລະ ແຈກເຈວຂ້າເຊື້ອ. ຍິ່ງຜູ້ຊ່ຽວຊານດ້ານສຸຂະພາບຫລາຍທ່ານອອກມາເຕືອນວ່າ ການຮັກສາໄລຍະຫ່າງທາງສັງຄົມອາດຕ້ອງມີຕໍ່ໄປຈົນເຖິງປີໜ້າ ກໍໝາຍເຖິງວ່າຈະມີຄວາມຕ້ອງການໃຊ້ຫຸ່ນຈັກເພີ່ມຂຶ້ນອີກ.

     ຫຸ່ນຈັກເຮັດຄວາມສະອາດ : ທຸລະກິດກ່ຽວກັບຜະລິດຕະພັນເຮັດຄວາມສະອາດ ແລະ ຂ້າເຊື້ອກຳລັງເປັນທີ່ຕ້ອງການຂອງຕະຫລາດ ໂດຍ (UVD Robotsບໍລິສັດສັນຊາດເດັນມາກຜູ້ຜະລິດຫຸ່ນຈັກຂ້າເຊື້ອດ້ວຍລັງສີອັລຕຣາໄວໂອເລັດກໍເປັນໜຶ່ງໃນນັ້ນ ບໍລິສັດສົ່ງສິນຄ້າຫລາຍຮ້ອນອັນໄປຍັງໂຮງໝໍໃນຈີນ ແລະ ເອີຣົບ.

ຮ້ານຂາຍເຄື່ອງຍ່ອຍ ແລະ ຮ້ານອາຫານທີ່ເປີດໃຫ້ບໍລິການແບບຊື້ກັບເຮືອນກໍຫັນມາໃຊ້ຈັກກົນເຊັ່ນກັນ. ຜູ້ຊ່ຽວຊານບອກວ່າ ເມື່ອທຸລະກິດເປີດອີກຄັ້ງ ຄາດວ່າເຮົາຈະໄດ້ເຫັນການປັບໃຊ້ເຕັກໂນໂລຊີກັນຫລາຍຂຶ້ນ, ເຮົາອາດໄດ້ເຫັນຫຸ່ນຈັກເຮັດຄວາມສະອາດທີ່ໂຮງຮຽນ ຫລື ສຳນັກງານ.

“ຕອນນີ້ລູກຄ້າກັງວົນເລື່ອງຄວາມປອດໄພຂອງຕົນເອງ ແລະ ພະນັກງານຫລາຍກ່ວາເກົ່າ” – ເບລກ ມໍແກນ ຜູ້ຂຽນໜັງສື The Customer of the Futureກ່າວ. ນາງບອກຕື່ມວ່າການໃຊ້ເຄື່ອງຈັກກົນເຮັດໃຫ້ໝົດຫ່ວງເລື່ອງສຸຂະພາບ ແລະ ລູກຄ້າກໍຢາກຕອບແທນບໍລິສັດທີ່ດຳເນີນການລັກສະນະນີ້, ແຕ່ນາງ ມໍແກນ ບອກວ່າ ມັນກໍຍັງມີຂໍ້ຈຳກັດ ເພາະໃນຂະນະທີ່ເຄື່ອງຄິດໄລ່ເງິນອັດຕະໂນມັດຕາມຮ້ານຄ້າສາມາດຫລຸດຄວາມສຳພັນລະຫ່ວາງມະນຸດໄດ້, ແຕ່ມັນກໍເຮັດວຽກໄດ້ບໍ່ຄ່ອງແຄ້ວປານໃດ ຫລື ບາງເທື່ອກໍເພງ່າຍ ເຮັດໃຫ້ລູກຄ້າເລືອກທີ່ຈະໄປຈ່າຍເງິນກັບພະນັກງານທີ່ເປັນມະນຸດຫລາຍກ່ວາ.

ຮັກສາໄລຍະຫ່າງທາງສັງຄົມ : ທຸລະກິດບໍລິການອາຫານກໍເປັນອີກສາຂາທີ່ມີການໃຊ້ຫຸ່ນຈັກຫລາຍຂຶ້ນ ເພື່ອປ້ອງກັນບັນຫາກ່ຽວກັບສຸຂະພາບ ໂດຍ ແມັກໂດນັລ ເລີ່ມການທົດລອງໃຊ້ຫຸ່ນຈັກເຮັດອາຫານ ແລະ ໃຫ້ບໍລິການໃນຮ້ານ. ທຸລະກິດທີ່ມີສາງ ດັ່ງ ອະເມຊອນ ຫລື ວໍມາດ ກໍໃຊ້ຫຸ່ນຈັກເພື່ອພັດທະນາປະສິດທິພາບວຽກ. ການລະບາດຂອງໂຄວິດ – 19 ຍິ່ງເຮັດໃຫ້ທັງສອງບໍລິສັດເພີ່ມການໃຊ້ງານຫຸ່ນຈັກໃນການຈັດແຍກສິນຄ້າ, ສົ່ງເຄື່ອງ ແລະ ຈັດພາຊະນະບັນຈຸ.

ວິທີນີ້ກໍອາດຊ່ວຍຫລຸດຂໍ້ຮ້ອງຮຽນຈາກພະນັກງານທັງຫລາຍທີ່ບອກວ່າບໍ່ສາມາດຮັກສາໄລຍະຫ່າງຈາກເພື່ອນຮ່ວມງານໃນສາງໄດ້, ແຕ່ຜູ້ຊ່ຽວຊານດ້ານເຕັກໂນໂລຊີບອກວ່າ ມັນກໍເຮັດໃຫ້ພະນັກງານເຫລົ່ານີ້ວ່າງງານໄດ້ຄືກັນ. ເມື່ອທຸລະກິດເລີ່ມລົງທຶນໃນເຕັກໂນໂລຊີເພື່ອທົດແທນແຮງງານມະນຸດຕຳແໜ່ງໃດແລ້ວ ກໍຍາກທີ່ຈະມີການຈ້າງງານຕຳແໜ່ງນັ້ນອີກ ຫາກຜະລິດຫຸ່ນຈັກ ແລະ ປະສານບົດບາດຂອງມັນເຂົ້າກັບທຸລະກິດມີຕົ້ນທຶນສູງກ່ວາການໃຊ້ມະນຸດ, ແຕ່ເມື່ອມັນໃຊ້ງານໄດ້ຈິງຈົນເຫັນຜົນແລ້ວ ມັນມີຄ່າໃຊ້ຈ່າຍຕໍ່າກ່ວາການໃຊ້ແຮງງານມະນຸດ.

ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ - Wave100S AD to Website 2020 0 - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່

ມາຕິນ ຟອດ ບອກວ່າ : ການໃຊ້ຫຸ່ນຈັກຫລັງພົ້ນວິກິດໂຄວິດ – 19 ມີປະໂຫຍດທາງດ້ານການຕະຫລາດນຳ “ຜູ້ຄົນຈະເລືອກໄປບ່ອນທີ່ມີພະນັກງານໜ້ອຍກ່ວາ ແລະ ມີເຄື່ອງຈັກກົນຫລາຍກ່ວາ ເພາະພວກເຂົາຮູ້ສຶກວ່າໂດຍລວມແລ້ວມັນມີຄວາມສ່ຽງໜ້ອຍກ່ວາ” ເຂົາອະທິບາຍ.

     ແລ້ວບົດບາດໃນວຽກບໍລິການທີ່ຕ້ອງມີຄົນຄອຍໃຫ້ຄຳແນະນຳຈະເປັນແນວໃດ ?

ຂະນະນີ້ມີການພັດທະນາສະໝອງກົນເພື່ອໃຊ້ທົດແທນວຽກປະເພດດິວເຕີ, ຄູຝຶກໃນສູນອອກກຳລັງກາຍ ຫລື ແມ່ນແຕ່ຜູ້ໃຫ້ຄຳແນະນຳດ້ານການເງິນ. ບໍລິສັດເຕັກໂນໂລຊີຂະໜາດໃຫຍ່ກຳລັງຂະຫຍາຍການໃຊ້ສະໝອງກົນ ທັງເຟສບຸກ ແລະ ກູເກິລ ລ້ວນແຕ່ເພິ່ງພາເຕັກໂນໂລຊີສະໝອງກົນໃນການລົບໂພສທີ່ມີຂໍ້ຄວາມບໍ່ເໝາະສົມ ເພາະພະນັກງານທີ່ດູແລເນື້ອຫາຂອງບໍລິສັດບໍ່ສາມາດເຂົ້າເຖິງເນື້ອຫາບາງປະເພດໄດ້ຈາກການເຮັດວຽກຢູ່ເຮືອນ. ຫລາຍຄົນທີ່ຮູ້ສຶກແຄງໃຈຕໍ່ຫຸ່ນຈັກເຊື່ອວ່າມະນຸດປະຕິບັດງານປະເພດນີ້ໄດ້ດີກ່ວາ, ແຕ່ແນວຄິດນີ້ອາດກຳລັງປ່ຽນໄປ ເພາະການປະຕິບັດມາດຕະການໂຄວິດ- 19 ເຮັດໃຫ້ຄົນເລີ່ມລຶ້ງກັບການຕິດຕໍ່ສື່ສານທາງໄກ, ຄູຝຶກ ຫລື ຜູ້ໃຫ້ຄຳແນະນຳທີ່ຢູ່ເທິງໜ້າຈໍບໍ່ຈຳເປັນຕ້ອງເປັນຄົນແທ້ໆກໍໄດ້ ແຕ່ຕ້ອງສາມາດຄິດ ແລະ ເຮັດໄດ້ຄືກັບຄົນແທ້.

ລາຍງານຈາກແມກຄິນຊີ ບໍລິສັດທີ່ປຶກສາລະດັບໂລກເມື່ອປີ 2017 ເຄີຍຄາດໄວ້ວ່າພາຍໃນປີສະ 2030 ແຮງງານປະມານ 1 ໃນ 3 ໃນສະຫະລັດອາເມລິກາຈະຖືກແທນບ່ອນດ້ວຍແຮງງານຈັກກົນ, ແຕ່ສະຖານະການພະຍາດລະບາດກໍອາດເຮັດໃຫ້ເສັ້ນເວລາປ່ຽນໄປໝົດ ແລະ ຜູ້ຊ່ຽວຊານບອກວ່າສຸດທ້າຍແລ້ວ ມັນຂຶ້ນຢູ່ກັບມະນຸດທີຈະຕັດສິນໃຈວ່າຕ້ອງການຫລອມລວມເຕັກໂນໂລຊີເຂົ້າກັບໂລກນີ້ແນວໃດ.

 

ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ - lattana banner 1 - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່
ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ - lattana banner - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່
ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່ -    AD conten website - ວິກິດພະຍາດລະບາດອາດເປັນໂຕເລັ່ງໃຫ້ຫຸ່ນຈັກເຂົ້າມາແທນບ່ອນແຮງງານມະນຸດຫລືບໍ່
error: Alert: ເນື້ອຫາຂ່າວມີລິຂະສິດ !!